Ամուլսարում ժողովուրդը հասկացավ, որ իր հավատով ընտրված իշխանությունն անցավ ռուբիկոնը. Հակոբ Ճաղարյան

ՀՀ վարչապետի նախկին խորհրդական Հակոբ Ճաղարյանը ֆեյսբուքյան իր էջում անդրադարձել է Ամուլսարում տեղի ունեցող իրադարձություններին։

«Երեկ Նիկոլ Փաշինյանի կառավարությունն առաջին անգամ ուժ կիրառեց իր օրինական շահերի պաշտպանության համար ոտքի կանգնած «հպարտ քաղաքացիների» հանդեպ:

Որպես ինքնաբուխ ըմբոստության ակցիայի մասնակից, ասեմ` դա մեծագույն սխալ էր ու պարտված քայլ:

Տեղացիներն էլ, Հայաստանի տարբեր ծայրերից վրա հասած, նրանց կողքին կանգնած քաղաքացիներն էլ գիտակից են և կազմակերպված:

Չստացվեց իրականացնել ոչ մի սադրանք`

Ոստիկանական մի քանի հարձակումները ժողովուրդը դիմավորում էր ձեռքերը վեր բարձրացրած և «Ոստիկանը մերն է» գոչելով:

Տասնյակներով «Բերման ենթարկվողները» (տխմարագույն արտահայտություն), ձերբակալվողները, հանգիստ, առանց դիմադրության հետևում էին իրենցից ֆիզիկապես թույլ և հոգեպես ընկճված հաճախ միայնակ ոստիկանին, ու մտերմիկ զրույցի անցնում:

Մարդիկ տիրապետում են անհնազանդության բոլոր ձևերին ու գիտակցում իրենց իրավունքն ու գիտակցված իրավունքի ուժը:

Փաստորեն, երեկ Վայոց Ձորի ոստիկանությունը ուղղակի կատարում էր Ամուլսարում ամսից ավելի գտնվող անօրինական զինված բանդային, նրա ժողովրդից պաշտպանողի դերը:

Չաշխատեց նույնիսկ իրենց անպատժելի զգացող բանդիտների նախաձեռնած սադրանքը: Փորձեցին ծեծկռտուք ստեղծել, որի ընթացքում լկտիացած բանդիտները քաշքշեցին նույնիսկ ՎՁ ոստիկանապետին:
Ինչն էլ ավարտվեց պահնորդ անվանվող խաժամուժից երկուսի ձերբակալմամբ և պահպանվող տարածքից մինչև նրանց «տարման ենթարկելու» կետը վերը նշված, ահաբեկված ռեմբոների ուժեղացված պաշտպանությամբ: Քանի որ ժողովուրդը նրանց հանդեպ ունի համապատասխան վերաբերմունք, իր կանխատեսելի հետևանքներով:

Արդյունքում ստացվեց` ճանապարհի 2 կողմը զբաղեցրած, Մի քանի կիլոմետրանոց ավտոշարասյուն, որը կարողացել է ինքնակազմակերպմամբ ճանապարհ տալ բոլոր անցնող մեքենաներին:

Ով կասի` որ մի քանի հոգի են Ամուլսարի հանքահենության դեմ պայքարողներն ու կազմակերպվում կամ վճարվում են ինչ որ տեղից` թող նայի էս մի քանի ֆոտոներին: Ու հետո հետ դառնա իրենց 7 հոգանոց միտինգին կառավարության շենքի առաջ:

Ժողովուրդը հասկացավ, որ իր հավատով ու լեգիտիմությամբ ընտրված իշխանությունն անցավ Ռուբիկոնը:

Հորջորջվող 1,5 մլրդ հնարավոր արբիտրաժային տույժերի մասին էլ ժողովուրդն ունի իր կարծիքն ու իր հաշվարկները:
Մարդիկ բացահայտ հայտարարում են, որ Հյուսիսային պողոտայի համար տարհանվածներին վճարվող տույժերը ոչինչ են մի քաղաք ու մի քանի գյուղ տարհանվածների սպասվող պահանջների դիմաց: Ու որ ՄԻԵԴ տեղը իրենք էլ լավ գիտեն:

Կարծում եմ, հայտնություն չեմ անի, եթե ասեմ, որ էս ամբողջ տարածքն արդեն անմահ քայլողների ընտրազանգվածը չի:

Ու չմոռանամ` Միքայել Նազարյանը, ոնց որ միշտ, առաջին ձերբակալվածներից (բերման ենթարկվածներից) էր» , - գրել է Հակոբ Ճաղարյանը։ 

Այս թեմայով Փաշինյանի թիմակիցների մանիպուլյացիաները. Արթուր Ճաղարյան Հեղափոխական պաշտոնյաների աշխատանքի ՕԳԳ-ն. Արթուր Ճաղարյան Իջևանի ՔՊ-ական համայնքապետ Արթուր Ճաղարյանի ուշագրավ գնումները Բարձր տեխնոլոգիաների ոլորտը ռեկորդային ցուցանիշներ է գրանցել՝ ազդելով տնտեսական միջավայրի վրա. Հակոբ Արշակյան Մեղադրում եմ Նիկոլ Փաշինյանին՝ ծանր հետևանքներ ունեցող հանցավոր անգործության համար. Հակոբ Ճաղարյան Տեղի է ունեցել Արմինե Ճաղարյանի հոգեհանգստի արարողությունը (տեսանյութ) Հեռուստալրագրող Արմինե Ճաղարյանի մահվան դեպքի առթիվ քրեական գործ է հարուցվել «Նավակում 7 հոգով էինք». նոր մանրամասներ Արմինե Ճաղարյանի մահվան դեպքի մասին «Քո շնորհիվ երազանքս իրականացավ»․ Արմինե Ճաղարյանի ամուսնու գրառումը «ԽԾԲ»-ի մաստեր կլասս Իջևանում՝ ՔՊ-ական քաղաքապետի կատարմամբ