Հայկ Մարությանի սիրտը «Ռաֆաելլո» եւ «Բելոչկա» է նախընտրում. քաղաքապետարանը 30 կգ շոկոլադ եւ 40 կգ էլ «պոպոք-պնդուկ» է գնել

Երեւանի քաղաքապետարանում նախընտրում են թանկարժեք շոկոլադներ ուտել: Գնումների armeps համակարգից ԼՈՒՐԵՐ.com-ը տեղեկացավ, որ մեկ ամիս առաջ քաղաքապետարանը բարձրորակ վեց-յոթ տեսակի 30 կիլոգրամ շոկոլադ է գնել: Միայն 10 կիլոգրամ տուփերով «Ռաֆաելլո» են գնել, մնացած 20 կիլոգրամը «Ալյոնկա», «Բելոչկա», «Միշկա», «Վեչերնի զվոն», «Կռասնայա շապչոկա» եւ «Վդախնավենի» տեսակի շոկոլադներ են: Շոկոլադների մեկ կլիոգրամի համար քաղաքապետարանը վճարել է 8888 դրամ, իսկ ընդհանուր արժեքը կազմել է 266 հազար դրամ: Պատվերի առաքման վերջանաժամկետն էլ սեպտեմբերի 30-ն է: Բացի այդ՝ քաղաքապետարանը նաեւ մեկ կլիոգրամ «Մոնարխ» տեսակի լուծվող սուրճ է գնել՝ մեկ կիլոգրամի համար վճարելով 39 հազար դրամ: Ընդհանուր վճարվել է 300 հազար դրամ: Սրանից զատ, քաղաքապետարանում նաեւ ընկուզեղենի ախորժակ ունեն: Այս տարի «պոպոք-պնդուկին» Հայկ Մարությանի ղեկավարած կառույցը վճարել է 360 հազար դրամ: Մեկ կիլոգրամը 9000 դրամով 40 կիլոգրամ ընկուզեղեն են գնել: Ութ կիլոգրամ սեւ սուրճի համար վճարել են 47 հազար դրամ, 7 հազար դրամի 20 կգ շաքարավազ են գնել եւ 6 հազար դրամի՝ 10 կգ շաքար: Շոկոլադը, սուրճի տեսականիները եւ «պոպոք-պնդուկը» քաղաքապետարանը գնել է «Բլամմո» ՍՊԸ-ից:

Ուշագրավ է, որ այս ՍՊԸ-ն, ըստ իրավաբանական անձանց պետական ռեգիստորի տվյալների, հիմնադրվել է 2019 թվականի նոյեմբերի 25-ին՝ այս իշխանության օրոք: Նույն աղբյուրի համաձայն՝ հիմնադիրը Մարտին Սարգսյանն է: Առավել ուշագրավ է նաեւ այն հանգամանքը, որ «Բլամմո» ՍՊԸ-ն 2020 թվականի հունիսի 30-ի դրությամբ ունի ընդամենը մեկ աշխատակից: Այս մասին տեղեկանում ենք զինապահովության «1000 դրամների» հիմնադրամին կատարված վճարումներից: ՍՊԸ-ն կատարել է ընդամենը 1000 դրամի վճարում:

Ի դեպ, այս ընկերության դեպքում նույնպես հնարավորություն տրված չէ նայելու նախորդ ամիսների վճարումները, ինչպես հնարավոր է մյուս ընկերությունների դեպքում: Ընդամենը ութ ամսվա գործունեության պատմություն ունեցող «Բլամմո» ՍՊԸ-ն, 2020 թվականից սկսած, միլիոնավոր դրամների ապրանքնատեսակներ է մատակարարում պետական այլ կառույցների եւս: Օրինակ՝ Ֆինանսների նախարարությունը 8 մլն 400 հազար դրամի շենքերի մաքրման ծառայություն է ձեռք բերել այս տարվա մարտին, քննչական կոմիտեն՝ 3,4 մլն դրամի գրասենյակային նյութեր, պետական վերահսկողական ծառայությունը՝ 1,4 մլն դրամի կենցաղային եւ տնտեսական ապրանքներ, վարչապետի աշխատակազմը՝ 2 մլն դրամի ծաղիկներ, պաշտպանության նախարարությունը գնել է 6 մլն դրամի մակարոն եւ այլն: Բացի այդ՝ «Բլամմո» ՍՊԸ-ն այլ պետական կառույցների եւս ծառայություն է մատուցել մինչեւ մեկ մլն դրամի շրջանականերում: Հետաքրքիր է՝ ինչպես է ստացվում, որ դեռ մեկ տարվա պատմություն չունեցող ՍՊԸ-ին պետական կառույցները միլիոնավոր դրամի գնումների պատվերներ են տալիս:

Այս թեմայով Երթի մասնակիցները հասնում են Աբովյանի քաղաքապետարան (տեսանյութ) Ողջաբերդ գետի հունի վերականգնումից հետո իրականացվում են մաքրման աշխատանքներ (տեսանյութ) Կկառուցվեն նոր հեղեղատար համակարգեր․ Երևանի քաղաքապետարան (տեսանյութ) Երևանում ավտոտնակներ են ապամոնտաժվել (տեսանյութ) «Կասկադը» վերջնական տեսք կստանա․ հողամասերը կդառնան հանրային ու կանաչ տարածքներ Երևանի քաղաքապետարանի աշխատակիցներն առգրավել են փողոցում վաճառվող ապրանքները (տեսանյութ) Ծառահատման դեմ բողոքի ակցիա Երևանում (տեսանյութ) Միայն Ավանում մոտ 10 հազար քառակուսի մետր տարածք է բացազատվել ապօրինի կառույցներից․ քաղաքապետարան (տեսանյութ) Իրավապահները փակել են դեպի Crocus City Hall տանող անցումը «Փոխարինվող ծառերը տնկվել էին 1930-ականներին». Երևանի քաղաքապետարան (տեսանյութ)