Հունիսի 1-ի դրությամբ ՌԴ-ից դեպի ՀՀ վերադարձի ցանկություն են հայտնել 16 հազարից ավելի քաղաքացի

ՌԴ-ից Հայաստան իրականացվող չարտերային չվերթներով հայրենիք վերադարձի ցանկություն հայտնած քաղաքացիների կողմից ներկայացված դիմում-հայտերը ս/թ․ հունիսի 1-ի դրությամբ գերազանցել են 16 հազար 340-ը։ Այս մասին հայտնում է  ՌԴ–ում ՀՀ դեսպանության ֆեյսբուքյան էջը։

«Մշակված և Facebook սոցիալական ցանցի դեսպանության էջում (@armembrus) հրապարակված քաղաքացիների թիվն այս պահին գերազանցում է 4,300-ը։ Իսկ մյուս դիմումատուների տվյալները շարունակ մշակվում և վերստուգվում են՝ ըստ գործող կարգի հետագա հրապարակման համար։ Միևնույն ժամանակ անհրաժեշտ է նշել, որ դիմումատուների մեծաթիվ լինելու և շարունակ նոր հայտեր ստանալու հանգամանքից ելնելով՝ այս գործընթացը պահանջում է ավելի երկար ժամանակ և ավելի շատ ռեսուրսներ։

Քաղաքացիների՝ հայերինք վերադարձի ապահովումը շարունակում է այս բարդ ժամանակահատվածում մնալ դեսպանության կարևորագույն գործառույթը, որի իրականացման ուղղությամբ մոբիլիզացված է դեսպանության ողջ ներուժը։ Այս է պատճառը նաև, որ որոշ այլ գործառույթներ, մասնավորապես՝ հյուպատոսական որոշ ծառայությունների մատուցման ապահովումը սահմանվածից այլ ժամկետներ է պահանջում։

Մենք շարունակում ենք առկա հնարավորությունների առավելագույն չափով աշխատանքներ իրականացնել չարտերային չվերթների կազմակերպան, այդ թվում՝ դրանց հաճախականության ավելացման ուղղությամբ։ Ինչպես տեղյակ եք արդեն, յուրաքանչյուր հաստատված չվերթից երկու-երեք օր առաջ, ըստ հերթականության, դիմում-հայտում նշված հեռախոսահամարով կապ է հաստատվում մեկնող քաղաքացիների հետ։

Շարունակում են գործել դեսպանության թեժ գծի հինգ հեռախոսահամարներն՝ առանց հանգստյան օրերի։ Յուրաքանչյուր թեժ գծի աշխատակից օրական պատասխանում է 300-ից ավելի հեռախոսազանգի, բայցև առկա հնարավորությունների և հազարներ գերազանցող զանգերի պայմաններում որոշ դիմողների հնարավոր չի լինում նույն պահին պատասխանել։ Այս հարցում ներողություն ենք հայցում այն քաղաքացիներից, ում առաջին իսկ զանգից չի հաջողվել ստանալ իրեն հուզող հարցի պատասխանն ու խնդրում ըմբռնումով մոտենալ ստեղծված դրությանը։

Նկատենք նաև, որ այս օրերին բազմաթիվ քաղաքացիներ մեզ դիմում են տարաբնույթ հրատապ խնդիրներով՝ կապված մեկնման անհետաձգելիության, այդ թվում՝ հարազատի կորոստի, առողջական խնդիրներով պայմանավորված Հայաստանում բուժումը շարունակելու անհրաժեշտության և սոցիալ-տնտեսական բնույթի մի շարք հարցերի հետ։

Հասկանալով յուրաքանչյուրի իրավիճակն ու առկա խնդիրներն՝ այդուհանդերձ, պետք է փաստենք, որ քաղաքացիներին ընդառաջելու հնարավորությունները սահմանափակ են՝ ելնելով երկար ժամանակ չվերթի սպասող և մեծամասամբ նույնանման խնդիրներ ունեցող քաղաքացիների հերթի պահպանման անհրաժեշտությունից։

Եվս մեկ անգամ հիշեցնենք, որ չարտերային չվերթներով Հայաստան վերադարձի առաջնահերթությունը տրվում է ՀՀ քաղաքացիներին։

Չվերթներից կարող են օգտվել նաև երկքաղաքացի հանդիսացող դիմումատուներն ու այն ՌԴ քաղաքացիները, որոնց ընտանիքի անդամ հանդիսացող ՀՀ քաղաքացիները գտնվում են Հայաստանում։

Ի պատասխան քաղաքացիների որոշ հարցադրումների՝ նշենք նաև, որ էլ․հարցաթերթիկի (shorturl.at/twJOR) միջոցով չվերթի հայտն ընդունված է համարվում այն ամբողջական լրացնելուց ու հայտի ստորին հատվածում նշված «ուղարկել» (“submit”, “отправить”) կոճակը սեղմելուց հետո։ Գործընթացն ավարտելուց հետո էկրանին հայտնվում է գրառումն առ այն, որ հայտն ընդունված է (նույնը՝ ռուսերեն, կամ անգլերեն լեզուներով)»,– նշված է հայտարարությունում։

Այս թեմայով Դեպի Երևան և Երևանից մեկնող 12 չվերթ հետաձգվել է Բադը շարքից հանել է SSJ-100 շարժիչը Նիգերիայում չվերթի չեղարկման պատճառով ուղևորները ծեծի են ենթարկել օդանավակայանի աշխատակիցներին Բաքու-Մոսկվա չվերթի ուղևորը մահացել է օդանավակայանում Հայաստանն աշխատում է Հունգարիայի հետ ուղիղ չվերթ բացելու ուղղությամբ․ դեսպանն ամփոփում է նախագահի այցը Բուդապեշտ Թբիլիսիի օդանավակայանը չի կարողացել ընդունել մի քանի չվերթ, այդ թվում՝ Երևանից․ ԶԼՄ Մոսկվայի օդանավակայաններում ավելի քան 20 չվերթ է հետաձգվել ու չեղարկվել Մոսկվայի օդանավակայաններում հետաձգվել և չեղարկվել է ավելի քան 20 չվերթ Մոսկվայի օդանավակայաններում ավելի քան 20 չվերթ է չեղարկվել և հետաձգվել Մոսկվայի օդանավակայաններում շուրջ 40 չվերթ է հետաձգվել ու չեղարկվել