Հայկ Մարությանը ծանոթացել է «Թափառող կենդանիների վնասազերծման» ՀՈԱԿ-ի շենքի պայմաններին

2018թ. դեկտեմբերին քաղաքային իշխանությունը պաշտոնապես հայտարարեց մայրաքաղաքում թափառող կենդանիների սպանդը դադարեցնելու որոշումը: Նոր՝ առաջադեմ գործընթացն իրականացնելու պատասխանատվությունն անմիջապես ստանձնեց Երևանի համայնքը՝ ստեղծելով կենդանիների վնասազերծման սեփական կենտրոնը:

Երևանի քաղաքապետ Հայկ Մարությանն աշխատանքային այցի ժամանակ եղավ «Թափառող կենդանիների վնասազերծման» ՀՈԱԿ-ի նոր շենքում ու ծանոթացավ կլինիկայի պայմաններին:

Համայնքային կառույցի նոր կլինիկայի շենքն ունի վիրահատարաններ, նախավիրահատական խնամքի ու հետվիրահատական բուժմանն անհրաժեշտ վանդակներ: Շուտով այստեղ կլինի նաև ախտորոշիչ սարքավորումներով հագեցած լաբորատորիա:

«Կարևոր է նշել, որ սա մեր աշխատանքների առաջին փուլն է: Մենք հիմա առաջին փուլում հավաքում ենք Երևանում եղած թափառող շները, ստերջացնում ենք և բաց թողնում: Ինչի համար է սա արվում, որպեսզի վերջնականապես վերջ տանք դրանց վերարտադրմանը, և ժամանակի ընթացքում, բնականաբար, առկա քանակը կփոքրանա: Այսինքն՝ նոր վերարտադրում չլինի և նոր շներ չավելանան մեր փողոցներում: Երկրորդ փուլի ամենակարևոր մասնակիցներից մեկը մեր քաղաքացիներն են, ովքեր իրենց տներում պահում են շներ, կատուներ, մի խոսքով՝ կենդանիներ: Այսինքն՝ ամեն մարդ, ով տանը կամ բակում շուն է պահում, պետք է գրանցի այդ շանը: Հատուկ ձևով գրանցելուց հետո նաև պետք է բնակիչն արդեն, որպես պատասխանատու անձ, պատվաստի այդ շանը, բացի այդ, եթե էգ շուն է՝ ստերջացնի, որպեսզի վերարտադրություն չլինի: Սա այն ամենն է, ինչ ամեն քաղաքացի, ամեն բնակիչ պարտավոր է անել»,- նկատել է Հայկ Մարությանը:

Շատ հաճախ փողոցում՝ թափառողների կողքին հայտնվում են նաև տանը պահվող կենդանիները: Այս խնդիրն օրենսդրությունը կարգավորում է, բայց, ըստ քաղաքապետ Մարությանի, այն չի կիրառվել:

Թափառող կենդանիների հավաքում, տեղափոխում, նախնական զննում, ստերջացում և պատվաստում. ամենօրյա լարվածությամբ աշխատող անձնակազմը շարունակում է իր շնորհակալ գործը, միայն թե արդեն հարմարավետ պայմաններում:

«Շնորհակալություն եմ հայտնում մեր ՀՈԱԿ-ի բոլոր աշխատակիցներին՝ ովքեր մասնակցել են այս գործընթացին դժվարագույն պայմաններում, կարելի է ասել՝ դաշտային պայմաններում են աշխատել: Այսօր արդեն զրոյից ստեղծել ենք մեր ՀՈԱԿ-ը, շենքային պայմանները լավն են»,- նշել է քաղաքապետը:

Քաղաքապետ Մարությանի խոսքով, համայնքային կլինիկայի հնարավորություններն առաջիկայում ավելի կմեծանան. կկառուցվի ևս մեկ վիրահատարան:

«Հիմա 20-25 շուն ենք օրական ստերջացնում, մինչև 30-ի հնարավորություն ունենք ստերջացնելու, բայց ուզում ենք հնարավորություններն ավելի մեծացնել և կողքին նոր մասնաշենք ենք կառուցելու»,- նշել է քաղաքապետը:

2020թ. առաջին կիսամյակի ընթացքում համայնքային կառույցն արդեն շուրջ 1300 շուն է ստերջացրել: Նախորդ տարվա նույն ժամանակահատվածում այս ցուցանիշը կազմել է շուրջ 700 կենդանի: 2019 թվականից մինչ օրս ընդհանուր առմամբ մայրաքաղաքում ստերջացվել է 4300 շուն: 

Այս թեմայով Կեղծիքի իշխանությունը չի՛ կարող ներկայացնել Հայաստանը եւ հայ ժողովրդին այս ճակատագրական պահին. Հայկ Մարության «ՔՊ–ն ավելի է խստացնելու բռնաճնշումները»․ Մարությանն ընդդիմադիրներին համախմբվելու կոչ է անում «Երևանի թիվ 54 մսուր-մանկապարտեզ» ՀՈԱԿ-ում գործարկվելու է էլեկտրական շչակ Կենդանիների տարանցիկ փոխադրումը Իրանի տարածքով վերականգնվել է ՔՊ-ական «դեմոկրատիան» այսօր նոր ռեկորդ է սահմանել. Հայկ Մարության (լուսանկար) Չինաստանում 100 հասկի է փախել կենդանիների սրճարանից (տեսանյութ) Արմեն Մազմանյանը «Ադրինը» ծախեց 1 մլն դոլարով, ու սկսվեց «Գոյի» պայքարը. Մարության Մարությանին և ավագանու մյուս անդամներին մանդատից զրկելու գործողությունը կվիճարկվի դատարանում, ապա նաև ՍԴ-ում Ձևավորելու ենք նոր իշխանություն, որը կանի էն, ինչ ասում էր 2018-ին․ ճանապարհին ենք․ Մարության Փորձելու եմ մուտք գործել քաղաքապետարան, տեսնենք՝ ինչպես է ոտիկանությունը այս ապօրինի որոշումը կատարում․ Հայկ Մարության