Սինանյանը վարկաբեկում է Հայաստանը. նա անփորձ քաղաքական գործիչ է. Պապյան

Ցավն այն է, որ Զարեհ Սինանյանը չի ունեցել միջազգային հարաբերությունների գործունեության որևէ փորձ և դրա հետևանքով պարբերաբար սխալներ է թույլ տալիս: Այս մասին ԼՈՒՐԵՐ.com-ի հետ զրույցում ասաց պատմաբան, դիվանագետ և քաղաքագետ Արա Պապյանը՝ անդրադառնալով սփյուռքի գործերի գլխավոր հանձնակատար Զարեհ Սինանյանի այն հայտարարությանը, թե աճող, հզոր պետությունները երբեք միատար չեն ու միշտ հզորանում են այլ ազգերին իրենց մեջ ուծացնելու հաշվին, և, որ նման կերպ են առաջնորդվել նաև հայ թագավորները:

«Իր ողջ փորձը ամերիկյան փոքր քաղաքներում տնտեսական կառավարման փորձ է եղել: Երբ դու միջազգային հարաբերությունների մեջ ես լինում, դու աստիճանաբար վարժվում ես, և մտքերդ պետք է ճիշտ ձևակերպես: Վերջին երկու հարցազրույցներին Սինանյանն այնպիսի ձևակերպումներ արեց, որոնք երկիմաստ էին, և կարող էին հասարակության տարբեր խմբերի համար ոչ ընդունելի լինել, մինչև իսկ՝ վիրավորական: Եթե խոսքը վերաբերում է այն բանին, որ թող գան օտարազգի ներկայացուցիչներ, ու մենք իրենց այստեղ կուծացնենք, ապա անընդունելի ձևակերպում է»,- ասաց Պապյանը:

Քաղաքագետը կարծում է՝ Սինանյանի հայտարությունը չի չեզոքացնի Հայաստան-Ճապոնիա շփման թույլ օղակը, պարզապես նման արտահայտությունները տհաճ նստվածք են թողնում:

«Ինչ վերաբերում է ճապոնացիների ծագումնաբանությանը ասեմ, որ դա բարդ, գիտական հարց է և բնավ կարիք չկա, որ նման պաշտոնյան մտնի այդ դաշտ: Այստեղ խնդիրն այն է, որ սփյուռքի հանձնակատարը պիտի հստակ ուղենիշներ ու քաղաքականություն իրականացնի: Մենք տեսնում ենք՝ բավականին վիճելի հայտարարություններ և նաև գործունեություններ, հաճախ՝ ոչ թափանցիկ: Օրինակ, «իԳործ» ծրագրի համար, որը սփյուռքահայ մասնագետներին հրավիրում է աշխատելու Հայաստանի պետական մարմիններում, մեր պետությունը ահագին գումար է ծախսելու և պիտի իմանանք՝  ովքեր են գալիս, ինչպիսի մասնագիտական հմտություններ ունեն նրանք և, եթե Հայաստանի հարկատուն միլիոնավոր դրամների ծախս պիտի անի ծրագիրը իրականացնելու համար, մենք ինչ իմանանք՝ արդյունքը ինչպիսին է լինելու. դրանք պետք է լինեն հստակ և թափանցիկ գործընթացներ»,- մտահոգված է դիվանագետը:

Հարցին, թե Սինանյանը իր արած արտահայտություններով արդյո՞ք նկատի ուներ, որ մեր պետական քաղաքականությունը հզորացնելու համար եզդիների ազգային մշակույթը վերանալու է, Պապյանը պատասխանեց. «Ոչ, պարզապես որպես անփորձ քաղաքական գործիչ է, երևույթներին մոտենում է միայն մի կողմից և չի կարողնում ըմբռնել իր խոսքերի բազմազան դրսևորումները և հասցեատերերին»:

Ներողություն խնդրելու առումով՝ Պապյանը նշեց՝ Սինանյանը կարող է ասել, որ խոսքը եզդիների մասին չէր. «Այստեղ վարկաբեկվում է Հայաստանի քաղաքականությունը, որովհետև եզդիներից ավելի փոքրաթիվ այլազգի ներկայացուցիչներ կան, և դրանով հանդերձ մենք ունենք ընտրական օրենսգրքի մեջ ամրագրված կետեր»:

Անելով ուծացման մասին հայտարարություն՝ պետք էր մտածել, որ դա իրականությանը չի համապատասխանում: Հայաստանում մենք երբևէ նման քաղաքականություն չենք իրականացրել և չենք իրականացնում, և անհիմն հղում կատարելով Տիգրան Մեծին՝ վիրավորական է, որովհետև այն, ինչ եղել է 2000 տարի առաջ և հիմա, տարբեր բաներ են, հատկապես, որ չգիտենք, թե իրականում ինչ է եղել այն ժամանակ, ունենք սահմանափակ տեղեկություններ, որոնք հաղորդվել են ժամանակի աղբյուրներից»,- եզրափակեց քաղաքագետը:

Արփինե Հակոբյան

Այս թեմայով Քննարկվել են Հայաստան-Սիրիա միջխորհրդարանական հարաբերությունների ընդլայնման հեռանկարները Ադրբեջանից կներկրվի գազը, Թուրքմենստանից, թե Եգիպտոսից, միևնույն է՝ երկրի ներսում սակագնային քաղաքականություն թելադրողը հենց «Գազպրոմն» է լինելու․ Դավթյան Քննարկվել են Հայաստան-Չեխիա ռազմատեխնիկական համագործակցության ընթացքը և զարգացման հեռանկարները 24.04.2024-ից թող սկսվի Հայաստան-Արցախի վերածննդի հետհաշվարկը․ ես հավատում եմ. Նազենի Հովհաննիսյան Հայաստան-Ադրբեջան պետական սահմանի Տավուշ-Ղազախ հատվածում տեղադրվել է առաջին սահմանային սյունը Հայաստան-Ադրբեջան շփման գծի որևէ փոփոխություն այսօր չի նախատեսվում. ՀՀ ԱԱԾ Տարածաշրջանում կայունությունը մեծապես կախված է Հայաստանի և Ադրբեջանի խաղաղության պայմանագրի ստորագրման հեռանկարներից. ՀԱՊԿ գլխավոր քարտուղար Մեկնարկել է Ֆրանսիա-Հայաստան բարեկամության խմբի նախագահի գլխավորած պատվիրակության այցը Հայաստան «Փոքր ազգ» ղեկավարող ՀՀՇ-ական ռեժիմը լավ հավեսով թաթախվում էր մեծ հավակնությունների մեջ, որոնք հակաթուրքական չէին, ընդհակառակը՝ պրոթուրքական էին. քաղաքագետ Չորս գյուղ իրական Հայաստանից դարձավ պատմական Հայաստան․ պատմաբան