Ինչ պայմանով է Կարապետ Պողոսյանը տնային կալանքից ազատ արձակվել

Իրավապաշտպան Կարապետ Պողոսյանը տնային կալանքից ազատ է արձակվել: Այդ մասին հայտնում են նրա փաստաբաններ Արտակ Նավասարդյանը և Սլավիկ Պողոսյանը:

«Ինչպես արդեն հայտնել էինք, 2024 թվականի օգոստոսի 22-ին Գեղարքունիքի մարզի առաջին ատյանի ընդհանուր իրավասության դատարանը որոշում էր կայացրել մինչդատական վարույթում Կարապետ Պողոսյանի նկատմամբ կիրառված տնային կալանքը 3 ամիս ժամկետով երկարաձգելու, իսկ 2 միլիոն ՀՀ դրամի չափով գրավն անփոփոխ թողնելու վերաբերյալ, որի դեմ, բնականաբար, ներկայացվել է հատուկ վերանայման վերաքննիչ բողոք:

Չսպասելով վերը նշված բողոքի վերաբերյալ ՀՀ վերաքննիչ քրեական դատարանի կողմից դատական ակտի կայացմանը կամ հրապարակմանը` այսօր` 2024 թվականի սեպտեմբերի 13-ին, կայացած դատական նիստի ընթացքում պաշտպանության կողմը Կ. Պողոսյանի նկատմամբ կիրառված տնային կալանքը վարչական հսկողությամբ փոխելու, իսկ կիրառված գրավի չափը 1 միլիոն ՀՀ դրամով ավելացնելու վերաբերյալ միջնորդություն ներկայացրեց դատարանին:

Գեղարքունիքի մարզի առաջին ատյանի ընդհանուր իրավասության դատարանը (նախագահությամբ` Ա. Մարտիրոսյանի) բավարարեց պաշտպանության կողմի միջնորդությունը` Կարապետ Պողոսյանին անհապաղ ազատ արձակելով դատական նիստերի դահլիճից:

Կարապետ Պողոսյանի պաշտպաններ` Արտակ Նավասարդյան, Սլավիկ Պողոսյան»,-ասվում է հաղորդագրությունում:

Այս թեմայով Պաշտոնապես ասում եմ՝ ՀՀ-ն ուզում է և պատրաստ է անցում տալ Բաքվին նույն պայմանով, ինչ Իրանը. Փաշինյան (տեսանյութ) Տնային կալանքի ռեժիմը բավականին ծանր պայմաններով է սահմանված. Տիգրան Աբրահամյան Մոշաղբյուրի Սբ Կարապետ եկեղեցին նորոգվում է Քաղբանտարկյալ Նարեկ Մալյանն ազատ կարձակվի. փաստաբան Իրավապաշտպան Կարապետ Պողոսյանը տնային կալանքից ազատ է արձակվել. փաստաբաններ Կարապետ Պողոսյանը դահլիճից ազատ արձակվեց Երևի Նիկոլն Արմենի հանդեպ փոքր վրեժխնդրությունը համարեց բավարարված, դրա համար փոխեց տնային կալանքի. Զոհրաբյան (տեսանյութ) ՈւՂԻՂ. Արմեն Աշոտյանը դուրս է գալիս «Նուբարաշեն» ՔԿՀ-ից. կմնա տնային կալանքի տակ Դատավոր Արուսյակ Ալեքսանյանի տնային կալանքի ժամկետը երկարաձգվել է ևս 3 ամսով Արմեն Աշոտյանը Նուբարաշենի բանտից վաղը կտեղափոխվի տնային կալանքի