Խնձորեսկցի Նարեկը կա՛մ հատել է սահմանը, կա՛մ կրակել են, կա՛մ էլ` ձիու հետ ձորն ընկել

Օրերս Սյունիքի մարզի Ներքին Խնձորեսկ բնակավայրի բնակիչ 30-ամյա Նարեկ Ս․-ն ֆերմայից դուրս է եկել, գնացել արոտավայր և մինչ օրս  չի վերադարձել։  ԼՈՒՐԵՐ․com-ի հետ զրույցում Ներքին Խնձորեսկի ղեկավար Երվանդ Մալունցը հայտնեց, որ բնակիչը ճանապարհ է ընկել ձիով։
«Գյուղացի մարդիկ են, անասուններ ունեն, իրենց անասուններն ամեն տարի էլ տանում են Սիսիան համայնքի տարածքներում պահելու։ Էս տարի, որտեղ որ տանում  են, էնտեղ արոտավայրն անբարենպաստ ա եղել, առաջին անգամ են գնացել էդ ձորը՝ Նախիջևանի սահմանի վրա, ու  տեղյակ չեն եղել, որ դիմացի  պոստը Ադրբեջանինն է»,-ասաց ղեկավարը։

Մալունցի խոսքով՝  ամեն օր՝ ժամը 10-ի կողմերը, նրանք ձիով գնում են անասունների  հետևից․ «Սովորականի համաձայն՝ առավոտյան կովերը կթում են, բաց են թողնում, արոտին մի քիչ հանգստանում,  գործերն անում են, հետո ձիով գնում անասուններին բերելու։  Նարեկը գնացել է անասունի  հետևից ու էլ չի վերադարձել»,-պատմում է ղեկավարը։

Մալունցը նշում է, որ իրենք՝  Սիսիանի ոստիկանության բաժնի աշխատակիցների հետ, գյուղի երիտասարդների հետ, մինչ օրս փնտրում են Նարեկին․ «Որոնողական աշխատանքները իրականացնում ենք ձորում, որովհետև ձորը, որտեղ գտնվում է արոտավայրը, շատ խորն ու մեծ է` կիլոմետրերով է ձգվում»,-ընդգծեց Մալունցը։

«Եթե չեն գտնում, ապա կա՛մ ձիուց ա ընկել, կա՛մ ձիուն էլ, իրեն էլ կրակել են։ Բայց, եթե ձիուց ընկած լինի, մտածում ենք՝ որտեղ է ձին»,-ասաց ղեկավարը և հավելեց, որ հնարավոր է՝ ինչ-որ փոսի մեջ ընկած լինեն։

Ղեկավարը նշում է, որ չեն դադարեցնում որոնողական աշխատանքները, քանի որ Ադրբեջանից որևէ պաշտոնական հայտարարություն չկա․ «Իմ հսկողությամբ ամեն բան արվում է։  Այսօր առավոտից Խնձորեսկի երիտասարդները 4 մեքենայով դուրս են եկել Նարեկին փնտրելու։ ԱԻՆ-ը ևս որոնողական աշխատանքները չի դադարեցրել։ Ինչ կարողանում ենք՝ անում ենք»,-եզրափակեց ղեկավարը։

Նշենք, որ Նարեկ Ս․-ն չունի հոգեկան առողջության որևէ խնդիր։

Արփինե Հակոբյան

Այս թեմայով Արդեն անեկդոտ կա՝ ՀՀ-ի քարտեզ ես հարցնում, ասում ա՝ ո՞ր ամսվանը․ վախենում են Տավուշում գերի ընկնեն (տեսանյութ) Բաքվում Արցախի նախկին ղեկավարների հետ միասին 25 հաստատված գերի ունենք, բանակցում ենք այս մասով Մի վախեցեք հերոսներին հարգել ու մեծարել կենդանության օրոք, նրանցից ոմանք այսօր գերի են Բաքվում Ադրբեջանում պահվում է հաստատված 23 գերի, 17-ը գերեվարվել է ԼՂ-ի դեմ վերջին ագրեսիայի հետևանքով Որպես հիշեցում․ քանի դեռ այս մարդիկ թշնամու մոտ գերի են, կյանքը սովորական չպե՛տք է լինի երբեք. Սոս Հակոբյան «Հադրութում զինվորական էիք, էստեղ էլ կլինե՞ք». ՀՀ նախագահը այցելել է Ներքին Խնձորեսկ Իշխանությունը իրավունք չունի բանակցելու, քանի դեռ Բաքվի զնդաններում տառապում են մեր գերի-պատանդները Ադրբեջանի ողջ քարոզչությունը Ադրբեջանի բանտերում գերի ընկածների վերաբերյալ արժանահավատություն չունի Վարդանյանի կինը հաստատեց՝ նա ձերբակալվել և գերեվարվել է Միքոն կանգնեցնում է մեքենան, որ հետ գնա, երկու կողմից հակառակորդի նշանառության տակ են․ նռնակը ձեռքին՝ հետ է գնում, որ գերի չընկնի․ չավարտված պատերազմից մի կտոր