Նվիրում աշխատանքին՝ կարմիր դիպլոմի փոխարեն․ հաջողության բանաձև Skill-ի կողմից

Մարտարհավերները միավորում են բիզնեսն ու հասարակությունը։ ՀՀ Մարդկային Ռեսուրսների ասոցիացիան Ֆիլիպ Մորրիս Արմենիայի հետ համատեղ մեկնարկել են  «Աշխատող ԳործON»հետաքրքիր ու արդյունավետ մի ծրագիր, որի նպատակն է կորոնավիրուսի հետևանքով աշխատանքը կորցրած քաղաքացիներին աջակցելը։ Ծրագրի շուրջ միավորվել են ՀՀ լավագույն ընկերությունները՝ առաջարկելով անվճար մասնագիտական վերապատրաստում, վարպետաց դասեր, պրակտիկա կամ աշխատանք։ Գործընկերներից մեկն է կրթական միջոցառումների ոլորտում հայտնի Skill-ը, որը զբաղվում է կրթական միջոցառումների և մասնագիտական դասընթացների կազմակերպմամբ և առաջխաղացմամբ։ Ավելի մանրամասն այն մասին՝ ինչով է զբաղվում Skill—ը ու ինչպես է աջակցելու կորոնավիրուսի հետևանքով տուժած քաղաքացիներին, կարդացեք հոդվածում։

 Միջոցառու՞մ․ ուրեմն, Skill.

Քչերը գիտեն, որ Skill- ի թիմի 6 անդամները միասին ունեն 7️ կարմիր դիպլոմ, բայց նրանցից 3-ն ունի 0️ կարմիր դիպլոմ։ Այդուհանդերձ Skill-ի և ոչ մի աշխատակցից երբեք դիպլոմի առկայություն չի պահանջվել։ Երբ ունես ազատություն ու զբաղվում ես սիրելի գործով, փորձն ու գիտելիքը գալիս են՝ որպես հաճելի հետևանք։

Skill-ը մասնագիտացած է օֆլայն և օնլայն բիզնես միջոցառումների կազմակերպման, ինչպես նաև կորպորատիվ ուսուցման և մասնագիտական դասընթացների կազմակերպման ոլորտում:

2017թ.-ից Skill.am-ն իր գործունեությունը սկսել է միջոցառումների կազմակերպման ոլորտում՝ նախաձեռնելով «WORLD’S TOP SPEAKERS IN ARMENIA» նախագիծը:

Skillrocks կրթական հարթակի ներքո ընկերությունը 2017թ․-ից զբաղվում է կորպորատիվ կրթության  կազմակերպմամբ՝ համագործակցելով ընկերությունների ղեկավարների և HR ստորաբաժանումների հետ , ինչպես նաև մասնագիտական դասընթացների կազմակերպմամբ ու առաջխաղացմամբ։

Skill-ի նախաձեռնությունները բազմաթիվ են ու հայտնի ՀՀ կրթական միտումներին հետևող շատ քաղաքացիների․ բավարար է հիշել Skillbattle միջոցառումների շարքը, «Digital Marketing Friday Conference #DMFC» օնլայն կոնֆերանսների շարքը և մի շարք այլ նախագծեր։

  Արի՛ Skill ու բացահայտիր քո աշխատող ԳործON-ը․

«Աշխատող ԳործON» նախագծի մասնակիցները հնարավորություն կունենան բացահայտել միջոցառումների կազմակերպման ներքին խոհանոցը՝ միանալով Skill—ի կողմից անցկացվող «Event Manager-ի մասնագիտության առանձնահատկությունները» վեբինարին։ Կքննարկվեն միջոցառումների տեսակները, event manager-ի մասնագիտության առանձնահատկությունները և այն ամենն, ինչ հարկավոր է իմանալ ոլորտում հաջողելու համար: Մասնակցությունն անվճար է․ բավարար է միայն գրանցվել այստեղ։

