Պարո´ն պետություն, խնդրում եմ, քո ջուրը իմ տան տակից հանի´, իմ տունը վերականգնի´. Սարի թաղի բնակիչները բողոքում են

Սարի թաղի բնակիչներն այսօր բողոքի ակցիա են իրականացնում կառավարության շենքի դիմաց: Նրանք արդեն 15 տարի պայքարում են քանդված տների դիմաց փոխհատուցում ստանալու համար:

«Տասը տարուց ավել ա մեր տների տակով ընդերային ջրեր են գնում, տունը փլուզման եզրին ա, ու էդ տներում  ավելի քան քսան անչափահաս երեխեք են բնակվում: Հիմա տների հարցի վերաբերյալ խնդիր ունենք, մեզ հետ դիմում ենք բերել, որ տանք: Քաղաքապետարան դիմել ենք, Հայկ Մարությանը ասել ա՝ մենք ոչ մի բան չենք կարա անենք,  ցավում եմ. ցավալով ի՞նչ հարց ա լուծվում: Հիմա սպասում են, որ տները փլվե՞ն, մարդ մահանա՞, նոր ասեն՝ վայ էս ինչ եղա՞վ: 2009 թվականին մեր շենքի հետևի կողմի բնակիչներին տներ հատկացրեցին, հիմա էլ մենք ենք խնդրում, որ մեզ տներ տան, թե չէ տները կփլվեն, երեխեքը կմնան տակը»,- ասաց ցուցարար Վահրամ Ավդալյանը:

Սարի թաղի մեկ այլ բնակչուհի էլ ասաց, որ իր տան պատը արդեն 3ամիս է, ինչ քանդված է, տանն էլ 6 անչափահաս կա. «Ես իմ ուժերով ինչքան կարողացա վերանորոգեցի, բայց չի անցել դեռ երեք ամիս՝ նույն տեղից նույն փլուզումները լինում են: Ես ոչ մի աջակցություն չեմ ստացել ոչ մի տեղից, որ կարողանամ տունս նորից վերանորոգել, ես ի՞նչ անեմ, ու՞ր ուղարկեմ երեխեքիս, հնարավորություն չունեմ նոր տուն առնելու: Վարկեր եմ վերցրել տանս վերանորոգման համար: Նոր կառավարությանը չէի դիմել, որովհետև հույս չունեի, որ էս խնդիրը կլուծվեր, մինչև որ տունս չփլվեց»,- ասաց բնակչուհին:

«10-րդ հոդվածի 2-րդ կետում գրված ա, որ ընդերքն ու ջրային ռեսուրսները պատկանում են պետությանը: Պարո´ն պետություն, խնդրում եմ, քո ջուրը իմ տան տակից հանի´, իմ տունը վերականգնի´, էդքան բան եմ ուզում»,- ասաց տարեց ցուցարարը:

Այս թեմայով ՈՒՂԻՂ․ Արարատի, Վայոց Ձորի և Սյունիքի բնակիչները երթով գալիս են Հանրապետության հրապարակ «Տարօրինակ» ու կրեատիվ բողոքի ակցիա՝ Մոնումենտի կամրջի տակ. 1930-ականների հագուստով ցուցարարները բողոքում են. Ռուբեն Մելիքյան Բնակիչները միառժամանակ փակել են միջպետական 3 ճանապարհ` Օձուն-Ալավերդի և Բավրայի սահմանային անցակետի հատվածում. ապակենտրոն ակցիային մտադիր են միանալ վանաձորցիներն ու գյումրեցիները Ոսկեպարի եկեղեցու մոտ սակրավորներն ականներ են փնտրում, բնակիչները պահանջում են դադարեցնել (տեսանյութ) Կրակոցի ձայներ լսվեց. Ոսկեպարում վիճակը գերլարված է, բնակիչները փորձում են արգելել ականազերծումը (տեսանյութ) Նոյեմբերյանում բնակիչները միաձայն «տերունական աղոթքն են» արել (տեսանյութ) Բնակիչները փակել են Իջևան-Վրաստանի սահման ճանապարհը (տեսանյութ) Կիրանց գյուղի բնակիչները թույլ չեն տալիս սկսել ականազերծման աշխատանքները (տեսանյութ) Արցախի պողոտայի վթարային շենքի բնակիչները նոր բնակարաններ ունեն Հյուսիսային Ամերիկայի բնակիչները՝ արեգակի ամբողջական խավարման ականատես