Պետությունը կաջակցի երեխա ունեցող ընտանիքներին, որոնք մարզերում հիփոթեքով բնակարան ձեռք կբերեն

 Երեխա ունեցող ընտանիքների  բնակարանային ապահովության պետական աջակցության  առաջին ծրագրի շրջանակներում միանվագ դրամական աջակցություն կտրամադրվի մարզային բնակավայրերում հիպոթեքային վարկով բնակարան ձեռք բերող քաղաքացիներին: Ինչպես հայտնեցին ՀՀ աշխատանքի և սոցիալական հարցերի նախարարության հասարակայնության հետ կապերի բաժնից, պետական աջակցությունը կուղղվի բնակարանի կանխավճարի ֆինանսավորմանը։

«Աջակցության համար կարող են դիմել այն քաղաքացիները, ովքեր ունեն երկու և ավելի անչափահաս երեխաներ, իսկ բնակելի անշարժ գույքը ձեռք կբերեն 2020 թ.-ի հուլիսի 1-ին կամ դրանից հետո: 

Երկու երեխա ունենալու դեպքում՝ անշարժ գույքի առավելագույն գինը 30 մլն. դրամն է, որն կավելանա ընտանիքում առկա յուրաքանչյուր հաջորդ երեխայի հաշվով՝ ևս 5-ական մլն. դրամով:

Քաղաքացու կողմից կատարվող կանխավճարի նվազագույն չափը՝ երկրորդային շուկայից ձեռք բերվող բնակարանի արժեքի առնվազն 10 %-ն է,  առաջնային շուկայից ձեռք բերվող գույքի դեպքում՝ արժեքի առնվազն 7,5 %-ը:

Մարզային բնակավայրերում ձեռք բերվող բնակարանի դեպքում՝ պետության կողմից միանվագ դրամական աջակցության չափը կկազմի ձեռք բերվող բնակարանի արժեքի 5 %-ի չափ, բայց ոչ ավելի, քան 1 մլն. դրամը: Յուրաքանչյուր հաջորդ երեխայի դեպքում աջակցության չափը կավելանա բնակարանի արժեքի ևս 5 %-ի չափով, բայց ոչ ավելի, քան 500 000 դրամը։ Միանվագ դրամական աջակցության առավելագույն չափը կկազմի 2 մլն դրամ։

Եթե շահառուի տարիքը չի գերազանցում 30 տարին, ապա միանվագ դրամական աջակցությունն ավելանում է 30 %-ով: Այս դեպքում միանվագ դրամական աջակցության առավելագույն չափը կկազմի 2,6մլնդրամ։

Հիպոտեքային վարկի գործողության ընթացքում բնակարանը օտարելու դեպքում՝ պետական աջակցության գումարը ենթակա է վերադարձման։

Քաղաքացին, որպես շահառու, միանվագ դրամական աջակցության ծրագրից կարող է օգտվել միայն մեկ անգամ։

Նշենք, որ 2020 թ.-ի պետական բյուջեով  նպատակային այս ծրագրերի համար արդեն  նախատեսվել է դրամական աջակցություն 245 շահառուի համար:

Ուշադրություն. Ծրագիրը մեկնարկում է 2020 թ-ի հուլիսի 1-ից: Ծրագրի շրջանակներում աջակցություն ստանալու համար Աշխատանքի և սոցիալական հարցերի նախարարություն դիմել պետք չէ: Քաղաքացին պետք է դիմի այն բանկ կամ վարկային կազմակերպություն, որից պատրաստվում է հիպոտեքային վարկ վերցնել»,- ասված է նախարարության տարածած հաղորդագրության մեջ:

Այս թեմայով «Ժողովուրդ». Բնակարան, մեքենա․ ի՞նչ հայտարարագիր է ներկայացրել Տավուշի նոր դատախազը Այսօր արդեն ունենալով անկախ պետություն՝ մենք պետք է շարունակենք ամրանալ և բացառենք նման արհավիրքը Նիկոլին ասել եմ` քեզ թողել ենք երկու պետություն, տեսնենք դու ինչ ես թողնելու. Շարմազանով Հայոց մայրերը տվել են հերոսներ, որոնց շնորհիվ ունենք պետություն, պետք է ուժեղ պահենք մեր երկիրը. Թաթոյան ՌԴ-ն երբեք ՀՀ-ի հետ չի քննարկել Միասնական պետություն անդամակցելու հարցը. դեսպան Հաշվին՝ 300 դոլար, փոքր բնակարան, ավտոմեքենան վաճառել է. Մոլդովայի նախագահի տարեկան հարկային հայտարարագիրը Պետություն ունենալն իրականում շատ թանկ հաճույք է. Նիկոլ Փաշինյան Կա՛մ մենք կունենանք պետություն, կա՛մ Նիկոլն իր ասֆալտած ճանապարհներով մեզ կտանի դժոխք. Ռուբեն Մխիթարյան (տեսանյութ) Որպես ազգ և պետություն մեզ փորձում են ծնկի բերել հենց Երևանից․ Վարդան Ոսկանյան Արցախցուն ասում են՝ բնակարան գնի ոչ Երևանում, Ծաղկաձորում, Դիլիջանում, Աբովյանում ու Էջմիածնում