Կին պատգամավորին վառելու մասին մեկնաբանություն թողած անձը ԼՀԿ անդամ է. Թագուհի Ղազարյան

ԱԺ «Իմ քայլ»-ը խմբակցության պատգամավոր Թագուհի Ղազարյանն իր իր ֆեյսբուքյան էջում գրում է.

«Ցավալի է, որ այսքան քննարկումներից և խոսակցություններից հետո ատելության, վիրավորանքի, խտրական խոսքն ու բռնության կոչերը չեն դադարում դառնալ «քաղաքական պայքարի» գործիք:

Իմ գործընկեր Սոնա Ղազարյանի երեկվա ելույթին հաջորդած մեկնաբանություններին ուշադրություն չէի դարձնի, եթե պատահաբար չբացահայտեի, որ նրա խոսքի մեջբերումներից մեկի տակ վառելու մեկնաբանություն թողած անձը «Լուսավոր Հայաստան» կուսակցության անդամ է և նախընտրական ցուցակի 51-րդ համարը: Այս ուշագրավ փաստն ստիպեց հետևել իրադարձությունների զարգացմանը և տեսնել, թե ինչ արձագանք կտան կուսակցական անդամներն իրենց ընկերոջ արտահայտությանը:

Նշյալ անձը ավելի ուշ հերքել է, թե իր՝ վառելու կոչը որևէ մեկին է ուղղված եղել և արել է «գնահատողական դատողություն»՝ հավանաբար նկատի ունենալով, որ տիկին Ղազարյանի նկարի տակ «եզաբուծարան» բառը գործածելը բազմակողմանի ուսումնասիրությունների արդյունքում արված գնահատողական դատողություն է եղել և այդ իբրև գնահատողական դատողության բարձրագույն աստիճանի դրսևորում՝ առաջարկել «վառել» կամ «խարույկի վրա մեղմ խորովել»։

Հրապարակային որևէ մեկնաբանություն չէի անի այս հարցի շուրջ, եթե չտեսնեի, որ այդ մեկնաբանության հետ հաշտ և ներդաշնակ են Ազգային ժողովում գտնվող իմ գործընկերները, որոնցից ոմանք, հղվելով այս մեկնաբանության վրա, պնդում են, որ խնդիրը լուծված է, իսկ մյուսները իրենց հավանությունն են արտահայտում սոցիալական ցանցի ընձեռած այլևայլ միջոցներով:

Եվս մեկ անգամ ստիպված եմ արձանագրել, որ կին քաղաքական գործիչների նկատմամբ հարձակումները ոչ թե պարզ սայթաքումներ են (պարզ սայթաքումներից հետո ներողություն են խնդրում, ոչ թե վերահաստատում), այլ ընդգծված «քաղաքական մարտավարություն»:

Ատելության խոսքի և խտրականության դեմ պայքարը մեր քաղաքական հանձնառությունն է և մենք ի վերջո հաղթելու ենք այդ պայքարում՝ բոլոր քաղաքական հավակնություններ ունեցող անձանց բերելով քաղաքակիրթ բանավեճի դաշտ:

Հ. Գ. Sona Ghazaryan ջան, ուժեղ մնա »,- գրել է նա:

Այս թեմայով Ներքին զգացողություն ունեմ, որ այս տարվա Ջահերով երթը չի լինի պարզապես հերթական զբոսանքը Երևանի փողոցներով․ Էդգար Ղազարյան Մատով հետս չխոսաս. վիճաբանություն՝ Վահե Ղազարյանի և պահեստազորի գնդապետի միջև (տեսանյութ) Եկել եմ` ասեմ, որ ձեզ խաբող չկա. Վահե Ղազարյան Էդգար Ղազարյանը և Արթուր Խաչիկյանը հավաք են հրավիրում Ժամանակին 800 հեկտարի համար վայնասուն բարձրացնողները Տավուշի չորս գյուղերը թղթի վրա հանձնում են թշնամուն․ Թագուհի Մելքոնյան Եսայի քահանա Արթենյանին վաղը հրավիրում եմ հյուր․ Պետրոս Ղազարյան Տեղի ունեցածը բեսպրեդել է, նույնիսկ եթե ՔՊ պատգամավորը ամենադաժան ձևով վիրավորված լինի. պատգամավոր Ամերիաբանկի առաքելությունն է Հայաստանը վերածել տեխնոլոգիայի և նորարարության տարածաշրջանային նոր հանգրվանի․ Արմինե Ղազարյան Անշիրիմ թող մնան բոլոր նրանք, ովքեր հարգանք չունեն հերոսների շիրիմներին մատուցելու համար. Էդգար Ղազարյան Վահե Ղազարյանի հրամանով՝ Շիրակի մարզի ոստիկանապետ է նշանակվել