«Արցախկապ»-ն այսօր ստացել է սարքը, որի պատճառով ընդհատվել էր 5 հեռուստաալիքի հեռարձակումն Արցախում. Վահրամ Պողոսյան

ԱՀ նախագահի մամուլի խոսնակ Վահրամ Պողոսյանը ֆեյսբուքյան իր էջում գրում է․

«Արցախկապ» ընկերությունն այսօր վերջապես ստացել է այդ «չարաբաստիկ» սարքը, որի պատճառով ժամանակավորապես ընդհատվել էր 5 հեռուստաալիքների հեռարձակումն Արցախում: Մասնագետների փոխանցմամբ՝ մինչև կեսգիշեր կկարգավորվեն բոլոր խնդիրները: Բայց այս մի քանի օրերի ընթացքում բարձրացված արհեստական աղմուկը, քաղաքական տարբեր տիպի շահարկումները, կարծում եմ՝ կհամաձայնեք, որ հարիր չէին մեզ: Ի վերջո, ո՞րն էր նպատակը՝ թիրախավորել Արցա՞խը, Արցախի նորընտիր իշխանությունների՞ն, թե՞ լուծել խնդիրը:

Հաշվի առնելով ստեղծված իրավիճակը՝ ԱՀ էկոնոմիկայի և արտադրական ենթակառուցվածքների նախարարությունը որոշել է առաջնորդվել ԱՀ կառավարության՝ 2020 թվականի փետրվարի 10-ի «Արցախի Հանրապետության 2020 թվականի պետական բյուջեի միջոցների հաշվին իրականացվող թվային ձևաչափով հեռուստառադիոհաղորդումների հեռարձակման գծով ծառայությունների գնման պետական պատվերի ծրագիրը և ցանկը հաստատելու մասին» N 52-Ա որոշմամբ (ի դեպ, Արայիկ Հարությունյանն այդ ժամանակ որևէ պաշտոն չէր զբաղեցնում), որի համաձայն՝ Արցախի հարկատուների հաշվին կհեռարձակվեն միայն ցանկով հաստատված հեռուստաալիքները, որտեղ, ի դեպ, ներառված չեն «5-րդ ալիք»-ը և «Շողակաթ»-ը:

Բացի այդ, հետագա բոլոր տիպի շահարկումներից խուսափելու համար ԱՀ կառավարությունը նախաձեռնել է փոփոխություններ մտցնել հեռուստաալիքների պետական պատվերի ձևավորման կարգում: Ընդ որում, փոփոխությունների կենթարկվեն ինչպես ալիքների ընտրության կարգը, այնպես էլ սոցիալական փաթեթների ձևավորման սկզբունքները:

Նոր կարգն ուժի մեջ մտնելուց հետո առաջարկվելու է հայկական բոլոր հանրապետական ու մարզային հեռուստաընկերություններին Արցախում հեռարձակման թույլտվություն ստանալու համար ներկայացնել հայտեր: Այնուհետև համապատասխան հանձնաժողովը կքննարկի դրանք ու կկատարի ընտրություն 2021 թվականի պետական պատվերը ձևավորելու համար:

Կարծում եմ՝ որոշումներն արդարացի են, ու թեմայի շուրջ նոր զարգացումները մենք կհամարենք միայն սուբյեկտիվ ընկալումների արդյունք՝ նպատակաուղղված Արցախի դեմ քարոզչական ուղիղ արշավ իրականացնելուն»։

Այս թեմայով Ժամանակը կաշխատի հօգուտ Ադրբեջանի, չտա Աստված, որ ձեր եվրոպական «երազանքները» Հայաստանին դարձնեն տարածաշրջանային մուտանտ. Պողոսյան «Էսօր իմ օրն ա եկել խոսելու». Միհրան Պողոսյան Արցախի հարցը որևէ կապ չունի Ադրբեջանի տարածքային ամբողջականության հետ, մենք ինքնորոշվել էինք մեր տարածքի վրա․ Վահրամ Բալայան «Ով որ ձեզնից ձայն չհանեց, ով էլ վրան քսեց օճառ, ուրեմն նա ոչ թե հայ է, այլ խճուղու մարմնավաճառ»․ Վահրամ Սահակյան Իսկ ո՞վ է ասում՝ ես չեմ վերադառնալու, ես նման հայտարարությո՞ւն եմ արել․ մոտ ժամանակներս լիքը բան կլսեք․ Միհրան Պողոսյան Հայ և թուրք մարդկանց միջև մի անհաղթահարելի արյան գետ է գոյացել, որը երբեք թույլ չի տա այս երկուսին ապրել հաշտության մեջ. Արա Պողոսյան Միայն մտավոր հետամնացը կարող է կարծել, թե այդպիսի ճանապարհ կարող էր «պարտադրել» սահմանադրական բարեփոխումների հանձնաժողովը․ Արա Պողոսյան Ինչքան շատ են խոսում ինքնիշխանության մասին, այնքան ավելի ես տագնապում, որ կարող է անգամ պետության գոյությունն վտանգեն. Արա Պողոսյան «Հրապարակ». Էկոնոմիկայի նախարարությունը 64 հազար դոլար է փոխանցել Վահրամ Թոքմաջյան Արցախի պետական բոլոր ինստիտուտները պետք է պահել, այդ թվում և վարչական շրջանների աշխատակազմերը. Արա Պողոսյան