Աջ ձեռքով ձախ ականջը քորելու «մաստերկլասս» Ազգային ժողովում. Գոհար Մելոյան

Սահմանադրագետ Գոհար Մելոյանը ֆեյսբուքյան իր էջում գրել է.

«Այսօր Ազգային ժողովի իշխող խմբակցությունը փորձում է երկրում տիրող արտակարգ դրության ժամանակ գումարված արդեն որերորդ արտահերթ նստաշրջանի միջոցով հերթական կիսալուծումներով լրացնել նախորդ բացթողումները։

Մասնավորապես՝ նախորդ շաբաթ իրավական հանրությունը ներակայացնող գործընկերներիս հետ միաժամանակ բազմիցս ահազանգեցինք տեղի ունեցող աննախադեպ հակաիրավական գործընթացի վերաբերյալ՝ մատնանշելով այն զուգորդող կիսալուծումներն ու բացերը, ինչպես,

1. Սահմանադրության փոփոխությունների հետ միաժամանակ մի շարք այլ օրենքներում փոփոխություն ենթադրող հարակից նախագծերի բացակայությունը /ինչի կապակցությամբ այսօր մի շարք պատգամավորներ դպրոցահասակ երեխայի պես փորձում են խորամանկել՝ նշելով, որ իրենք անպայման դիմելու էին այս քայլին՝ ավելի կասկածի տակ դնելով իրավական տեխնիկայի և ընդհանապես օրենսդիր իշխանության տեսագործնական աշխատանքների վերաբերյալ իրենց գիտելիքները/,

2. «Սահմանադրական փոփոխությունների հարցով հանրաքվե նշանակելու մասին» Ազգային ժողովի որոշմանն անգամ չանդրադառնալը, որի արդյունքում կարգավորվելու էր նույնաբովանդակ հարց, և որի և՛ ընդունման, և՛ չեղարկման համար արդեն իսկ խախտել էին սահմանադրական դրույթներ։

Խորհրդանշական է, որ հերթական անգամ իրավական հենասյուները ոտնահարվում են, և խորհրդարանը «մեկ դերասանի թատրոնի» հիմունքներով շահագործվում է հենց Պառլամենտարիզմի միջազգային օրը՝ հիմնովին հրաժարվելով պառլամենտարիզմի կայացման ուղուց և սկզբունքներից։

Այո՛, դուք ունեք աննախադեպ բացարձակ մեծամասնություն խորհրդարանում, բայց դա բնավ չի նշանակում, որ կաղապարված չեք իրավական պետության սկզբունքներով և ցանկացած նպատակով կարող եք չարաշահել այդ կարգավիճակը։

Հ․ գ․ 1. Առանձնահատուկ երեսպաշտություն և պաշտոնեական դիրքի չարաշահում է արդեն տասնյակից ավել պատգամավորների մոտ հաստատված նոր կորոնավիրուսի վարակակիր լինելու պարագայում արտահերթ նստաշրջան հրավիրելը և 80 պատգամավորների ներկայությունն ապահովելը, երբ նրանց մեծամասնությունը պետք է ինքամեկուսացման շրջան անցներ, և այդքանից հետո լուրջ դեմքերով ժողովրդին մեղադրելը անպատասխանատվության մեջ, ընդ որում՝ խախտելով ձեր իսկ կողմից ընդունված Քրեական օրենսգրքով նախատեսված արարքը՝ արտակարգ իրավիճակի հիմքով հայտարարված արտակարգ դրության ընթացքում մեկուսացման կամ ինքնամեկուսացման կանոնները կամ ազատ տեղաշարժվելու իրավունքի այլ սահմանափակումները խախտելու վերաբերյալ։

Հ․ գ․ 2. Գրիգոր Մուրադյանի պես պրոֆեսիոնալիզմի բարձր հատկանշներով և սրտացավ հանրային ծառայողը Հայաստանի Հանրապետության ձեռքբերումն ու հաջողությունն է։ Ինչու՞ եք այդպես զարմանում, երբ մարդիկ իրերն իրենց անուններով են կոչում և արձագանքում են իրենց կյանքի ընթացքում ձևավորված արժեհամակարգի և բացարձակ ճշմարտությունների այսչափ քամահրանքով ոտնահարմանը»։ 

Այս թեմայով Հիմնավոր ենթադրություն է, որ վեց հայ զինվորի գերեվարումը եղել է վաղօրոք պլանավորված հայ ժողովրդին նոր զիջումներին հոգեբանորեն պարտադրելու համար. Գոհար Մելոյան Պետական մակարդակով ստի և կեղծիքի տարածումը քայքայել են հայ ժողովրդի դիմադրողականությունը. Գոհար Մելոյան Իշխանության ներկայացուցիչները հպարտորեն գլուխ են գովում, որ դեռ որևէ վիրավոր չկա․ Գոհար Մելոյան ԱԺ-ում ներկայացվող «ընտրական փաթեթի» ընդունման նպատակն է նախընտրական գործընթացներում բարելավել իշխող ուժի դիրքերը. սահմանադրագետ Իշխանափոխության այս անփառունակ 3 տարիներն ամփոփվում են ստերի եւ միֆերի բացահայտմամբ եւ/կամ հաստատմամբ. Գոհար Մելոյան Վարչական դատարանի օրենսգրքով կասեցվելու է նոր ԳՇ պետի նշանակման գործընթացը Արդյո՞ք պետությունը չունի որևէ պարտավորություն կանխելու 24 օր ծայրահեղ անհիմն և ապօրինի ձևով անձի ազատազրկումը. Մելոյան Մինչ մարտի 19-ն Արտակ Դավթյանը չի կարող համարվել իրավունքի ուժով գլխավոր շտաբի պետի պաշտոնում նշանակված․ Գոհար Մելոյան Նախագահը հերթական անգամ խուսափեց իր սահմանադրական պարտականությունների կատարումից. Գոհար Մելոյան Նախագահը դրսևորում է անգործություն, ինչը նրա պաշտոնանկության հիմք են. Գոհար Մելոյան