«Մեծ Այրումի բնակիչները կրկին փակել են դեպի պոչամբար տանող ճանապարհը»

«Համայնքային համախմբման և աջակցության կենտրոն» ՀԿ ղեկավար Օլեգ Դուլգարյանը ֆեյսբուքյան իր էջում գրել է. «Այս պահին Մեծ Այրում գյուղի բնակիչները կրկին ստիպված են եղել փակել դեպի «Նահատակ» պոչամբար տանող ճանապարհը՝ թույլ չտալով Ախթալա ԼՀԿ-ի բեռնատարների շարժը։

Ախթալայի ԼՀԿ-ն ցանկանում է բարձրացնել պոչամբարի պատվարը, ինչին դեմ են գյուղի բնակիչները, քանզի պատվարի բարձրացումը կատարվում է առանց հաստատված նախագծի, այն ինչ նախագծով պոչամբարը պետք է արդեն վաղուց ռեկուլտիվացված լիներ և գյուղացիները դեմ են պատվարի անօրինական բարձրացմանը և հետագա շահագործմանը։ Պահանջում են օր առաջ ռեկուլտիվացնել պոչամբարը։

Այս պահին Ախթալա ԼՀԿ-ի ներկայացուցիչները և Ախթալայի ՏԻՄ-ը համոզում են գյուղացիներին, որպեսզի իրենք թույլատրեն պոչամբարի պատվարի բարձրացումը, նշելով, որ այլընտրանք չկա։

Նախորդ հանդիպումների ժամանակ ընկերությունը և տեղական ինքնակառավարման մարմինները պոչամբարի պատվարի բարձրացման դիմաց խոստանում էին վերանորոգել գյուղի ակումբը, վերանորոգման աշխատանքներ իրականացնել մանկապարտեզում, ինչը գյուղացիների մեծամասնությունը մերժել էին, փոխարենն անօրինական շահագործման համար պահանջելով բնապահպանական փոխհատուցում կամ ռեկուլտիվացիայի անհապաղ իրականացում։ Այդ ընթացքում ընկերությունը և ՏԻՄ-ն սկսեցին ակումբի շենքի վերանորոգման նախապատրաստման գործընթացը, ինչը ստրատեգիական քայլ է պոչամբարի բարձրացման ուղղությամբ։ Գյուղացիները նշում են, որ հիմա իրենց դիմակայությունը արդեն կարող է հանգիստ դիտարկվել, որ իրենք դեմ են գյուղի զարգացման գործընթացներին, ակումբի վերանորոգման որը արդեն սպեկուլյատիվ քննարկումների առարկա կարող է դառնալ։

Իրենք դեմ չեն, կողմ են գյուղում վերանորոգման աշխատանքներին, սակայն դա չպետք է լինի իրենց առողջության դիմաց և հետո դա պետք է արվեր նախորդ տասնամյակների ընթացքում, ոչ հիմա, երբ արդեն վիճակը կրիտիկական է։

Այս պահին, երբ ՀՀ վարչապետը ձևավորել է մասնագիտական աշխատանքային խումբ Թեղուտի պոչամբարի պատվարի ուսումնասիրման համար, անհայտ է «Նահատակ»-ի պոչամբարի վտանգավորության աստիճանը և ապագան։

Մի քանի օր առաջ «Առնիկա» չեխական բնապահպանական հասարակական կազմակերպությունը, «Համայնքային համախմբման և աջակցության կենտրոն» հասարակական կազմակերպությունը (Ալավերդի, Հայաստան) և «ԷկոԼուր» տեղեկատվական հասարակական կազմակերպությունը (Երևան, Հայաստան) դիմել են ՄԱԿ-ի մարդու իրավունքների և շրջակա միջավայրի Հատուկ զեկուցող Դեյվիդ Ռ․ Բոյդին և ՄԱԿ-ի մարդու իրավունքների համար էկոլոգիապես կայուն կառավարման հետևանքների և վտանգավոր նյութերի ու թափոնների վերացման հարցերով հատուկ զեկուցող Բասկուտ Տունչակին՝ Հայաստանի հյուսիսում առկա իրավիճակի մասին նամակով ներկայացնելով «Նահատակ» պոչամբարի հետ կապված առկա իրավիճակը և առողջապահական և բնապահպանական խնդիրները Մեծ Այրում գյուղում»:

Այս թեմայով Արարատի կոնյակի գործարանում վերահսկողություն կիրականացվի Պտղավան-Այրում ավտոճանապարհին ծառ և էլեկտրական սյուն են ընկել Արցախցիներն այրում են աղբը, փաստաթղթեր այրելու մասին լուրերն իրականությանը չեն համապատասխանում Ծիծեռնակաբերդի բակում այրում են Ցեղասպանության մասին թերթեր, թղթեր, լուսանկարներ (տեսանյութ) Իրանում բողոքի ակցիաները շարունակվում են, աղջիկներն այրում են իրենց չադրաները «Սուրմալուում» տեռորիստական ակտի մասին խոսք լինել չի կարող․ այրում է եղել, որից հետո պայթյուն է եղել Աղավնոյի դպրոցն այրում է տարիների հիշողությունը (տեսանյութ) Ադրբեջանի ԶՈւ-ն այրում են հնձած խոտը, գողանում անասուններ․ ՄԻՊ-ը Գեղարքունիքում է Ալավերդի-Այրում ճանապարհին «Mercedes»-ն ընկել է հարակից ձորակը․ վարորդը տեղում մահացել է Գուգարք գյուղում այրվում է չշահագործվող տնակ