Վարժական հավաքի բուն խնդիրը չի ծառայում իր նպատակին, արդարության սկզբունքն էլ չի գործում. Աբրահամյան

ՀՀ ԱԺ պատգամավոր Տիգրան Աբրահամյանը գրում է․ «Զինված ուժերում իրականացվող վարժական հավաքների նպատակների և դրա առանձնահատկությունների մասին բազմաթիվ առիթներով խոսել եմ:

Այն, որ օրենսդրությամբ նախատեսված հավաքների սահմանումը չի համապատասխանում իրականացվող գործընթացին, դա միայն հարցի մի կողմն է:

Եթե խնդիրը սահմանագծի պահպանության իրականացումն է և ուսուցման, հմտությունների կատարելագործման ժամանակի մեծ մասը իրականում նախատեսված է մարտական հերթապահության համար, ապա պետք էլ դա սահմանվի օրենքով:

Երկրորդ, սահմանային անվտանգության և մարտական հերթապահությունից բխող խնդիրները պետք է առաջնահերթ լուծել կանոնավոր բանակի միջոցով, իսկ դրա համար ռեսուրսները պետք է ճիշտ թիրախների ուղղել, այլ ոչ թե բանակը փորձադաշտի վերածել:

Մեկ այլ կարևոր խնդիր, որն անընդհատ քաղաքացիների դժգոհության առիթին է հանգեցնում:

Վարժական հավաքների մասնակցության որոշման հարցը, որը օրենքով մասնակի է կարգավորվում, իսկ արդարության սկզբունքներն ամբողջությամբ խախտված են:

Եթե վարժական հավաքները ռազմական ունակությունները կատարելագործելու և վերապատրաստելու նպատակ են հետապնդում, ապա ի՞նչ տրամաբանությամբ են հավաքների կանչվում 44-օրյա պատերազմի մասնակիցները:

Հասկանալի է չէ՞, որ 44-օրյայի ակտիվ մասնակիցները կամ այդ ժամանակահատվածում ծառայած քաղաքացիները «մարզավիճակում» են և նրանց հետ նոր ուսուցման ծրագրերը, որոշ բացառություններով, ակտուալ չեն:

Սա հատկապես այն պարագայում, որ կան քաղաքացիներ, որոնք 44-օրյա պատերազմին չեն զորակոչվել կամ տարբեր պատճառներով չեն ներկայացել, իսկ վարժական հավաքներ կա´մ ընդհանրապես չեն անցել կա´մ անցել են 10-15 տարի առաջ:

Ստացվում է, որ ո´չ վարժական հավաքի բուն խնդիրներն ամբողջությամբ չեն ծառայում իրենց նպատակին, ո´չ էլ արդարության և տրամաբանության սկզբունքն է գործում:

Դեռ չեմ խոսում ռեսուրս «քերելու» և կոռուպցիոն հնարավոր անցքերի ու ռիսկերի մասին»:

Այս թեմայով Արծաթե մեդալով՝ Լոզանի սպորտային արբիտրաժային դատարան. Արթուր Ալեքսանյանը կպայքարի հանուն արդարության Դոնալդ Թրամփը նշել է Քամալա Հարիսի հետ հեռուստաբանավեճերում ամենամեծ խնդիրը Գուցե չխուսափենք իրավիճակի վատթարացումից, միջազգային մեխանիզմները չեն գործում․ Արարատ Միրզոյան (տեսանյութ) Գլենդելի հայկական եկեղեցու նկուղում Բինգո խաղամոլների ակումբ է գործում «Հաջողությունների չենք հասնի, քանի դեռ Հայաստանում գործում է Նիկոլ Փաշինյանի գլխավորած վարչակազմը». «Փաստ» Ադրբեջանը տարածաշրջանային անվտանգության ապահովման գործում հիանալի օրինակ է․ Օրբան ՀՀ ղեկավարի առաջնահերթությունը դմակով խաշլաման է, Ադրբեջանի բռնապետի խնդիրը` Հայաստանի հաշվին նոր զիջումներ կորզելը. Տաթևիկ Հայրապետյան. Hraparak.am Մեծ համակարգ է գործում, որի արդյունքում հիմա Արցախում չենք նշում այս օրը. Պետրոսյան (տեսանյութ) Այն ձեւով, որով ներկայացնել այդ խնդիրը, հակասում է ՀՀ պետական շահերին. Փաշինյանը՝ արցախցիների վերադարձի մասին Ռուսաստանը կհաղթի արդարության համար մղվող «սրբազան պատերազմում»․ Կիմ Չեն Ըն