ԿԳՄՍ-ն և Հանրային հեռուստաընկերությունը Ֆեստիվառին հրավիրել են 2 երգիչ, սակայն գումար են հատկացրել 6-ի համար․ ո՞վքեր են մյուս 4-ը

2024 թվականի օգոստոսի 10-ին, Ֆեստիվառ մշակութային-ժամանցային նախագծի շրջանակներում տեղի ունեցավ երկրորդ համերգը, այս անգամ՝ Իջեւանում:

Իջևանի Շատրվանների հրապարակում համերգային մեծ ծրագրով ելույթ ունեցավ երգիչ Էրիկ Կարապետյանը: Վրաստանից ժամանել էին հյուր-արտիստներ՝ Դաթո Խուջաձեն և Նուցա Թոփուրիան:

Համաձայն «Ֆեստիվառի»-ի ֆեյսբուքյան պաշտոնական էջի՝ հրավիրյալ երգիչները 2-ն են եղել` Դաթո Խուջաձեն և Նուցա Թոփուրիան, սակայն միջոցառման համար կնքած պայմանագրում հրավիրված երգիչների թիվը 6-ն է, իսկ միավորի արժեքը 400 հազար դրամ, փորձերի կազմակերպումը ևս միավորի համար՝ այսինքն մեկ անձի համար կազմել է 400 հազար դրամ։

Միջոցառման երաժշտախմբի ապահովման ծախսերը կազմել են 6,5 մլն դրամ, իսկ երաժշտախումբը «Կարեն Սևակ» խումբն է եղել։ Գումարը ներառել է կացությունը, գործիքների վարձակալության ծախսերը, գործիքների տեղափոխման տրանսպորտային ծախսերը, սնունդը և փորձերի մասնակցությունը։

Համերգն արժեցել է 33,4 մլն դրամ։

Համաձայն պայմանագրի՝ Ֆեստիվառի շրջանակում անցկացվող 3 համերգների համար նախատեսվում էր 50 հազար հանդիսատես ապահովվել։

ArmLur.am-ը Հանրային Հեռուստաընկերությունից փորձել է տեղեկանալ, թե հայտնի 2 հրավիրված երգիչներից բացի, ովքեր են այն 4 հրավիրվածները, որոնց մասին չի նշվել հայտարարության մեջ և որոնց համար պայմանագրով տրամադրվել է 1,6 մլն դրամ՝ հրավիրված երգիչների համար ծախսելով 2,4 մլն դրամ գումար։

Հանրայինից հավաստիացրին՝ կճշտեն, կպատասխանեն, սակայն ավելի ուշ խնդրեցին հարցում ուղարկել։

ՀՀ Կրթության, գիտության, մշակույթի և սպորտի նախարարությունից ևս խնդրեցին հարցում ուղարկել։

Հարցումներն արդեն ուղարկված են և՛ նախարարություն, և՛ Հանրային հեռուստաընկերություն՝ ակնկալիքով, որ կստանանք անուններ՝ ովքեր են հատուկ հրավիրված մյուս 4 երգիչները և ինչու համապատասխան իրազեկում չի արվել։

Այս թեմայով ՀՀ տարածքում ավտոճանապարհներն անցանելի են Աստղագուշակ՝ սեպտեմբերի 16-ի համար Նեթանյահուն հուսիթներին նախազգուշացրել է՝ բարձր գին կվճարեն հարվածի համար Մենք մեր երկիրը գրեթե չենք ճանաչում, այնքան բան կա իմանալու․ ԿԳՄՍ նախարար Արցախցի երեխաների համար Հունգարիայի կողմից ճամբարներ կազմակերպելն էժանագին «հումանիտար ժեստ» է. Արցախի ՄԻՊ Վրաստանը պետք է ներողություն խնդրի օսերից 2008-ի պատերազմի համար. Իվանիշվիլի Լեհական ընդդիմությունը ստորագրահավաք է սկսել միգրանտների հարցով հանրաքվե անցկացնելու համար ՌԴ-ն հավանում է ուկրաինական խնդրի բանակցությունների համար «կամուրջ կառուցելու» Չինաստանի ծրագիրը ՔՊ-ի հեռանալուց հետո նոր կերևա, թե ինչ մեծ ծավալի թալանով են զբաղվել․ միայն ԱՆԻՖ-ում 10 միլիարդ դրամից ավելի գումար է վատնվել․ Աննա Գրիգորյան Երկարակեցության համար պատասխանատու են առողջության հինգ կարևոր ցուցանիշները. GeroScience