Փաշինյանը հովանավորում է ապազգայնության արշավը. Շարմազանով

ՀՀԿ մամուլի խոսնակ Էդուարդ Շարմազանովը Ֆեյսբուքի իր էջում գրում է.

«Փաստորեն Տեր- Պետրոսյանը մերժում է Հայ եկեղեցու կողմից հաստատված հայոց բուն թվականը, իսկ Փաշինյանը հովանավորում է ապազգայնության արշավը:

Հայաստանում, իզմեր չունեցողների ապազգային քաղաքականության արդյունքում, տոտալ արշավ է ձեռնարկվել ազգային ու ավանդական արժեքների դեմ: «Սորոսական» ու իզմեր չունեցող իշխանավորների թիրախում են հայտնվել հայոց եկեղեցին, ընտանիքը, դպրոցը, ազգային հերոսները, մեր լեզուն, գրականությունն ու պատմությունը: Նախօրեին ,անդրադառնալով կրթական չափորոշիչների շուրջ ընթացող բանավեճին, Լ.Տեր-Պետրոսյանը նշել է թե հայ ժողովուրդը ավելի քան 2500 տարվա պետականության պատմություն ունի: Որպես ՀՊՄՀ Հայոց պատմության ամբիոնի դասախոս պնդում եմ, որ բանասիրության դոկտոր Լ.Տեր-Պետրոսյանի գնահատականը առնվազն թերի է և իրականության հետ աղերս չունի:Հավատարիմ մնալով «ազգային գաղափարախոսությունը կեղծ կատեգորիա է» թեզին` վերջինս մերժում է նաև Հայ եկեղեցու կողմից հաստատված պաշտոնական օրացույցն ու հայոց բուն թվականը: Ըստ մեր եկեղեցու `Հայոց բուն թվականը կամ հայոց պետականության պատմությունը սկիզբ է առնում Ք.ա. 2492 թ, երբ Հայկ Նահապետը հաղթեց Արևելքի տիրակալ Բելին: Ավելին. երբ առաջ է բերվում մեր պետականության հաստատման 2500 տարվա թեզը սա նշանակում է թե մինչև Երվանդունիների հարստությունը\Ք.ա. 6-րդ դար\ հայոց պետականություն գոյություն չի ունեցել, որն ակնհայտ սուտ է: Այս հակագիտական թեզի կողմնակիցները փաստացի հայկական չեն համարում թե Հայասան\Ք.ա. 15-13-րդ դարեր\ և թե Արմանին\ Ք.ա. 24-23րդ դարեր\: Նույն ժամանակ Փաշինյանի իշխանությունը նախաձեռնում է պատմության դասավանդման հակագիտական չափորոշիչների նախագծի կազմում, որը այս տեսքով ընդունելն ուղղակի խայտառակություն է: Եթե այս ամենին գումարենք նիկոլական պատգամավորների Հայկական լեռնաշխարհը Անատոլիա անվանելու և 2016-ի ապրիլյան պատերզմում մեր սպաների և զինվորների հերոսության ներառումըդասագրքերում ընդդիմանլու ջանքերը`պարզ է դառնում , որ գործ ունենք հայկականության և հայ ինքնության դեմ իրականացվող կազմակերպված արշավի հետ: Արթնացիր, հայ մարդ: Հայկը հաղթելու է Բելին»:

Այս թեմայով Կուտը չուտեք, միակ ելքը՝ պայքարն է. Էդուարդ Շարմազանով Նիկոլ, իսկ դու քո պարտականությունը կատարե՞լ ես. Շարմազանով Սորոսականներ ու նատօաթրքասերներ, հերիք չէ՞ պղտոր ջրում ձուկ բռնեք. Շարմազանով Հերիք է խորհրդարանական ընդդիմության վրա «բոչկա գլորեք», սկսեք Նիկոլին հեռացնելու գործընթացը. Շարմազանով Ադրբեջանի 5 կետերին համաձայնվել ես, հիմա եկել ԱԺ-ում ի՞նչ «լոլո» ես խոսում. Շարմազանով Հերիք է կեղծ մտահոգություն խաղաք․ Շարմազանովը՝ ԱԽՔ-ի հայտարարության մասին Պայքարը ոչ միայն շարունակվելու է, այլ նոր թափ է հավաքելու ու «կործանելու է նիկոլիզմի Կարթագենը. Շարմազանով Ձեզ հազար անգամ էլ ձայն տան՝ դուք պարտություն ու աղետ բերած կապիտուլյանտներ եք. Շարմազանով Պահանջում եմ՝ Փաշինյանը Պուտինի ներկայությամբ նշի, որ պատերազմը Շուշիի համար է եղել. Շարմազանով Քանի՞ «կոպեկ» արժեն երդմնակալությունն ու ձեր ծափահարությունները, եթե պետություն չլինի