Ուղեղն ուտող որդեր. ԱՄՆ-ում մակաբուծային հիվանդություն է հայտնաբերվել բնակիչների մոտ

ԱՄՆ-ում Կալիֆորնիայի երկու բնակիչների մոտ ախտորոշվել է բեյլիսասկարիդոզ՝ մակաբույծային հիվանդություն, որն առաջանում է օղակավոր որդերից, որոնք հայտնի են որպես ջրարջի կլոր որդեր: Այս մասին գրում է Los Angeles Times-ը։

Լոս Անջելեսի հանրային առողջության դեպարտամենտի տվյալներով՝ Baylisascaris procyonis մակաբույծները հայտնաբերվել են Հարավային ծովածոցում։ Այս որդերի երկարությունը հասնում է 23 սանտիմետրի, դրանք սովորաբար ապրում են ջրարջների աղիքներում։ Մարդու օրգանիզմ ներթափանցած թրթուրների մոտ հինգ տոկոսը մտնում է ուղեղ և սկսում ուտել այն՝ պատճառելով մեծ վնաս և առաջացնելով այտուց։

Baylisascaris procyonis-ը կարող է նաև ներթափանցել աչքերի և ողնուղեղի մեջ՝ առաջացնելով կենտրոնական նյարդային համակարգի լուրջ վնաս: Չնայած բեյլիսասկարիդոզը հազվադեպ է հանդիպում մարդկանց մոտ, Կալիֆորնիայում շատ ջրարջներ ապրում են տների մոտ՝ մեծացնելով վարակվելու վտանգը:

Հրատարակությունը նշում է, որ դուք կարող եք վարակվել այս մակաբույծով՝ կուլ տալով ջրարջի կղանքով աղտոտված հողը, ջուրը կամ այլ նյութեր։ Բեյլիսասկարիդոզը մարդուց մարդ չի փոխանցվում:

Կալիֆորնիայի իշխանությունները կոչ են արել քաղաքացիներին հաճախակի լվանալ ձեռքերը, խուսափել վայրի կենդանիների հետ շփումից և ընտանի կենդանիներին հեռու պահել նրանցից: Մամուլի հաղորդագրության մեջ նշվում է նաև, որ մակաբույծներով վարակվելու ամենամեծ վտանգի տակ են 65 տարեկանից բարձր մարդիկ, երեխաները, հղի կանայք և թուլացած իմունային համակարգ ունեցող մարդիկ։

Աղբյուր` Փաստինֆո

Այս թեմայով Հազարագյուղի պեղավայրում Անահիտ աստվածուհու դիմանկարով ածխացած խնձոր է հայտնաբերվել Արարատում փայտանյութի ապօրինի տեղափոխման դեպք է հայտնաբերվել 6 մարզում հայտնաբերվել են օդի աղտոտման դեպքեր․ վարորդները տուգանվել են 50.000-ական դրամի չափով «Արզնի» ՀԷԿ-ի ջրատարում 22-ամյա տղայի մարմին է հայտնաբերվել Մարդկանց արյան նոր խումբ է հայտնաբերվել․ գիտնականներ Հնդկաստանի երկու քաղաքացի կալանավորվել է Հայաստանում թմրամիջոցների ապօրինի շրջանառության մեղադրանքով Բագրատունյաց փողոցում 2 տղամարդ է բերման ենթարկվել. նրանցից մեկի պայուսակում զենք է հայտնաբերվել Թրամփի դեմ մահափորձի ժամանակ ԱՄՆ Գաղտնի ծառայության աշխատանքում խախտումներ են հայտնաբերվել Այս մեղադրական եզրակացությունն առնվազն 10 մահացու հիվանդություն ունի. Հրայր Թովմասյան (տեսանյութ) Իրականությունն այլ է․ հիմք չունեք պնդելու, թե Կիրանցի բնակիչների վկայականները կեղծ են․ Դանիելյան