«Լիդիանի» վագոն-տնակների տեղաշարժումը ապօրինություն էր. հայտարարություն

«Լիդիան Արմենիա» ընկերությունը հայտարարություն է տարածել, որը ներկայացնում ենք ստորև.

«Օգոստոսի 7-ին «Լիդիանի» օրինական վարձակալած տարածքից մի քանի մետր տեղաշարժվեցին օրինական տեղակայված «Լիդիանի» շարժական տնակները։ Սա Ամուլսարի տարածքում տեղի ունեցած հերթական ապօրինի գործողությունն էր։ Ոստիկանությունը օրենքի և օրինականության պաշտպանի իր գործառույթը ստորադասում է նախորդ օրերին մի քանի տասնյակ ակտիվիստների մասնակցությամբ աղմուկին ու մանիպուլյացիային։

Նույն օրը տարածքից հեռացվեցին նաև երկու տարի ապօրինի կերպով ճանապարհները փակող մի խումբ անձանց վագոն-տնակները, սակայն, միևնույն է, դա չի վերականգնում ընկերության` խախտված իրավունքները։ Այս պահին տարածքում ընթանում են մաքրման, գույքագրման և այլ վերականգնողական աշխատանքներ, որոնք պարբերաբար խոչընդոտվում են ապօրինություն իրականացնող խմբավորման կողմից:

Իրավապահ համակարգը պարտավոր է պաշտպանել համայնքի և օրենքի շահերը։ Մինչդեռ համայնքը արդեն տևական ժամանակ սպասում է խնդրի հանգուցալուծմանը՝ հուսալով, որ վերջապես կկարողանան վերադառնալ իրենց արժանապատիվ աշխատանքին։ «Լիդիանը» օրենքով իրեն վերապահված շրջանակներում ամեն ինչ անելու է օրինական աշխատատեղերը վերակագնելու ուղղությամբ՝ համայնքներից աշխատուժ ներգրավելով։

Կոչ ենք անում իրավապահ մարմիններին տարածքում վերականգնել օրենքը եւ օրինականությունը։

Կցված տեսանյութով ներկայացնում ենք Ամուլսարի տարածքում ընթացքող մաքրման եւ գույքագրման աշխատանքները, որոնք իրականացվում են նաև համայնքների բնակիչների մասնակցությամբ»։

Այս թեմայով Ամուլսարի ոսկու հանքը, ենթադրաբար, կսկսի շահագործվել կամ այս տարեվերջին կամ 2025 թվականի սկզբին. Թունյան «Լիդիան Արմենիա» ընկերությունը բաժնետոմսերի մի մասը կնվիրաբերի՞ Հայաստանին, թե՞ ոչ․ ինչու է չեղարկվել գործարքը Կառավարությունը «փայ» կստանա Ամուլսարից. «Լիդիան Արմենիա»-ի բաժնետոմսերի 12.5%-ը կանցնի գործադիրին Դեսպան Քվինը Ջերմուկ համայնքի ղեկավարի հետ այցելեց Ամուլսար Լիդիան Արմենիայի հայց կա ներկայացված ձեզ, ի՞նչ ակնկալենք․ Մինասյանը՝ Եղիշե Կիրակոսյանին «Լիդիան Արմենիա»-ի հետ ստորագրվեց եռակողմ փոխըմբռնման հուշագիր Նախկին ՀՀԿ-ականի որդին կօգնի Փաշինյանին վերագործարկել Ամուլսարը «Լիդիան Արմենիան» Ամուլսարի ծրագիրը վաճառելու պայմանավորվածություն չունի․ հերքում «Լիդիան Արմենիա» ընկերությունը պատրաստվում է վաճառել Ամուլսարի հանքի շահագործման իրավունքը Հերթական «ծանր» որոշումը. ինչը՞ կփրկի ՀՀ տնտեսությունը` ըստ Փաշինյանի