Ալյումինե դռներ, ջահեր, մալուխ և սպասքի պարագաներ․ Գողություն՝ Նորատուսի չգործող ռեստորանից

Ոստիկանության Գեղարքունիքի մարզային վարչության և Գավառի բաժնի ծառայողները օգոստոսի 19-ին օպերատիվ տեղեկություններ էին ստացել, որ Նորատուս գյուղի Բարեկամություն թաղամասի չգործող ռեստորանի շենքում գողություն է կատարվում:
Իրավապահները մեկնել էին դեպքի վայր: Մի խումբ անձինք, որ ռեստորանի տարածքից գողություն էին անում, տեսնելով ոստիկանության ծառայողներին՝ դիմել էին փախուստի:
Ոստիկանները հետապնդել, բռնել և, գողություն կատարելու կասկածանքով, Գավառի բաժին բերման էին ենթարկել Վանաձորի 38-ամյա մի բնակչի: Մյուսները կարողացել էին փախչել: Բայց պատասխանատվությունից խուսափել չէր հաջողվել:
Ոստիկանության Գեղարքունիքի մարզային վարչության և Գավառի բաժնի ծառայողների համատեղ միջոցառումների շնորհիվ պարզվեց, որ Նորատուս գյուղի Բարեկամության թաղամասի չգործող ռեստորանից 38-ամյա տղամարդու հետ գողության փորձն արել են չորս երիտասարդ:
Նրանք ժամեր անց հայտնաբերվեցին և բերման ենթարկվեցին ոստիկանության Գավառի բաժին:
Կասկածվողները տվել են խոստովանական բացատրություն:
Նյութերի նախապատրաստման ընթացքում պարզվել է, որ օգոստոսի 10-ից 19-ն ընկած ժամանակահատվածում նրանք նույն ռեստորանից գողացել են ալյումինե դռներ, ջահեր, մալուխ և սպասքի պարագաներ:
Տուժողից ընդունվել է հաղորդում:
Ձեռնարկվում են միջոցառումներ՝ գողոնը հայտնաբերելու ուղղությամբ:
Նախապատրաստվում են նյութեր:

Այս թեմայով Արցախի Մարտակերտի շրջանի ոստիկանության բաժնի պետը կասկածվում են անձնական ունեցվածքի գողություն կատարելու մեջ Հայտնաբերվել է 36 կգ ոսկի ու մի քանի մլրդ դրամ գողություն կատարող կասկածյալներից մեկը Բնակարանային գողություն Մարալիկում. Անիի ոստիկանների բացահայտումը Գեղեցկության սրահից գողություն կատարած երիտասարդները հայտնաբերվել են Որդիների հետ գողություն էին արել երկաթգծի տարածքից՝ պատճառելով 1 միլիոնից ավելի վնաս Որդիների հետ գողություն էին արել երկաթգծի տարածքից՝ պատճառելով 1 միլիոնից ավելի վնաս Դիտահորի կափարիչների գողություն Առինջ գյուղում. Կոտայքի ոստիկանների բացահայտումը Երևանում թալանել են հիվանդին օգնության մեկնող բժշկին՝ շտապօգնության մեքենայից կատարելով գողություն «Բուրգեր Քինգը» մտադիր է բլոգերին դատարանի միջոցով ստիպել 40 ժամ աշխատել իրենց խոհանոցում Երևանում ռեստորան են թալանել․ Shamshyan