«Փաստ». Իշխանությունների «դեմոմետրը» փչացել է

«Փաստ» թերթը գրում է. «Ներկայիս իշխանությունները սովորություն ունեն իրենց այս կամ այն քայլը «գցել» ժողովրդի վրա՝ «ժողովուրդն է պահանջում», «ժողովրդի ցանկությունն է» եւ այլն: Այդպես հեշտ է: Սակայն հանրության շրջանում կարող է , չէ՞, տրամաբանական հարց առաջանալ, թե ի՞նչ գործիքով, ի՞նչ մեթոդով են իշխանությունները չափում ժողովրդի կարծիքն ու ցանկությունները: Այդ ի՞նչ կախարդական «դեմոմետր» ունեն իշխանությունները: Եթե գլխավոր չափանիշը 2018 թվականի խորհրդարանական ընտրություններն էին՝ կայացած ժողովրդական էյֆորիայի պայմաններում, ապա, եթե ռուսերենից թարգմանենք հայտնի ասույթը, «դա վաղուց էր ու ոչ ճիշտ»: Անցած ավելի քան մեկուկես տարում շատ ջրեր են հոսել, եւ իշխանություններին հանճարեղորեն հաջողվել է մինչեւ նախավերջին կաթիլը մսխել այդ վստահության քվեն: Ընդ որում, դրա համար ընդդիմությունից շատ ջանքեր չեն պահանջվել, իշխանական թիմը դրա համար արել է հնարավոր ու անհնար ամեն ինչ: Եթե չափանիշ են վերցվում ֆեյսբուքյան «լայքերն» ու մեկնաբանությունները, ապա տեղեկատվական հոսքերից փոքր-ինչ իրազեկ ցանկացած ոք գիտի, որ սոցցանցային «հանրային կարծիքը» մեծամասամբ որեւէ կապ չունի իրականության հետ: Ոչ մեկի համար գաղտնիք չէ, թե այս «լայքերի» ու մեկնաբանությունների գերակշիռ մասն ինչպես է ձեւավորվում: Այսուամենայնիվ, իշխանություններն ու նրանց սատելիտները շարունակում են խոսել ժողովրդի անունից: Իսկ դա, բացի նրանից, որ անհիմն ու արհեստական է, միեւնույն ժամանակ վտանգավոր է, քանզի ակնհայտ է դառնում, թե իշխանություններն ինչքան են կտրվել իրականությունից: Դժվար է ասել՝ ակամա է այդպես ստացվել, թե չեն ցանկանում իրականության աչքերի մեջ նայել, սակայն փաստը մնում է փաստ, որ նրանց «դեմոմետրը» փչացել է»:

Այս թեմայով Ֆեյսբուքում և Ինստագրամում մասշտաբային խափանում է տեղի ունեցել Բազմաթիվ մարդիկ կրկին չեն կարողանում մուտք գործել Ֆեյսբուք կամ ինստագրամ. ի՞նչ անել «Ֆեյսբուքը» հայտարարություն է տարածել Ֆեյսբուքի աշխատանքը Հայաստանում վերականգնվել է Ֆեյսբուքում և Ինստագրամում գլոբալ խափանումներ են Նրանց բոլորին միավորում է սերը դեպի այս իշխանություն և ատելությունն առ Արցախ և նախկին իշխանություններ․ Ղազինյան Արցախում վերականգնվել է «Ֆեյսբուք»-ի աշխատանքը ՌԴ խաղաղապահ զորակազմի հրամանատարին չի հաջողվել Արցախին առնչվող դրական փոփոխության հասնել Մեծ խնդրանք ունեմ՝ շատ մի գովեք Ռանոսին․ Պետրակով 6 էրեխու փրկեցին, Արայիկ Հարությունյանն արագ գցեց Ֆեյսբուք, թուրքն իմացավ՝ ողջ մարդ կա, սպանեց (տեսանյութ)