Աթենքը Սկոպյեից պահանջել է հարգել Մակեդոնիայի անվանափոխության մասին կնքված համաձայնագիրը

Հունաստանի արտաքին գործերի նախարար Յորղոս Գերապետրիտիսը հայտարարել է, որ Հյուսիսային Մակեդոնիայի իշխանությունները պետք է ամբողջությամբ կատարեն երկրի անունը Մակեդոնիայից Հյուսիսային Մակեդոնիայի փոխելու մասին 2018 թվականի համաձայնագիրը, հակառակ դեպքում կան միջազգայնորեն երաշխավորված հնարավորություններ՝ ստիպելու Սկոպյեին ենթարկվել այդ որոշմանը։ «Արմենպրես»-ի հաղորդմամբ՝ այս մասին Հունաստանի ԱԳ նախարարը հայտարարել է Skai հեռուստաալիքին տված հարցազրույցում։Նախարարի խոսքով՝ հարևան երկրի՝ Հյուսիսային Մակեդոնիայի, նոր կառավարության և նրա նախագահի իշխանության գալուց ի վեր՝ համակարգված կերպով տեղի են ունենում Պրեսպայի համաձայնագրի էության հաճախակի խախտումներ։ «Պրեսպայի համաձայնագիրը, լավ թե վատ, միջազգային փաստաթուղթ է, որն ավելի ուժեղ է, քան տեղական օրենքի ցանկացած դրույթ և չի կարող միակողմանի փոփոխվել: Համաձայնագրի տեքստն ու տառը շատ պարզ են: Խոսքը Հյուսիսային Մակեդոնիա անվան օգտագործման մասին է բոլոր դեպքերում, ուստի հարևան երկիրն առայժմ խախտում է Պրեսպայի պայմանագիրը»,- ասել է նա։Անդրադառնալով հարցին, թե Հունաստանն ո՞ւնի դրան արձագանքելու կարողություն՝ Գերապետրիտիսը պատասխանել է․ «Եթե այս իրավիճակը շարունակվի Հյուսիսային Մակեդոնիայի կառավարության հետ, ապա միջազգային իրավունքի համաձայն կան երաշխիքներ՝ ստիպելու Հյուսիսային Մակեդոնիային կատարել համապատասխան պահանջները», - նշել է նախարարը՝ հավելելով, որ այդուհանդերձ, Աթենքը կողմ է բարիդրացիական հարաբերություններին»։

Հունաստանի ԱԳ նախարարը հավելել է, որ ինքը կողմ է Արևմտյան Բալկանների բոլոր երկրների եվրոպական հեռանկարին, բայց Աթենքը ոչ մի դեպքում չի հանդուրժի այս կարգի ընտրովի համապատասխանությունը Միջազգային իրավունքին, քանի որ միջազգային իրավունքը փաթեթ է, որը կամ ամբողջությամբ ընդունվում է կամ ամբողջությամբ մերժվում։Մայիսի 12-ին երդմնակալության ժամանակ Հյուսիսային Մակեդոնիայի նախագահ Գորդանա Սիլյանովսկա-Դավկովան իր երկիրն անվանել է պարզապես Մակեդոնիա, ինչը առաջացրել է Հունաստանի ԱԳՆ-ի բացասական արձագանքը։ Հունիսի 24-ին Հյուսիսային Մակեդոնիայի խորհրդարանը հաստատել է վարչապետ Քրիստիան Միցկոսկիի նոր կառավարության կազմը։

Ինչպես գրում է «Վիմա» թերթը, վարչապետն ու նախարարները արարողության ժամանակ ընթերցել են երդման տեքստը, որտեղ օգտագործվել է երկրի սահմանադրական անվանումը, սակայն խորհրդարանում նրա կառավարության քաղաքական հայտարարությունների շուրջ բանավեճի ժամանակ Միցկոսկին երկրի անվանման մեջ «հյուսիսային» բառն անվանել է ամոթալի:2018 թվականի հունիսի 17-ին Մակեդոնիայի և Հունաստանի արտաքին գործերի նախարարները Պրեսպայի համաձայնագիրը ստորագրել են նախկին Հարավսլավիայի Հանրապետության պետություններից մեկի նոր պաշտոնական անվանման մասին՝ Հյուսիսային Մակեդոնիայի Հանրապետություն։ Համաձայնագիրը ստորագրվել է Պրեսպա լճի ափին, որի երկայնքով անցնում է երկու երկրների միջև սահմանը։ Հունաստանում հարևան պետության կողմից նախկին Մակեդոնիա անվան օգտագործումը դիտվում է, մասնավորապես, որպես հավակնություն հյուսիսային հունական շրջանների՝ Արևելյան Մակեդոնիայի և Թրակիայի, Կենտրոնական Մակեդոնիայի և Արևմտյան Մակեդոնիայի նկատմամբ, ինչպես նաև հունական Հին Մակեդոնիայի պատմության յուրացում։

Այս թեմայով Հուսանք՝ ամեն բան կգնա դրական զարգացման. Հովհաննիսյանը՝ մինչ COP29-ը խաղաղության պայմանագրի կնքման հավանականության մասին ՀՀ տարածքում ավտոճանապարհներն անցանելի են Խաղաղություն չեն մուրում, նման հռետորաբանության պարագայում դժվար է խաղաղության մասին մտածել․ Օհանյան (տեսանյութ) Մենք օր առաջ պատրաստ ենք ստորագրել խաղաղության համաձայնագիրը. Միրզոյան (տեսանյութ) Գոռ Մանվելյանը Հս. Մակեդոնիայի դեմ խաղում նորամուտն է նշել Հայաստանի հավաքականում Կիևը հերքել է տեղային հրադադարի կետով ծրագիր ունենալու մասին գերմանական ԶԼՄ-ի լուրը Մեկ օր բարձրաստիճան զինվորականի հետ․ ՊՆ-ի տեսանյութը՝ գեներալ-մայոր Գարեգին Պողոսյանի մասին (տեսանյութ) Իսրայելի պաշտպանության բանակը հայտարարել է ՀԱՄԱՍ-ի 2 ռազմական օբյեկտի հարվածներ հասցնելու մասին Այս ֆիլմը բոլորի մասին է. Նազիկ Ավդալյան ԱՄՆ-ն ողջունում է Երևանի ու Բաքվի միջև առաջընթացը․ Պետդեպը՝ Փաշինյան-Բլինկեն հեռախոսազրույցի մասին