«Ժողովուրդ». Վարդան Ավետիսյանը չպետք է հասնի խորհրդարանի ամբիոնին

«Ժողովուրդ» օրաթերթը գրում է․ ««Ժողովուրդ» օրաթերթի տեղեկություններով՝ նախօրեին ԱԺ «Իմ քայլը» խմբակցության նիստը սակավաթիվ է եղել: Հայտնի է, որ իշխող խմբակցության հյուրը եղել է անվտանգության խորհրդի քարտուղար Արմեն Գրիգորյանը, որը ներկայացրել է անվտանգության ռազմավարությունը եւ այն փոփոխությունները, որոնք պետք է արվեն: Ըստ մեր տեղեկությունների՝ այդ հարցի հետ կապված քննարկումը կարճ է տեւել, եւ իշխանական պատգամավորները շատ հարցեր չեն ուղղել Գրիգորյանին: Ընդամենը մի քանի հարցեր են հնչել տարբեր երկրների հետ մեր փոխհարաբերությունների, լարվածության մասին, որին Արմեն Գրիգորյանը կարճ պատասխաններ է տվել: Այնուհետեւ՝ նիստի ժամանակ, իմքայլականները անցում են կատարել ՍԴ դատավորի թեկնածու Վահրամ Ավետիսյանի առաջադրման հարցին, որն, ի դեպ, առաջիկա օրերին պետք է ԱԺ «Իմ քայլը» խմբակցության հետ փակ հանդիպում ունենա, մի խումբ պատգամավորներ հայտարարել են, որ պետք է ամեն ինչ անել` Ավետիսյանը խորհրդարանի ամբիոնին չհասնի:

Ըստ մեր տեղեկությունների՝ իմքայլականները դժգոհ են Ավետիսյանից, ու հատկապես իր դժգոհությունն է հայտնում «Հայ ազգային կոնգրես»-ի թեւը, ու, նրանց կարծիքով, Ավետիսյանը ինքնակամ պետք է հրաժարվի եւ չգա խորհրդարան: Նույն աղբյուրների համաձայն՝ իմքայլականների շրջանում, բացառությամբ մի քանի հոգու, «մահակներով» սպասում են Ավետիսյանի հետ հանդիպմանը, որպեսզի ամեն գնով հասնեն նրան, որ Ավետիսյանը հայտարարի, թե ինքը չի ցանկանում կառավարության Սահմանադրական դատարանի դատավորի թեկնածուն լինել»:

Այս թեմայով Կառավարության ՍԴ դատավորի նոր թեկնածուն Էդգար Շաթիրյանն է․ հայտնի է «Իմ քայլի» հետ հանդիպման օրը Պատգամավորները գաղտնի քվեարկությամբ կարտահայտեն իրենց դիրքորոշումը. Մակունցը՝ ՍԴ դատավորի կայանալիք ընտրության մասին Արման Բաբաջանյանը տխրահռչակ է անվանել ՍԴ դատավորի թեկնածու Վահրամ Ավետիսյանին Վահրամ Ավետիսյանը ՍԴ դատավորի պաշտոնում ընտրվելու մասին համաձայնությունը հետ կանչելու դիմում է ներկայացրել «Հրապարակ». Հանդիպումն անցել է «Մարտեր՝ առանց կանոնների» ձեւաչափով «Ժողովուրդ». Վահրամ Ավետիսյանի և «Իմ քայլի» հանդիպումը լարված է անցել «Ժամանակ». Այսօր «Իմ քայլը» «հարցախեղդ» կանի Վահրամ Ավետիսյանին «Ժողովուրդ». ՍԴ դատավորի թեկնածուի առաջադրումը խառնաշփոթ է ստեղծել Քաղբանտարկյալների և Մարտի 1-ի զոհերի հարազատների երկրորդ հայտարարությունը` ընդդեմ ՍԴ դատավորի պաշտոնում Վահրամ Ավետիսյանի թեկնածության Ինձ համար պաշտոն զբաղեցնելը երբևէ ինքնանպատակ չի եղել. Վահրամ Ավետիսյան