Ոստիկանությունում տեղի է ունեցել աշխատանքային խորհրդակցություն (տեսանյութ)

Մայիսի 15-ին ոստիկանությունում տեղի ունեցավ աշխատանքային խորհրդակցություն, որը վարում էր ոստիկանության պետ Արման Սարգսյանը։
Ներկա էին ոստիկանության կոլեգիայի անդամներ, կենտրոնական վարչակազմի ստորաբաժանումների և ծառայությունների ղեկավարներ, վարչությունների ու տարածքային բաժինների պետեր, ծառայության գծով տեղակալներ։
Ողջունելով ներկաներին՝ ոստիկանության պետը վեր հանեց արտաքին ծառայության թերությունները։ Արման Սարգսյանը խոսելով համայնքային ոստիկանների ծառայության մասին՝ նշեց, որ նրանք պետք է իդեալական տիրապետեն իրենց հատկացված տարածքների իրավիճակներին։
Արման Սարգսյանը կարևորեց հանցագործությունների կանխման ու նախականխման միջոցառումները և պրոֆիլակտիկ աշխատանքներին նոր թափ հաղորդելու համար տվեց կոնկրետ ցուցումներ ու հանձնարարականներ։
Ոստիկանության պետը խիստ հանձնարարեց բացառել կոռուպցիոն ռիսկներն ու ոստիկան-կրիմինալ կապը։ Նման դեպքեր բացահայտվելու դեպքում ծառայողը կենթարկվի խիստ պատասխանատվության։
Համավարակի դեմ պայքարի շրջանակներում հանձնարարվեց նաև անվերապահորեն ապահովել ՀՀ Պարետի որոշումների կատարումը։
Խոսվեց ճանապարհային ոստիկանության և պարեկապահակետային ծառայության աշխատանքի մասին։ Ոստիկանության պետը հանձնարարեց քաղաքացիների հետ լինել կոռեկտ, իսկ հանցագործների հետ լինել վճռական։
Խորհրդակցությանը քննարկվեցին նաև ապօրինի ծառահատումների դեմ պայքարի, կադրային քաղաքականության և ծառայությանը վերաբերող այլ հարցեր։

Այս թեմայով Ապօրինի միգրացիա. Մի շարք հյուրանոցներում հայտնաբերվել են շուրջ 20 օտարերկրացիներ Կարգապահական հանձնաժողովի նիստում որոշվեց երկու ոստիկանի ազատել ծառայությունից (տեսանյութ) Վարդենիսում ոստիկաններն իրականացրել են հատուկ օպերացիա. 28-ամյա արմավիրցին բերման է ենթարկվել ՃԵԿ խախտումներ՝ նախատեսված Քրեական օրենսգրքով. պարզաբանում է պարեկային ծառայությունը Ազատության հրապարակից բերման է ենթարկվել 22 քաղաքացի. «Փաստինֆո» Ազատության հրապարակից բերման է ենթարկվել ադրբեջանամետ բլոգեր Ալեքսեյ Ռոմանովը Ովքեր են բերման ենթարկվել Ազատության հրապարակից և ինչու. մանրամասներ. Sputnik Արմենիա 31-ամյա Խաչատուր Քեշիշյանը որոնվում է որպես անհետ կորած 27-ամյա հարևանուհին ներքնակի տակից մի քանի անգամ 1 մլն 660 հազար դրամի գողություն էր արել ու բռնվել (տեսանյութ) Ապարանում ոստիկանական օպերացիա է իրականացվել. մանրամասներ