Ովքեր դեմ են մարդկանց խոշտանգելուն, թող լինեն Շենգավիթի դատարանի մոտ․ բռնության ենթարկված արցախցու եղբայրը կոչ է ուղղել

Պարեկների կողմից բռնության ենթարկված Արամ Երիցյանի եղբայրը՝ Ռոման Երիցյանը, միասնականության կոչ է արել և աջակցություն խնդրել ՝ կոչ անելով վաղը հավաքվել Շենգավիթի դատարանի մոտ (հասցե՝ Երևան, Արշակունյաց 24/1)։

Հիշեցնենք՝ երկու օր առաջ պարեկները բռնություն էին գործադրել Արամ Երիցյանի նկատմամբ՝ մեքենան, իբրև, ոչ ճիշտ տեղում կայանելու պատճառաբանությամբ։

Պարեկների ոչ իրավաչափ գործողությունների հետևանքով արցախցի Արամ Երիցյանը մարմնական լուրջ վնասվածքներ է ստացել։ Երեկ էլ ՔԿ-ն հաղորդագրություն էր տարածել՝ պնդելով, թե Երիցյանն է հարվածել պարեկներին։ Այսօր էլ նախաքննական մարմինը դիմել է դատարան՝ պարեկների կողմից բռնության ենթարկված Արամ Երիցյանին կալանավորելու պահանջով։

Նրա եղբոր տարածած հայտարարությունում նշվում է․

«Հարգելի’ հայրենակիցներ․

Նախաքննական մարմինը դիմել է դատարան եղբորս՝ Արամ Երիցյանին, երկու ամիս ժամկետով կալանավորելու միջնորդությամբ։ Դատական նիստը նշանակվել է վաղը՝ օգոստոսի 4-ին, առավոտյան ժամը 12:00-ին Շենգավիթի դատարանում (հասցե՝ Երևան, Արշակունյաց 24/1)։

Շնորհակալ եմ բոլոր այն անձանց, որոնք իրենց ֆիզիկական ներկայությամբ, զանգելով կամ գրելով այսօր աջակցել են մեզ, բայց բոլորիդ ներկայությունը վաղն ավելի քան անհրաժեշտ է։ Այո, վաղը կիրակի է՝ հանգստյան օր։ Հասկանում եմ, որ ունեք հանգստի տարբեր պլաններ, ոմանք բազմազբաղ են, ոմանք էլ բնակվում են Երևանից դուրս։ Այնուամենայնիվ, բոլոր այն անձինք, որոնք սրտացավ են իմ, եղբորս կամ յուրաքանչյուր արցախցու նկատմամբ, որոնք դեմ են տիրող ապօրինությանն ու պատրաստ են պայքարել դրա դեմ, պետք է վաղը ներկա լինեն դատարանում։ Սա ճակատագրական և միասնականություն ցուցաբերելու պատեհ պահ է։

Ինքս պայքարել եմ յուրաքանչյուրիդ կամ առնվազն ձեր հարազատներից կամ ընկերներից որևէ մեկի համար։ Աջակցել եմ բոլոր նրանց, ովքեր ունեցել են դրա կարիքը։ Անկախ նրանից՝ պաշտպանյալս պաշտոնյա էր, թե հասարակ քաղաքացի, կատարել եմ հնարավորությանս սահմաններում ամեն ինչ՝ ոտնահարված իրավունքները վերականգնելու համար։

Հիմա եկել է ձեր աջակցության պահը։ Եկել է միասնականություն ցուցաբերելու և այս ապօրինությանը դիմադրելու պահը։

Եկեք ցույց տանք՝ որքան միասնական կարող ենք լինել։ Ցույց տանք, որ մտահոգված ենք ցանկացած արցախցու ճակատագրով։ Ցույց տանք, որ դեմ ենք մարդկանց անհիմն ու ապօրինի ազատազրկելուն։

Կրկնում եմ, որ բոլորիդ ներկայությունը պարտադիր է։ Խոսքս վերաբերում է ոչ միայն արցախցիներին, այլև Հայաստանի ցանկացած բնակչի։ Բոլոր նրանց, ովքեր դեմ են մարդկանց խոշտանգելուն, նրանց, ովքեր մտահոգված են Հայաստանում տիրող իրավիճակով, նրանց, ովքեր այս կամ այն եղանակով դարձել են պարեկային ծառայության կամ «իրավապահ» այլ մարմնի ապօրինության զոհ։

Այսօր ունենք ազատազրկված կամ ազատությունը սահմանափված հարյուրավոր արցախցիներ։ Մարդիկ, որոնց ազատության իրավունքը սահմանափակվել է մտացածին և անհիմն պատճառներով։ Այլևս բոլորս պետք է լինենք անհանդուրժողական։ Եղբորս փոխարեն կարող էր լինել յուրաքանչյուր ոք։

Մեզնից բացի, մեր խնդիրները ոչ ոք չի լուծելու։ Պահանջենք առնվազն հարգել մեզ, այլ ոչ վերաբերվել ինչպես ստրուկի։

Կրկնում եմ՝ եղբորս փոխարեն կարող էր լինել ամեն ոք, ուստի սպասում եմ բոլորիդ՝ նոր պայքար սկսելու և արցախցուն հարգելու պահանջն օրակարգ մտցնելու համար»։

Այս թեմայով Մահшցել է Մայքլ Ջեքսոնի եղբայրը՝ Տիտո Ջեքսոնը (լուսանկարներ) Ամենայն Հայոց Կաթողիկոսն ընդունել է Միջազգային քրեական դատարանի նախկին դատախազին 2.7 միլիարդով կրճատել են ռազմարդյունաբերության բյուջեն և ուղղել պարգևավճարներին և գործուղումներին. 168.am ՔՊ խմբակցության պատգամավորները կգործուղվեն Նիկոսիա. ովքեր կլինեն պատվիրակության կազմում Բոլոր դպրոցները մինչև 2026 թ պետք է հագեցած լինեն ֆիզիկայի, քիմիայի և այլ լաբորատորիաներով. նախարար Որևէ անուն չեմ տա, բայց վարչապետի մամուլի քարտուղարն էր ասում՝ թող չփոշմանի, եթե քրգործեր լինեն (տեսանյութ) Հրայր Թովմասյանի գործով դատարանի դահլիճում բոլորը զոհ են. Սամվել Ֆարմանյան Հրայր Թովմասյանի դատական նիստերին՝ դատարանի դահլիճում բոլորը զոհեր են․ Սամվել Ֆարմանյան Ներկա իշխանությունները չեն հանդուրժում մարդկանց, ովքեր չեն կիսում իրենց տեսակետը Վրաերթի ենթարկված 84-ամյա կինը հիվանդանոցում մահացել է