Իսպանացի քաղաքական գործիչը մերկ վիճակում հայտնվել է տեսախցիկի առջև և կորցրել աշխատանքը (տեսանյութ)
ՏեսանյութերԻսպանական Տորելավեգա քաղաքում գործող Սոցիալիստական աշխատավորական կուսակցության գլխավոր քարտուղար Բեռնարդո Բուստիլոն առցանց հանդիպման ժամանակ որոշել է ցնցուղ ընդունել և ամբողջովին մերկ վիճակում հայտնվել է տեսախցիկի առջև: Ուղիղ հեռարձակման ընթացքում տեսանյութը դիտել են այլ քաղաքական գործիչներ, լրագրողներ և հասարակ քաղաքացիներ: Տեսանյութը հրապարակվել է Twitter-ում:
Սկանդալային կոնֆերանսը սկսվել է առավոտյան ժամը 8-ին և տևել բավականին երկար: The Independent-ի փոխանցմամբ` այդ օրը Բուստիլոն պետք է իր դստերը տաներ պարապմունքի, իսկ հետո գնար իր երկրորդ աշխատանքին՝ որպես լողի հրահանգիչ: Երեկոյան` մոտ ժամը հինգին, նա հասկացել է, որ հեռարձակման պատճառով ցնցուղ ընդունելու ժամանակ չի ունենա, ուստի որոշել է միաժամանակ երկու գործ անել. նա իր հետ վերցրել է նոթբուքը, որպեսզի լսի գործընկերներին, և գնացել է լոգասենյակ: Մոռանալով տեսահեռարձակման մասին` նա սկսել է լոգանք ընդունել, ապա ամբողջովին մերկ վիճակում հայտնվել է հանրության առջև:
Տեսանյութը մեծ արձագանք է ստացել համացանցում և դրա պատճառով քաղաքական գործիչը կորցրել է աշխատանքը: Նա նշել է, որ հրաժարվել է պաշտոնից, որպեսզի չարատավորի կուսակցության հեղինակությունը: