Ինչպե՞ս պաշտպանվել Արևմտյան Նեղոսի տենդով վարակվելուց

Արևմտյան Նեղոսի տենդի հետ կապված Առողջապահության նախարարությունը առողջապահական համակարգի զգոնությունը բարձրացրել է դեռ հուլիսի վերջից:

1 տարի շարունակ միջատների շրջանում հետազոտությունների արդյունքում ` այս տարվա հուլիսի վերջին Առողջապահության նախարարության համար Արագածոտնի մարզում 5 մոծակի մեջ հայտաբերված Արևմտյան Նեղոսի տենդի հարուցիչը եղել է ահազանգ, որ կարող են դեպքեր գրանցվել նաև մարդկանց շրջանում:

Անմիջապես կապ է հաստատվել Երևանի և մարզերի բուժկենտրոնների հետ , օպերատիվ կերպով իրազեկում է եղել բուժաշխատողների շրջանում, որ նման կլինիկական պատկերով հիվանդների դեպքում անհրաժեշտ է հաշվի առնել Արևմտյան Նեղոսի տենդի վարկածը և ուղղորդել հետազոտության:

Օգոստոսի 7-ին` առաջին դեպքը գրանցվելուց հետո, նախարարությունը կրկնահաստատման հետազոտություն է արել, և արդեն օգոստոսի 12-ին իրազեկել բոլոր բուժկենտրոններին, մարզպետարաններին` զգոնության բարձրացման:

Քննարկումներ են եղել նաև Առողջապահության համաշխարհային կազմակերպության (ԱՀԿ) ներկայացուցիչների հետ, որոնք նույնպես արձանագրել են ամբողջ աշխարհում այս հիվանդության դեպքերի աճի մասին:

Առողջապահության նախարարությունն ուղեցույց է հրապարակել, թե ինչպես պաշտպանվել Արևմտյան Նեղոսի տենդով վարակվելուց։

Սահմանափակե՛ք ուշ ժամերին դրսում գտնվելը, երբ մոծակներն առավել ակտիվ են, կրե՛ք փակ հագուստ:

Օգտագործե՛ք միջատավանիչ միջոցներ:

Օգտագործե՛ք պատուհանի և դռան համար նախատեսված հակամիջատային ցանցեր:

Խուսափե՛ք երկար խոտերից, խոնավ տարածքներից, թփերից և խոտածածկ ափերից:

Հեռացրե՛ք տան շրջակայքում առկա ջրականգերը` մոծակների բազմացումը կանխելու համար:

Ձեռք մի՛ տվեք սատկած թռչուններին:

Կրե՛ք մեկանգամյա օգտագործման ձեռնոցներ, պաշտպանիչ հագուստ` կենդանիների սպանդի կամ մսեղիքի մշակման ընթացքում:

Այս թեմայով Հայաստանում Արևմտյան Նեղոսի տենդից մահացել է 4 անձ Ինչպե՞ս է հրազենային վիրավորում ստացած ոստիկանը Իսրայելը «շատ հավանական է» համարում, որ Արևմտյան ափին թուրք-ամերիկուհի ցուցարարին սպանել են իսրայելցի զինվորները Աշխարհազորի աշխատավարձի կրճատման պատճառը. ինչպե՞ս է այն հաշվարկվում Հայաստանում Արևմտյան Նեղոսի տենդից մահվան դեպքերն ավելացել են ՀՀ-ում Արևմտյան Նեղոսի տենդից մահացությունների թիվը հասել է 3-ի Օգոստոսի 31-ից սեպտեմբերի 6-ը Հայաստանում գրանցվել է Արևմտյան Նեղոսի տենդով հիվանդացության 16 դեպք Կրեմլը փորձում է ազդել արևմտյան երկրներում ընտրությունների վրա. ԱՄՆ-ն զեկույց է հրապարակել Կարանտին կլինի՞․ նախարարը՝ Արևմտյան Նեղոսի տենդի մասին (տեսանյութ) «Արևմտյան Նեղոսի տենդ»-ի տարածմամբ՝ Արարատում միջատապաշտպանիչ միջոցառումներ կկազմակերպեն