ԿԳՄՍ նախարարն ընդունել է ոչ պետական դպրոցների տնօրեններին

ՀՀ կրթության, գիտության, մշակույթի և սպորտի նախարար Ժաննա Անդրեասյանը նոր ուսումնական տարվա մեկնարկին ընդառաջ հանդիպել է ոչ պետական դպրոցների «Մեկ ձայն» հայկական ասոցիացիայի ներկայացուցիչների հետ: Այս մասին տեղեկացնում են ԿԳՄՍՆ-ից:

Հանդիպմանը ներկա է եղել նաև ԿԳՄՍ նախարարի տեղակալ Արաքսիա Սվաջյանը:

Ժաննա Անդրեասյանը ողջունել է հյուրերին և կարևորել ոչ պետական դպրոցների հետ երկխոսությունը, ինչպես նաև ասոցիացիայի հետ համագործակցային աշխատանքը: Մասնավորապես՝ Ժաննա Անդրեասյանն ընդգծել է ոչ պետական դպրոցների «Մեկ ձայն» ասոցիացիայի հետ տարբեր օրենսդրական և ռազմավարական փաստաթղթերի շուրջ աշխատանքը, ինչը, նախարարի դիտարկմամբ, առանցքային է ոլորտում արդյունավետ քաղաքականության ապահովման համար:

«Մեկ ձայն» անկախ դպրոցների հայկական ասոցիացիայի խորհրդի անդամները շնորհակալություն են հայտնել ընդունելության, ինչպես նաև ԿԳՄՍ նախարարության հետ համագործակցության համար` նշելով ոչ պետական դպրոցների գործունեության առանձնահատկությունները հաշվի առնելու հանգամանքը։

Քննարկման ընթացքում անդրադարձ է եղել, մասնավորապես, երկարօրյա խմբերի պարապմունքների, դպրոցներում խմբակների գործունեության կազմակերպմանը, ուսուցիչների մասնագիտական զարգացմանը, խրախուսման մոդելներին և ոլորտի օրակարգային այլ հարցերի։

ԿԳՄՍ նախարարն ընդգծել է՝ այն առարկայական ծրագրերը, որոնցով աշխատում են ոչ պետական դպրոցները, և որոնք տարբերվում են օրինակելիից, կրթության լիազոր մարմնի կողմից անցնում են համապատասխան հավաստման, փորձաքննության և հաստատման գործընթաց։ Ժաննա Անդրեասյանն ընդգծել է՝ խմբակների կազմակերպման ձևաչափի և պարբերականության առումով նախարարությունը սահմանափակումներ կամ այլ մոտեցումներ չի սահմանել ոչ պետական դպրոցների համար, սակայն բովանդակային առումով ինչպես խմբակները, այնպես էլ կրթական և առարկայական բոլոր ծրագրերը պետք է համապատասխանեն հանրակրթության պետական չափորոշչի պահանջներին։

«Մեկ ձայն» ասոցիացիայի տնօրեն Շամամ Գևորգյանը ներկայացրել է վերջերս ՀՀ կրթության տեսչական մարմնի կողմից ոչ պետական դպրոցներում իրականացված ստուգումների արդյունքները: Այս համատեքստում քննարկվել է ոչ պետական դպրոցների գործունեության վերահսկողության համակարգի մշակման հարցը։

Կարևորելով ոչ պետական դպրոցների հետ պարբերաբար հանդիպումների հնարավորությունը՝ կողմերը պայմանավորվել են առաջիկայում աշխատանքային խորհրդակցություն անցկացնել բացառապես այս դպրոցների ղեկավարների մասնակցությամբ: Այս համատեքստում ԿԳՄՍ նախարարը խրախուսել է բոլոր ոչ պետական և մասնավոր դպրոցների անդամակցությունը և միավորումը մեկ կառույցում։

Հանդիպմանը կարևորվել են նաև փորձի փոխանակման հնարավորությունները, և քննարկվել հետաքրքրություն ներկայացնող այլ հարցեր:

Այս թեմայով Ալիևն ընդունել է սուպերմոդել Նաոմի Քեմփբելին (լուսանկարներ) Արմեն Գրիգորյանն ընդունել է Նիդերլանդների Թագավորության նորանշանակ դեսպան Մարիկե Մոնրոյ-Վինթերին Ամենայն Հայոց Կաթողիկոսն ընդունել է Միջազգային քրեական դատարանի նախկին դատախազին Մենք մեր երկիրը գրեթե չենք ճանաչում, այնքան բան կա իմանալու․ ԿԳՄՍ նախարար Ինչպես 5 տարի պարտվել Իգոր Սարգսյանին և չկարողանալ տղամարդավարի ընդունել դա. Yerkir.am Նիկոլ Փաշինյանն ընդունել է Ալեքսեյ Օվերչուկին. քննարկել են հայ-ռուսական հարաբերությունները Քննարկվել են ԿԳՄՍ բոլոր ուղղություններով Հայաստանի և Լատվիայի միջև համագործակցության հեռանկարները ՌԴ-ն հետախուզում է հայտարարել պետական սահմանը հատած օտարերկրյա լրագրողների նկատմամբ Ալեն Սիմոնյանն ընդունել է Միջխորհրդարանական միության նախագահին ու գլխավոր քարտուղարին Փաշինյանն ընդունել է ՄԱԿ զբոսաշրջության համաշխարհային կազմակերպության գլխավոր քարտուղարին