Իսրայելը ավիահարվածներ է հասցրել Լիբանանում «Հեզբոլլահ» շարժման թիրախներին, Թել Ավիվը երկօրյա արտակարգ դրություն է սահմանել

Իսրայելական լրատվամիջոցները հայտնել են երկրի հյուսիսում գտնվող օբյեկտների ուղղությամբ «Հեզբոլլահ» շարժման կողմից հարյուրավոր հրթիռների արձակման մասին։ 

The Times of Israel թերթը՝ հղում կատարելով Իսրայելի Պաշտպանության նախարարությանը, հայտնել է 210 հրթիռի և 20 անօդաչու թռչող սարքի արձակման մասին, որոնք հարվածել  են իսրայելական 11 ռազմաբազաների։

 «Հեզբոլլահ» շարժումը Իսրայելի վրա հրթիռակոծությունը համարել է  նախնական պատասխան Բեյրութում իր ռազմական թևի հրամանատար Ֆուադ Շոկրի սպանության համար:

Ավելի վաղ՝ Իսրայելի պաշտպանության բանակի մամուլի ծառայությունը հայտնել էր, որ, Իսրայելի տարածքին հրթիռային հարված նախապատրաստելու հետ կապված, Իսրայելի պաշտպանության բանակի կործանիչները գրոհել են Լիբանանում «Հեզբոլլահ»-ի թիրախների վրա։ 

Իսրայելի պաշտպանության նախարար Յոավ Գալանտը հայտարարել է երկրում 48 ժամով արտակարգ դրություն մտցնելու մասին։

Իսրայելական կողմը հայտնել է նաև Գազայի հատվածում իր զինվորների զոհվելու, ինչպես նաև «Հեզբոլլահ»-ի  շուրջ 20 անդամի սպանվելու մասին:

Al Jazeera-ի տվյալներով՝ օգոստոսի 24-ին Գազայի հատվածի կենտրոնական մասում իսրայելական բանակի գործողությունների հետևանքով 71 մարդ է զոհվել։

Ըստ աղբյուրի՝ տանկերն ու բուլդոզերները, որոնք շարժվում են դեպի Գազայի կենտրոնում գտնվող Դեյր էլ Բալահ քաղաք, ստիպել են ավելի քան 100 հազար մարդու լքել տարածքը վերջին երկու օրվա ընթացքում։

Այս թեմայով Լեհաստանը 30-օրյա արտակարգ դրության ռեժիմ է հայտարարել ջրհեղեղի պատճառով Լեհաստանում հայտարարվել է տարերային աղետի դրություն (լուսանկարներ) Կենտրոնական բանկի աշխատակցի մոտ «Մարիխուանա» է հայտնաբերվել Երևան-Մոսկվա չվերթի ինքնաթիռն արտակարգ վայրէջք է կատարել Աստրախանում Չինաստանի իշխանությունները «Բեբինկա» թայֆունի պատճառով 4-րդ մակարդակի արտակարգ արձագանքում են հայտարարել 20-ամյա Գեորգի Հարությունյանը տարիքային նոր ռեկորդ է սահմանել Հայատանի հավաքականում Իսրայելի պաշտպանության բանակը հայտնել է մեկ շաբաթվա ընթացքում «Հեզբոլլահ»-ի ավելի քան 140 թիրախի ոչնչացման մասին Արտակարգ իրավիճակ՝ Երևան-Աշտարակ ճանապարհին․ խցանումը հասնում է մոտ 3 կմ-ի Իսրայելը «շատ հավանական է» համարում, որ Արևմտյան ափին թուրք-ամերիկուհի ցուցարարին սպանել են իսրայելցի զինվորները Իսրայելը հարվածել է փախստականների ճամբարին. առնվազն 40 մարդ է զոհվել (լուսանկարներ)