«Փաստ». «Յուքոմի» «մահվան մասին լուրերը չափազանցված են»

«Փաստ» թերթը գրում է. «Վերջին շրջանում «Յուքոմ» հեռահաղորդակցության ընկերության շուրջ աղմկոտ մի շարք իրադարձություններ տեղի ունեցան, ինչի արդյունքում որոշ ժամանակ խնդիրներ էին առաջացել ընկերության բնականոն գործունեության առումով: Այդուամենայնիվ, «Փաստ» թերթի տեղեկություններով, «Յուքոմին» հաջողվել է գրեթե լիարժեքորեն հաղթահարել մասնավորաբար կադրային «շոկը». մեր աղբյուրները փոխանցում են, որ թիմ են վերադարձել մոտ մեկ ամիս առաջ աշխատանքից ազատված բազմաթիվ աշխատակիցներ, մյուս կողմից՝ նոր աշխատակիցներ են ընդունվել աշխատանքի: Ավելին, ներկայումս ավարտին են մոտենում ընկերության զարգացման նոր ռազմավարական ծրագրի աշխատանքները: Ըստ այդմ, ստացվում է, որ տարածվող տեղեկությունները, թե հեռահաղորդակցության ոլորտի առաջատար «Յուքոմ» ընկերությունն այլեւս ուշքի չի գա եւ դուրս կմղվի դաշտից, մեղմ ասած, իրականությանը չեն համապատասխանում: Թերթի աղբյուրները պնդում են, որ իրականում այս ընկերությունը հնարավոր է ստեղծված վիճակից դուրս գա ավելի ուժեղացած: «Եթե դասականի հայտնի խոսքերը հիշենք, ապա «Յուքոմի» մահվան մասին լուրերը չափազանցված են»,- կես կատակ-կես լուրջ ասաց մեր աղբյուրը»:

Այս թեմայով «Յուքոմ»-ի բաժնետոմսերը գրավադրվել են. «Civilnet.am» «Յուքոմ»-ի գրասենյակում ավազակային հարձակման գործով 39-ամյա տղամարդ է ձերբակալվել «Ընկնել առաջ». «Գալաքսի» ընկերությունների խմբի համահիմնադիր Գուրգեն Խաչատրյանի ուղերձը «Յուքոմ»-ում լուրջ կրճատումներ են սպասվում. «Ժողովուրդ» Կհրապարակենք՝ հեղինակներն ովքեր են և ինչ նպատակներով. շարունակում են վնասվել «Յուքոմ»-ի օպտիկական մալուխները «Ժողովուրդ». Ի՞նչ է լինելու Խաչատրյանների եւ Մանվել Գրիգորյանի ունեցվածքի պարագայում