Հեռու մնացեք Հայ եկեղեցուց․ դա կարող է մեծապես վնասել մեզ բոլորիս. Տեր Համբարձում Դանիելյանը՝ Ալեն Սիմոնյանին

Տեր Համբարձում Դանիելյանը Ֆեյսբուքի իր էջում գրում է.

««Իշխանավորները պիտի զգուշավոր լինեն իրենց խոսքերում ու գործերում, որովհետև ինչ խոսում են, ամենքը լսում են, և ինչ գործում են, ամենքն՝ իմանում» ահա այսպես է խրատում Պողոս Ադրիանապոլսեցին՝ իշխանավորներին կոչ անելով զգուշավորություն պահպանել։
Ցավոք, մեր օրերում այս զգուշավորության գեթ մեկ կաթիլ չի պահպանվում, իսկ անզգույշ խոսքերն ու վարմունքը տարածվում են ԱԺ ամենբարձր ամբիոնից, մի վայր, որտեղ մտքին եկածն արատաբերելը կարող է մեծ հետևանքներ ունենալ, իսկ անզգույշ խոսքը մեծ գայթակղության առիթ հանդիսանալ։
Ահա այսպիսի անզգուշություն է դրսևորում պարոն Ալեն Սիմոնյանը, երբ փորձում է պնդել, որ եկեղեցին անհատները չեն, ըստ երևույթին, կասկածի տակ դնելով եկեղեցական նվիրապետությունը։ Եկեղեցու նվիրական, այսինքն՝ սրբազան իշխանությունը, որը շնորհվում է ի վերուստ՝ ձեռնադրության և օծման միջոցով, կասկածի տակ դնելը նույն է, որ հարվածես եկեղեցուն, փորձես խարխլել դրա հիմքերը։
ԱԺ-ն անհատական կարծիք հայտնելու վայր չէ, այլ երկրիս բարձր ամբիոն է, որտեղ կարծիքը այլևս կարծիք չէ, այլ՝ ելույթ է ու պնդում, եթե մեկը չի տիրապետում իր խոսքի ճշմարտությանը, ավելի լավ է չխոսի, իսկ երբ խոսում է, իր հետևից քանդելով կառուցողականությունը ու միասնականությունը, ապա սա քննադատելի է և առավել ևս, անհարիր բարձրաստիճան այրին։
Ամենայն Հայոց Կաթողիկոսը ներկայացնում է Առաքելական իշխանության հաջորդականությունը, որտեղ Հիսուս Քրիստոսի կողմից առաքյալներին շնորհված քրիստոնեական եկեղեցու իշխանությունը փոխանցվում է միմյանց: Այսպիսի հաջորդականությունն է մեր եկեղեցին դարդեդար ամուր պահել, հոգեխնամ առաքելություն իրականացրել բազմամիլիոն հայ հավատացյալներին։ Հայ Եկեղեցու դերն ու նշանակությունն առանց նվիրապեության անհնար է պատկերացնել, ու եթե ոմանք, իրենց իշխանություն կոչելով, հավատում են, որ դա հայոց պետականության հետ առնչություն չունի, ուրեմն չարաչար սխալվում են, որովհետև բոլոր տեսակի սխալ վարմունքներն ուղիղ անդրադարձ են ունենալու մեր ապագա սերունդների, նրանց ինքնության պահպանության վրա։
Խորհուրդ կտամ պարոն Ալեն Սիմոնյանին չխոսել և առավել ևս գնահատականներ չտալ Հայոց Եկեղեցու վարկանիշի մասին․ հավատացնում եմ ձեզ՝ այն ինչ տեսանք այս օրերին, չի խոսում ձեր փայլուն գործելակերպի մասին։ Ամեն օր մենք մտահոգվում ենք, որովհետև այս ծանր օրերին, երբ ձեր մատնանշած «հեղինակազրկված» եկեղեցին լծված է սոցիալական խնամք իրականացնելով և փորձում է ամեն կերպ աջակցել իր հավատավոր հոտին, դուք հապճեպ ընդունում եք օրինագծեր, որոնք ձեր կառավարության հաշվով մեզ մտածելու տեղիք են տալիս։
Հորդորում եմ պետական այրին զգույշ լինել իր խոսքում, Հայ Եկեղեցու մասին խոսելիս լինել զուսպ, չներկայացնել անհասցե, հիմնազուրկ մեղադրանքներ։
Հեռու մնացեք Հայ Եկեղեցուց․ դա կարող է մեծապես վնասել մեզ բոլորիս»։

Այս թեմայով Հայաստանը բախվում է անվտանգության սպառնալիքների. Ալեն Սիմոնյանը՝ լեհ փորձագետներին Սիրելի՛ մայրեր, ձեր զորությունը բոլորիս ուժն է և բարի գործերի մղելու հիմնավոր պատճառը. Ալեն Սիմոնյան Ես ցավում եմ, որ ինձ ուղղված անձնական վիրավորանքից հունից դուրս եկա. Ալեն Սիմոնյան Օգնում ենք Սեյրան Օհանյանին, որ փորձի ապացուցել՝ ժամանակին ճիշտ քայլ է արել․ Ալեն Սիմոնյան ՀՀ-ն ամեն գնով ապահովելու է իր անվտանգությունը․ որոշումը կայացված է․ Ալեն Սիմոնյան Լավրովը փաստեց՝ ինքը սխալ էր, ես՝ ճիշտ. Ալեն Սիմոնյան Անառողջ տարեց մարդկանց վիճակը շահարկելը, դրա հաշվին դիվիդենտներ ստանալը ամենավերջին բանն է, որ կարելի էր պատկերացնել. Սիմոնյան Սիմոնյանը՝ «Հայաստան» խմբակցության երեք պատգամավորի անձեռնմխելիությունից զրկելու գործընթաց սկսելու մասին «Ես ալենական եմ». Ալեն Սիմոնյանը՝ ՔՊ-ում պապիկյանականների և ավինյանականների բաժանման մասին «Փաշինյանին դժվարությամբ ենք համոզել, որ համաձայնի լինել ՔՊ վարչության նախագահ»