Հիմա՞ էլ եք կարծում, որ ադրբեջանցին ձեզ բարեկամ է․ Տեր Զարեհ Աշուրյանը վռնդել է քարոզչություն իրականացնող աղանդավորականներին

Տեր Զարեհ Աշուրյանը ֆեյսբուքյան իր էջում հրապարակել է տեսանյութ, որտեղ պատմել է, որ Արարատի Սբ Ամենափրկիչ եկեղեցի՝ կիրակնօրյա պատարագի գնալու ճանապարհին այսօր առավոտյան հանդիպել է երեք մարդկանց, որոնք, քահանայի ներկայացմամբ, աղանդավորներ էին։ Նրանք փողոցում ստենդի վրա դիտարաններ ու բրոշյուրներ էին շարել։

Քահանան մոտեցել է քարոզիչներին ու պահանջել է դադարեցնել իրենց գործունեությունը:

Նա հայտարարել է, որ նրանք «ազգակործան ու պիղծ առաքելություն են իրականացնում»։

Քարոզչություն իրականացնող քղամարդկանցից մեկը նախ հորդորեց չնկարել, քանի որ դա իր իրավունքների խախտում է, իսկ քահանան պատասխանեց՝ «Դիմեք դատարան։ Դուք ո՞վ եք, ի՞նչ գործ ունեք այստեղ։ Ձեր քարոզած ադրբեջանցիները ձեզ համար բարեկամնե՞ր են, թե՞ թշնամիներ։ Էսօր, որ էսքան արցախցիների վտարանդի դարձրեցին ու ցեղասպանեցին։ Հիմա՞ էլ եք կարծում, որ ադրբեջանցին ձեզ բարեկամ է։ Այ սրանք են ազգի իրական թշնամիներն ու դավաճանները։ Ժողովուրդ ջան, ծանոթացեք»։

Քահանան հորդորեց մարդկանց, որտեղ տեսնեն աղանդավորականների տեսնեն՝ մոտենան ու վռնդեն մեր սրբազան երկրից։

Քարոզինչը հավաքեցին նյութերն ու հեռացան։

Այնուհետև քահանան, հրապարակել է ևս մեկ տեսանյութ, որտեղ երևում է, որ ավելի ուշ, երբ Տեր Զարեհ Աշուրյանը նստում էր մեքենայում՝ քարոզիչներից մեկը վերադառնում են ու պահանջում ջնջել ուղիղ եթերը։