Ում կյանքն է կտրուկ փոխել հեղափոխությունը

Հայաստանում 2018 թվականին տեղի ունեցած Թավշյա հեղափոխությունից հետո իշխանությունները փորձում էին մտնել աղքատ հեղափոխականների ամպլուայի մեջ և ցույց տալ, որ ժողովրդի ծոցից դուրս եկած նրա մի մասնիկն են: Սակայն, անցավ ընդամենը երկու տարի և արդեն իսկ պարզ է, որ աղքատ և հեղափոխական են մնացել միայն հպարտ քաղաքացիները, իսկ ահա պաշտոններ ստացած թավշյա չինովնիկների կյանքը զգալիորեն բարելավվել է: Այդ մասին վկայում են հենց իրենց ներկայացրած ֆինանսական հայտարարագրերը:

Դիցուք ՝ Լոռու մարզպետը հայտարարագրել է 4 անշարժ գույք՝ բնակարան, հասարակական նշանակության շինություն ու հողամաս Վանաձորում, ինչպես նաև մեկ բազմաբնակարան բնակելի շենքում` մեկից ավելի բնակարաններ, ոչ բնակելի և ընդհանուր օգտագործման տարածքներ ունեցող շինություն՝ Երևանի Կենտրոն վարչական շրջանում։ Անդրեյ Ղուկասյանը 2015-ին գնել է 2007 թ-ի արտադրության MERCEDES-BENZ մարդատար ավտոմեքենա։ Նրա կանխիկ դրամական միջոցները տարեսկբին կազմել են 8․7 մլն դրամ, տարեվերջին՝ 7 մլն դրամ։ Աշխատանքի վարձատրությունից և դրան հավասարեցված այլ վճարումներից եկամուտը կազմել է 11 մլն 149 հազար 713 դրամ: 

Կոտայքի արդեն նախկին մարզպետ, ներկայումս շրջակա միջավայրի նախարար Ռոմանոս Պետրոսյանը տարեսկզբին ունեցել է 2 բնակարան՝ Աբովյան քաղաքում և հողամաս` Կոտայքի մարզի Ակունք համայնքում։ 2019 թ-ի հոկտեմբերի 3-ին մարզպետը 51 մլն 357 հազար դրամ արժողությամբ բնակարան է գնել Երևանի Արաբկիր վարչական շրջանում:

 
Մամուլում վերջին օրերին համառորեն պտտվող տեղեկության համաձայն՝ ԱԺ փոխխոսնակ Ալեն Սիմոնյանը Եկմալյան 1/1 հասցեում ձեռք է բերել նոր բնակարան, որի համար վճարել է 320 հազար դոլար: 

Լենա Նազարյանը պատգամավոր դառնալուց հետո 27.2 մլն դրամով ձեռք է բերել բնակարան: 

Իմքայլական պատգամավոր Արսեն Ջուլֆալակյանի կինը՝ Հերմինե Ղազարյանը, համասեփականատեր է Խետաֆեի, Երևանի Կենտրոնի բնակարաններում և Գյումրիի հողամասում։ Ղազարյանը բանկում ունի 10.000 դոլարի և 2 միլիոն դրամի չափով ավանդ։ 

«Իմ քայլի» մեկ այլ պատգամավոր Համազասպ Դանիելյանի հայտարարագիրը նույնպես ուշագրավ է: 2018-ի հայտարարագրում պատգամավորը ներկայացրել է երեք բնակարան, որոնց հասցեները` ըստ նախորդ կանոնակարգի, նշված չեն եղել, այս հայտարարագրում պատգամավորը նշել է հինգ բնակարան, որից միայն Բաթումիում երկրորդ բնակարանն է ձեռք բերել 2019-ին, չորրորդ բնակարանի մասին նախորդ հայտարարագրում լուր չի եղել: 

2018-ի հոկտեմբերից Երեւանի քաղաքապետի պաշտոնը զբաղեցնող Հայկ Մարությանի կինը՝ Իվա Մարությանը, անցյալ տարի 3 միավոր անշարժ գույք է ձեռք բերել Չեխիայի Կուտնա Հորա քաղաքում: 

Հայաստանի Հանրապետության տնտեսական մրցակցության պաշտպանության պետական հանձնաժողովի անդամ Հայկ Կարապետյանը 2019-ին 13 հազար դոլար արժողությամբ VOLKSWAGEN մակնիշի ավտոմեքենա է ձեռք բերել: 

ՀՀ ՊԵԿ միջազգային համագործակցության վարչության մաքսային համագործակցության բաժնի գլխավոր մաքսային տեսուչ Աննա Մուրադյանը 2018-ին գնել է բնակարան Երևանի Աջափնյակ վարչական շրջանում: 

