Ներգնա տուրիզմով զբաղվող ընկերությունները խնդիրներ ունեն․ «Ժողովուրդ»

«Ժողովուրդ» օրաթերթը գրում է․ «Հայաստանում ներգնա տուրիզմով զբաղվող ընկերությունները խնդիրներ ունեն՝ զբոսաշրջային վայրերում ճանապարհային եւ տեղեկատվական ցուցանակների հետ կապված: «Ժողովուրդ» օրաթերթը պարզեց, որ շատ կարեւոր զբոսաշրջային գրավչության օբյեկտների համար տեղադրված չեն համապատասխան նշաններ, ինչն այցելուների համար դժվար է դարձնում դրանք գտնելը եւ այցելելը: Ավելին, պարզվում է, որ մեծ թվով զբոսաշրջային արահետներ հիմնականում առանց ցուցանակների են: Խնդիր է նաեւ այն, որ հյուրանոցային տնտեսության եւ առեւտրային օբյեկտները հիմնականում տեղադրում են իրենց իսկ դիզայնով պատրաստված ցուցանակներ, որոնց համար թե՛ տեղական մարմինների եւ թե՛ ճանապարհների սպասարկման համար պատասխանատու մարմինների կողմից հիմնականում թույլտվություն չեն ստանում: Իսկ ՀՀ էկոնոմիկայի նախարարությունը որոշել է այս հարցին լուծում տալ. նախարարությունը նոր՝ զբոսաշրջային տեղեկատվական ցուցանակների չափանիշերը հաստատելու մասին որոշման նախագիծ է քննարկման դրել: Ըստ նախարարության՝ զբոսաշրջային տեղեկատվական ցուցանակները պետք է լինեն ճանաչելի, միջազգային ընդունված չափանիշերին համապատասխան եւ կարգավորեն դեպի այցելավայր շարժը։ Հայաստանում տեղադրվող ցուցանակները պետք է պարտադիր լինեն հայերեն եւ անգլերեն` ցուցանակի վրա տեղակայման առաջնահերթություն տալով պետական լեզվին: Ի դեպ, տեղեկացնենք, որ սա արդեն լրացուցիչ ֆինանսական բեռ կլինի ոչ միայն տնտեսվարողների, այլեւ համայնքների համար»:

Այս թեմայով Հայաստանն այն ուղղություններից է, ուր ռուսները գնալու են լոքդաունի ընթացքում. Forbes Life Հայաստանը հերթական անգամ նվաճեց մեզ իր ինքնատիպությամբ. ռուս դերասան Եվգենի Պրոնին Վերջին 10 տարին տուրիզմի զարգացման ոլորտում նշանակվում են մարդիկ, որոնք միայն սեփական տուրիստականների զարգացման համար են «վիզ դնում»․ Սամվել Սահակյան Քեմփինգ, ջիփինգ, ձիարշավ կամ պարզապես զբոսանք. արկածային տուրիզմի սիրահարներն Արտավանում չեն ձանձրանա Բացե՛ք սահմանները․ տուրիզմը փլուզումից փրկելու համար պետական աջակցություն է հարկավոր (տեսանյութ) Ներգնա տուրիզմում գները նվազում են․ «Ժողովուրդ» Ինչպես փրկել տուրիզմը և մնալ աշխարհի զբոսաշրջային քարտեզի վրա Մեկնարկում են ՀՀ շուրջ 50 տեսարժան վայրերի և հիմնական երթուղիների մաքրման աշխատանքները «Ժողովուրդ». Հայաստանում ներգնա զբոսաշրջային այցելությունները նվազել են