Ռոբերտ Պատինսոնը Dior-ի նոր արշավի դեմքն է
PhotosԴերասան Ռոբերտ Պատինսոնը, ով հայտնի է «Հարի Փոթեր» և «Մթնշաղ» ֆիլմերում իր դերերով, նկարահանվել է Dior-ի նոր գովազդային արշավում։ Այս մասին հայտնում է WWD-ն։
36-ամյա Ռոբերտ Պատինսոնը դարձել է Kim Jones-ի Dior Men-ի նոր գարնանային հավաքածուի դեմքը։ Լուսանկարիչ Ռաֆայել Պավարոտիի ոսպնյակում «Հարի Փոթերի» և «Մթնշաղի» աստղը փորձել է մի քանի տաբատներ ու կոստյումներ, վերնաշապիկներ և հուդիներ։ Դրանք լրացվել են Saddle, Tote և Lingot պայուսակների թարմացված տարբերակներով։ Գովազդային արշավը ղեկավարել է Ռոննի Կուկ Նյուհաուսը:
2013 թվականին Ռոբերտ Պատինսոնը դարձավ Dior Homme բույրի դեմքը։ 2016 թվականին Կարլ Լագերֆելդը դերասանին լուսանկարեց ապրանքանիշի աշուն-ձմեռ հավաքածուի արշավի համար։