«Փակ դռների հետևում ստվերային արդարադատությունը» անթույլատրելի է

Հարգելի գործընկերներ, մամուլի ներկայացուցիչներ,

Հաշվի առնելով ձեր հարցերը՝ տեղեկացնում ենք, որ Դավիթ Հարությունյանի՝ Սահմանադրական դատարանի որոշման հիման վրա ներկայացրած վերանայման դիմումի քննությունը Բարձրագույն դատական խորհրդում (ԲԴԽ) սեպտեմբերի 17-ին իրականացվել է դռնփակ նիստով: 
Գործի նյութերին ծանոթանալու հնարավորություն տրվել է միայն նիստից 48 ժամ անց՝ բազմաթիվ դիմումներ ներկայացնելուց հետո:

Սեպտեմբերի 17-ի նիստի արձանագրումներից հայտնաբերել ենք, որ ԲԴԽ-ն նշել է հետևյալը. «Սահմանադրական դատարանի դիրքորոշման հաշվառմամբ, կարևորելով կարգապահական վարույթների քննության հրապարակայնության ապահովվումը և Սահմանադրական դատարանի կողմից որոշմամբ մատնանշված «ստվերային արդարադատության» կայացման մասին հանրային ընկալումների սերմանումը կանխելու անհրաժեշտությամբ պայմանավորված, միաժամանակ հաշվի առնելով Դիմողի՝ արդեն իսկ դատավորի կարգավիճակ չունենալու հանգամանքը, 2023 թվականի հունիս-հուլիս ամիսների ընթացքում Բարձրագույն դատական խորհրդում Դիմողի նկատմամբ կարգապահական պատասխանատվության ենթարկելու հարցի քննության վերաբերյալ գործը հրապարակայնացնելու արգելք այլևս գոյություն չունի»:

Չնայած այս արձանագրությանը, մեր բոլոր միջնորդությունները, այդ թվում՝ Դավիթ Հարությունյանի և լրատվամիջոցների ներկայությունը նիստում թույլատրելու վերաբերյալ, մերժվել են, և գործի քննությունը շարունակում է իրականացվել գրավոր ընթացակարգով:
Այս իրավիճակը հատկապես ուշագրավ է, եթե հաշվի առնենք, որ ԲԴԽ նախագահ Կարեն Անդրեասյանը նախորդ նիստում և Ազգային ժողովի ամբիոնից այս գործը բնորոշել է որպես «երկրի համար կարևորագույն գործ» և նույնիսկ ուրախություն հայտնել Սահմանադրական դատարանի որոշման կապակցությամբ: 

Ակնհայտ է, որ հայտարարություններն ու իրական գործողությունները հակասում են միմյանց:
Մինչ ԲԴԽ-ն հայտարարում է, որ փորձում է վերացնել Սահմանադրական դատարանի արձանագրած խախտումները և ապահովել գործի հրապարակայնությունը, գործնականում դատավարությունը շարունակում է մնալ դռնփակ և գրավոր՝ խոչընդոտելով թե՛ հանրությանը, թե՛ կողմերին նիստին ներկա գտնվելու հնարավորությունից:

Փաստացի, խախտումները վերացնելու փոխարեն դրանք պարզապես արձանագրվում են հայտարարություններով, ինչը ակնհայտորեն հակասում է Սահմանադրական դատարանի որոշման իրական պահանջներին և վկայում է այն կատարելու ցանկության բացակայության մասին:
Մինչ հաջորդ նիստը, որը նշանակված է հոկտեմբերի 7-ին՝ ժամը 11:00-ին, մենք կշարունակենք պնդել, որ կողմերին և լրագրողներին պետք է տրվի դատական նիստին ներկա գտնվելու իրավունք՝ կանխելու «ստվերային արդարադատության» հերթական իրականացումը։
​
«Փակ դռների հետևում ստվերային արդարադատությունը» անթույլատրելի է:

Փաստաբանական խումբ

Այս թեմայով Իշխանությունն Արցախի հետ տեղի ունեցածի պատասխանատվությունն ուզում է բաշխել բացառապես արցախցիների վրա. Տիգրան Աբրահամյան Եկեղեցու բարձրաստիճան հոգևորականները չեն թաքնվում իրենց ապահով ծառայության հետևում․ Վահե Հովհաննիսյանը՝ Վեհափառի ծննդյան տարեդարձի առթիվ Ինչո՞ւ միայն ՊԵԿ-ը, երբ այս ամենի հետևում իշխանությունն է կանգնած Գլոբալիստները հիմար չեն․ ՀՀ արդարադատության նախկին նախարար Հույս ունեմ, որ արդարադատությունը դեռ չի սատկել Հայաստանում. ՀՐԱՊԱՐԱԿ Հույս ունեմ, որ արդարադատությունը դեռ չի սատկել Հայաստանում. Կարապետ Գուլոյան ԶՈւ-ում մահվան դեպքերի առկայությունն անթույլատրելի է և խիստ մտահոգիչ․ ՄԻՊ-ը գրություններ է ուղարկել Կանանց պոտենցիալը մենք դռների հետևում կողպել ենք․ Փաշինյան (տեսանյութ) Հովսեփյանի կայացրած որոշմանը սպասող քաղաքացին մահացել է, ձեր արդարադատությունը չարիք է դարձել. փաստաբան Արմինե Գրիգորյանը՝ իր առջև փակված դռների, ժողովրդի անտարբերության և իշխանափոխության պահանջի մասին