Աղասի Այվազյանն անտեսված է Նոր Հայաստանում․ արվեստագետի կնոջ ցանկությունն է տուն-թանգարան ստեղծել
Армянская пресса
«Ուզում եմ Աղասի Այվազյանի թանգարանային կենտրոնը ստեղծել, իսկ տարածք գնելու համար ստիպված եմ ամուսնուս նկարների մի մասը վաճառել։ Հուսամ բարերարները, մշակույթը գնահատող մարդիկ, օրինակ՝ Միքայել և Կարեն Վարդանյանները, անտարբեր չեն անցնի, կաջակցեն, նկարները կգնեն և ես կկարողանամ հրաշք ստեղծել, քանի որ Այվազյանը մեծ հարստություն է թողել՝ անհատական հավաքածուներ, գրադարան, նկարներ»,- ԼՈւՐԵՐ.com-ի թղթակցի հետ զրույցում իր մտահոգությունը հայտնեց հայ անվանի արձակագիր, դրամատուրգ, ռեժիսոր, գեղանկարիչ Աղասի Այվազյանի այրի Գրետա Վերդիյանը։
Նրա խոսքով՝ Աղասի Այվազյանն անտեսված է նաև Նոր Հայաստանում․ «Դպրոցական ծրագրերի մեջ ինչ անուն ասեք կա, բացի Աղասի Այվազյանից։ Գիտեն միայն «Եռանկյունի»-ն ու վերջ, բայց տեղյակ չեն, թե ի՞նչ մեծ արվեստագետ է Աղասին»,- ասաց Վերդիյանը։
Աղասի Այվազյանի այրին նշեց, որ դիմել է նաև այս իշխանության ներկայացուցիչներին, բայց կրկին՝ «ձայն բարբառո հանապատի»․ «Բաց նամակ եմ գրել ՀՀ վարչապետ Նիկոլ Փաշինյանին և Աննա Հակոբյանին, վերջինս զանգահարեց, զրուցեցինք, հանդիպել եմ նաև նախագահ Արմեն Սարգսյանին, որը խոստացել էր կնոջ հետ գալ, մտածել՝ ինչ կարելի է անել, բայց այդպես էլ ոչ ոք չարձագանքեց»,- նշեց նա։
Նշենք, որ դեռևս նախկին իշխանության ժամանակ զրուցել էինք Գրետա Վերդինյանի հետ՝ մտահոգությունը նույնն էր։ Փաստորեն տարիներ են անցել, բայց հարցը լուծում չի ստացել նաև այս իշխանության օրոք։
Самое популярное 
Международный день джаза в Ереване отметят праздничными концертами
