Մի խումբ մարդիկ բնապահպանության քողի ներքո կարող են ձախողել հսկայական ներդրումներ

Հայաստանի հանքագործների և մետալուրգների միությունը հայտարարություն է տարածել, որում մասնավորապես ասված է․ 

Ամենատարբեր խմբերի կողմից հետևողականորեն փորձ է  արվում այլևայլ պատճառաբանություններով տապալել կամ խափանել այս կամ այն հանքարդյունաբերական ընկերության բնականոն գործունեությունը: Ստեղծվել է մի իրավիճակ, երբ մի խումբ մարդիկ բնապահպանության քողի ներքո անհիմն մեղադրանքներով  կարող են ձախողել հսկայական ներդրումներ և հարյուրավոր աշխատատեղեր ապահովող ընկերությունների բնականոն գործունեությունը։ 

Վերջին դեպքը Գեղամասար խոշորացված համայնքի մի խումբ բնակիչների  Վարդենիս-Քարվաճառ միջպետական ճանապարհը փակելու ակցիան էր։ Արդեն 2 տարի շրջափակված են Ամուլսարի հանքավայր տանող ճանապարհները, նույն պատկերն է Ախթալայի ԼՀԿ-ում և այլուր: Պարբերական են ոլորտի վերաբերյալ տարածվող կեղծիքներն ու զրպարտանքները։

Ժամանակն է քայլեր ձեռնարկել և թույլ չտալ, որ ապօրինությունների այս վարակը՝ տարածվելով վերածվի  հանքարդյունաբերության ոլորտի գործունեության ձախողման անկառավարելի ու վտանգավոր միջոցի, որի հետևանքները կարող են  անդառնալի լինել երկրի տնտեսության համար:

Միայն այն փաստը, որ վերջին կես  տարվա ցուցանիշներով ոլորտի արդյունահանման ծավալները աճել են մոտ 30%-ով,  իսկ արտահանումը կազմում է երկրի ընդհանուր արտահանման ծավալների 34%-ը, իր վրա է կրում երկրի խոշոր հարկատուների վճարած հարկային բեռի գրեթե 10%-ը,  ուղղակի աշխատատեղով է ապահովում ավելի քան 10 հազար մարդու (հարակից ոլորտների ներգրավվածությամբ՝ գրեթե 60 հազար) պետք է սթափեցնի իր երկրի համար մտահոգ ցանկացած մարդու, որովհետև սա նշանակում է, որ հատկապես  ճգնաժամային իրավիճակներում տնտեսության միակ ամուր հենարանը մնում է հանքարդյունաբերությունը:

Այս հարթակը հնարավորություն է տալիս կառավարությանը, քաղաքացիական հասարակությանը, ինչպես նաև հանքարդյունաբերողներին՝ բոլոր խնդիրները, մտահոգող հարցերը լուծել կառուցողական մթնոլորտում և խստագույնս օրենքի  շրջանակներում։ Չի կարելի թույլ տալ, որ առանձին խմբեր՝ առաջնորդվելով  իրենց ունեցած գիտելիքներով, կասկածներով կամ ուղղակիորեն ուղղորդվելով  այլևայլ շահերով, ապօրինաբար ազդեն պետական բյուջեի եկամուտների և հազարավոր մարդկանց գոյատևման համար կենսական նշանակություն ունեցող ընկերությունների բնականոն գործունեության վրա։

Կոչ ենք անում և պահանջում ենք  վերջ տալ ոլորտի հանդեպ անպատասխանատու  մոտեցումների նկատմամբ անվճռական արձագանքին, կանխել «բնապահպանական մտահոգությունների» անվան տակ հակաօրինականության տարբեր դրսևորումները և  բնապահպանական իրական կամ ենթադրյալ խնդիրներին լուծում տալ պատկան մարմինների միջոցով՝ օրենքի շրջանակներում։

Հանքարդյունաբերությունը հանցագործություն չէ, այն հարստություն է, որը  պետք է կառավարել խելամտորեն, հաշվարկված և գրագետ՝ կորզելով հնարավոր  օգուտները և չեզոքացնելով հնարավոր  վտանգները, այնպես, ինչպես դա արվում է  բազմաթիվ բարեկեցիկ, զարգացած և բնապահպանական առումով  նդօրինակելի երկրներում։

Կոչ ենք անում ՀՀ կառավարությանը. անսալ մասնագիտական հանրույթի խոսքին և  տուրք չտալ երկրի տնտեսությունը սնող աղբյուրը պղտորողների անհիմն  պահանջներին»:

Այս թեմայով Ամուլսարի ոսկու հանքը, ենթադրաբար, կսկսի շահագործվել կամ այս տարեվերջին կամ 2025 թվականի սկզբին. Թունյան Դեսպան Քվինը Ջերմուկ համայնքի ղեկավարի հետ այցելեց Ամուլսար Ադրբեջանի «բնապահպան ակտիվիստները» մարդասիրական բեռների ստուգման իրավունք են վերապահել․ Մարուքյան Նախկին ՀՀԿ-ականի որդին կօգնի Փաշինյանին վերագործարկել Ամուլսարը «Լիդիան Արմենիան» Ամուլսարի ծրագիրը վաճառելու պայմանավորվածություն չունի․ հերքում Հերթական «ծանր» որոշումը. ինչը՞ կփրկի ՀՀ տնտեսությունը` ըստ Փաշինյանի Ամուլսարը կփրկի՞ Նիկոլ Փաշինյանին Հերթական ստվերային գործարքը. ի՞նչ որոշում են կայացրել իշխանությունները Ո՞ւր են բնապահպան ակտիվիստները․ Լիլիթ Գալստյանը՝ Սևանա լճին վերաբերող օրենքի մասին Վարչական վերաքննիչ դատարանը բավարարել է վերաքննիչ բողոքը Ամուլսարի գործով