Երևանի կենտրոնում կոտրել են բանկի տերմինալը և գողացել 5 դրամապահոց

Օգոստոսի 21-ին գողության դեպք է տեղի ունեցել Երևանում

shamshyan.com-ի հաղորդմամբ ժամը 01։25-ի սահմաններում ՀՀ ներքին գործերի նախարարության ոստիկանության Կենտրոնական բաժին է զանգահարել Արթուր Ա․-ն և հայտնել, որ 3 կասկածելի օտարերկրացիներ փորձում են գործարք կատարել շենքի վճարային տերմինալի միջոցով, իսկ քիչ հետո կրկին զանգահարել են 8և հավելել, որ կոտրել են Թումանյան փողոցի 32 հասցեում գործող «Հայէկոնոմբանկ»-ի տերմինալը և գողություն կատարել:

Ներքին գործերի նախարարության ոստիկանության Պարեկային ծառայության Երևան քաղաքի գնդի 1-ին գումարտակի պարեկները ժամը 06։45-ի սահմաններում Սայաթ-Նովայի պողոտայի և Աբովյան փողոցի խաչմերուկից գողություն կատարելու հիմնավոր կասկածով ձերբակալել և բաժին են տեղափոխել 25-ամյա Արթուր Գ․-ին:

Ժամը 08։05-ին Երևանի բնակիչ 41-ամյա Արայիկ Գ․-ն դիմել է ոստիկանություն և հայտնել, որ 3 անհայտ անձինք փորձել են կոտրել Թումանյան փողոցի 32 հասցեում գործող «Հայէկոնոմբանկ»-ի տերմինալը, սակայն իրենց կամքից անկախ հանգամանքներում հանցագործությունն ավարտին չեն հասցրել և ոչինչ չգողանալով հեռացել են, որից հետո ժամը 06։30-ին նշված քաղաքացիներից 2-ը հետ վերադառնալով Թումանյան փողոցի 32 հասցեում գործող «Հայէկոնոմբանկ»-ի տերմինալի մոտ և բացելով գողացել են 5 դրամապահոցը:

Դեպքի փաստով ոստիկանության Կենտրոնական բաժնում ձևակերպվել են փաստաթղթեր, որոնք փոխանցվել են ՀՀ քննչական կոմիտեի Երևան քաղաքի քննչական վարչության Կենտրոն և Նորք Մարաշ վարչկան շրջանների քննչական բաժին։

Աղբյուրի տեղեկություններով՝ Արայիկ Գ․-ն «Կոմանդիր Սեքյուրիթի» ՍՊԸ-ի փոխտնօրենն է։

Այս թեմայով ՀԻՄԱ․ Արմեն Այվազյանի՝ «Երևանի հերոսամարտը» մենագրության շնորհանդեսը Վաշինգտոնը շարունակում է աջակցել Երևանի ու Բաքվի՝ խաղաղության համաձայնագրին հասնելու ջանքերին․ Պետդեպ «ԳԱԶ 2410»-ը բախվել է գազատար խողովակներին, կոտրել դրանք ու գլխիվայր շրջվել. կան վիրավորներ Երևանի օդում փոշու պարունակությունը չափող 108 սարք է տեղադրվել Կենտրոնական բանկի աշխատակցի մոտ «Մարիխուանա» է հայտնաբերվել Կկայանա Արմեն Այվազյանի «Երևանի հերոսամարտը (1724 թ. հունիսի 24-սեպտեմբերի 23)» մենագրության շնորհանդեսը Երևանի և մարզերի մի շարք հասցեներում լույս չի լինի ԱՄՆ-ն ողջունում է Երևանի ու Բաքվի միջև առաջընթացը․ Պետդեպը՝ Փաշինյան-Բլինկեն հեռախոսազրույցի մասին ԱՄՆ-ն ողջունում է Երևանի ու Բաքվի միջև առաջընթացը․ Պետդեպը՝ Փաշինյան-Բլինկեն հեռախոսազրույցի մասին Բայրամովն ու Քըլըչը քննարկել են Բաքվի ու Երևանի միջև բանակցությունները