«Իմ քայլը» խմբակցության պատգամավոր Աննա Կարապետյանը 2018-ին բնակարան է ձեռք բերել Արաբկիր վարչական շրջանում: 

Պատգամավոր Արեն Մկրտչյանը 2019-ին  5,890,000.00 ՀՀ դրամով ձեռք է բերել MAZDA մակնիշի ավտոմեքենա: 

 
Արմեն Փամբուխչյանը 2019-ին 1,000,000.00 ՀՀ դրամով ձեռբ է բերել AUDI մակնիշի ավտոմեքենա: 

Պատգամավոր Արուսյակ Ջուլհակյանը 2018-ին 8,060.26 ԱՄՆ դոլարի պարտատոմս է ձեռք բերել: 

Պատգամավոր Գայանե Աբրահամյանը 2019-ին 3,000.00 ԱՄՆ դոլարով ձեռք է բերել MAZDA մակնիշի ավտոմեքենա: 

Գևորգ Պապոյանը 6,100.00 ԱՄՆ դոլարով 2019-ին ձեռք է բերել HYUNDAI մակնիշի ավտոմեքենա: 

Պատգամավոր Կարեն Սարուխանյանը 2019-ին 2,500,000.00 ՀՀ դրամով ձեռք է բերել MERCEDES-BENZ մակնիշի ավտոմեքենա: 

«Իմ քայլից» մեկ այլ պատգամավոր Հայկ Կոնջորյանն էլ 2018-ին Նոր Նորքում բնակարան է ձեռք բերել, իսկ 2019-ին 3,200,000.00 ՀՀ դրամով գնել HYUNDAI ավտոմեքենա: 

Պատգամավոր Հերիքնազ Տիգրանյանն էլ անշարժ գույք է ձեռք բերել 2019-ին՝ Արաբկիր վարչական շրջանում: 

Եվ սա սոցիալական ծանր բեռի տակ կքած, աղքատությունը ուղեղում հաղթահարելուն դատապարտված շարքային քաղաքացիների խնդիրների ֆոնին, երբ օրվա հաց գտնելը դարձել է անլուծելի հարց շատերի համար, իսկ նույն թավշյա պաշտոնյաները մատը մատին էլ չեն խփում ժողովրդի բեռը թեթևացնելու համար: Այն նույն ժողովրդի, որի օգնությամբ եկան իշխանության` խոստանալով լավ ապագա: Ինչպես երևում է, լավ ապագան թավշյա պաշտոնյաները հաջողացնում են ապահովել միայն իրենք իրենց համար, և արդեն իսկ պարզ է, թե ում կյանքն է իրականում փոխել 2018 թվականին տեղի ունեցած Թավշյա հեղափոխությունը...

Այս թեմայով Աստվածաշունչն ասում է՝ «ամեն իշխանությունն Աստծուց է»․ Փաշինյան (տեսանյութ) Զինվորն ի՞նչ գործ ունի սահմանին կանգնած․ Փաշինյան (տեսանյութ) Լեգիտիմությունն ավելի լավ երաշխավոր է, քան լավ երաշխավորը. Նիկոլ Փաշինյան (տեսանյութ) Ի՞նչ գործընթաց է սպասվում մոտակա օրերին Կիրանցում. Փաշինյանը մանրամասներ է ներկայացրել (տեսանյութ) Եթե Կիրանցի դպրոցն ադրբեջանցիների համար երևալը խնդիր է, կարող ենք ծառ տնկել, պատ կառուցել․ Փաշինյան (տեսանյութ) Կարող է մեր ինքնիշխան տարածքից դիրք դուրս գալ, որովհետև ՊՆ-ն այդ գծի վրա այլևս ծառայություն չի իրականացնելու. Փաշինյան (տեսանյութ) Որո՞նք են երաշխիքները, որ 4 գյուղերն ստանալուց հետո Ադրբեջանը նոր պահանջներ չի ներկայացնի. հարց՝ Փաշինյանին (տեսանյութ) Փաշինյանը ներկայացրել է՝ ինչ փուլերով են անցկացվելու սահմանազատման գործընթացի քայլերը (տեսանյութ) Կադաստրի կոմիտեն այդ փաստաթղթերը գաղտնիության սկզբունքով տրամադրել է ՊՆ-ին. Փաշինյան (տեսանյութ) Առաջիկա տարիները մեր պետության համար վճռորոշ նշանակություն ունեն․ Փաշինյան (տեսանյութ)