Երևանի կենտրոնում թալանել են բռնահանված արցախցի սպայի վարձակալած բնակարանը, վերջին խնայողությունները

Օգտատերն ահազանգում է՝ Երևանի կենտրոնում՝ Բաղրամյան փողոցում թալանել են

բռնահանված արցախցի սպայի վարձակալած բնակարանը, վերջին խնայողությունները` նույնիսկ կնունքի խաչերը։ Դեպքի մասին ահազանգել է նաև իրավապաշտպան Ռուբեն Մելիքյանը։ 

Քաղաքացին ֆեյսբուքյան իր էջում գրում է․ «Ամենայն հայոց մայրաքաղաքի կենտրոնական այդ փողոցը(ուր գտնվում են նաև երկրի Կառավարության և Ազգային ժողովի շենքերը) զարդարում են սրճարաններ, մեծ մարկետներ, որոնց տեսախցիկները ջանասիրաբար վերահսկում են իրենց բիզնեսների արդյունավետ աշխատանքը, բայց «մանր-մունր» գլխացավանքից հեռու մնալու համար գերադասում են «փչանալ»։

Արդեն 12 օր է` ոստիկաններին չի հաջողվում գտնել հարևան շենքի տեսախցիկի ֆիքսած դիմակավորված պիղծին, ով իր ավարը հաշվելով հանգիստ ու ինքնագոհ քայլում էր Երևանի սրտում` վստահ լինելով, որ կմնա անպատիժ։

Երևի նա ինչ֊որ բան գիտի. այդ մենք ենք նոր լսում, որ այստեղ սովորական է դարձել տեսախցիկների առաջ գողություն անելն ու անպատիժ մնալը (գողությունն ի՞նչ է` մարդ սպանել ու չպատժվել)։

Ես համոզված եմ, որ Աստծո արդարադատությունը թույլ չի տա այդ պիղծերին մարսել այն գումարը, որ վաստակվել է խրամատներում` մահվան աչքերին նայելով, այն հացը որ խլվել է պատերազմի արհավիրքներ ու շրջափակում ապրած 5֊ ամյա փոքրիկների բերանից, բայց ուզում եմ հուսալ, որ մեր հայրենիքում էլ դեռ օրենքն ու արդարությունը չի պարտվել, և նման տականքները ջրի երես կհանվեն ու հասարակական պարսավանքին կարժանանան. այդպես միայն կարող է ազգս մաքրվել»։ 

Այս թեմայով ՀԻՄԱ․ Արմեն Այվազյանի՝ «Երևանի հերոսամարտը» մենագրության շնորհանդեսը Վաշինգտոնը շարունակում է աջակցել Երևանի ու Բաքվի՝ խաղաղության համաձայնագրին հասնելու ջանքերին․ Պետդեպ Երևանի օդում փոշու պարունակությունը չափող 108 սարք է տեղադրվել Կկայանա Արմեն Այվազյանի «Երևանի հերոսամարտը (1724 թ. հունիսի 24-սեպտեմբերի 23)» մենագրության շնորհանդեսը Արցախցի երեխաներին Հունգարիա տանելու ծրագիրն օր առաջ պետք է կանգնեցվի. Տիգրան Քոչարյանը` Տեր Վրթանեսին Երևանի և մարզերի մի շարք հասցեներում լույս չի լինի Արցախցի երեխաների համար Հունգարիայի կողմից ճամբարներ կազմակերպելն էժանագին «հումանիտար ժեստ» է. Արցախի ՄԻՊ ԱՄՆ-ն ողջունում է Երևանի ու Բաքվի միջև առաջընթացը․ Պետդեպը՝ Փաշինյան-Բլինկեն հեռախոսազրույցի մասին ԱՄՆ-ն ողջունում է Երևանի ու Բաքվի միջև առաջընթացը․ Պետդեպը՝ Փաշինյան-Բլինկեն հեռախոսազրույցի մասին Բայրամովն ու Քըլըչը քննարկել են Բաքվի ու Երևանի միջև բանակցությունները