Բացի այդ, Skill-ը տալիս է պրակտիկ գիտելիքներ ձեռք բերելու բացառիկ հնարավորություն․ գրանցվելով «Աշխատող ԳործON» նախագծին՝ մասնակիցները հնարավորություն կստանան Skill-ում անցնել event  project manager-ի փորձաշրջան, որի շրջանակներում՝

- ընկերության մասնագետները կկիսվեն իրենց գիտելիքներով և հմտություններով

- մասնակիցը կծանոթանա event project manager-ի մասնագիտության ողջ գործիքակազմին

- մասնակիցը կունենա հնարավորություն գործնականում կիրառել ստացված գիտելիքները և մասնակցել իրական միջոցառումների կազմակերպման աշխատանքներին

Փորձաշրջանի մանրամասները կքննարկվեն սեպտեմբերի 10-ին՝ վեբինարից հետո։

Փորձաշրջանը՝ դուռ դեպի ընկերության արժեքները․

Skill ընկերության հիմնադիր Սերգեյ Ուսնունցը, մեկնաբանելով ընկերության մասնակցությունը «Աշխատող ԳործON» նախագծին, նկարագրում է բոլոր գործարարներին քաջ հայտնի իրավիճակ։

«Հաճախ է պատահում, որ մարդկանց աշխատանքի ընդունելիս կենտրոնանում ենք նրանց ունեցած գիտելիքների, հմտությունների վրա, քանի որ ի սկզբանե մեր առջև խնդիր է դրված ընտրել աշխատակցի, ով կլուծի հստակ բիզնես խնդիրներ: Հենց այս կենտրոնացման արդյունքում է, որ նույնքան հաճախ կարող ենք հրաժեշտ տալ հմուտ աշխատակցին, և ոչ այն պատճառով, որ նա վատ է կատարում իր աշխատանքը։ Պատճառն այն է, որ աշխատակիցը չի ինտեգրվում ընկերության ներքին արժեհամակարգին: Ես հավատում եմ, որ «Աշխատող ԳործON» նախագիծը թույլ կտա հետաքրքրված թեկնածուներին ավելի խորը ծանոթանալ տարբեր ընկերություններին ու նրանց ներքին արժեհամակարգին՝  օգնելով ճիշտ որոշում կայացնել։ Ուրախ ենք լինել նախագծի մասնակիցը և մեր ներդրումն ունենալ այդ կարևոր գործում»։ Գործընկերական նյութ

Այս թեմայով Մուշի Սուրբ Առաքելոց վանքի Կարմիր Ավետարանը բերվեց Հովհաննավանք (տեսանյութ) Ոստիկաններն ինձ զգուշացնում են՝ ռուպերով չխոսես, չխանգարես աշխատանքին, ձայնս դրանից էլ բարձր է ՀՀ-ն վեկտորի ընտրության հարցում կոպիտ սխալներ է թույլ տալիս, բարեկամի փոխարեն թշնամի է ավելացնում ՀՀ-ի ճանաչված սահմանները Իրանի համար կարմիր գիծ են. դեսպան Ընդդիմությունն առաջարկում է Հայաստանի և Ադրբեջանի միջև հատվածական սահմանազատման փոխարեն համապարփակ գործընթաց սկսել Բացառիկ կադրեր. «Armflix»-ի «Տանդեմ» սերիալի առաջին 3 սերիաների ցուցադրությունը, կարմիր գորգն ու հայտնի հյուրերը Փաշինյանի համար կարմիր գիծն իր աթոռն ու շրջապատի բարեկեցությունն են, ՀՀ-ն տանում են կառափնարան Գլխավոր դատախազն ընդունել է Հայաստանում Կարմիր խաչի միջազգային կոմիտեի պատվիրակության ղեկավարին «Ուռա»–ի փոխարեն «Կեցցե». հայկական բանակը նոր կանոնադրություն կունենա Երևանում ծառերի փոխարինման ծրագրով հատված 300-ի փոխարեն 350 ծառ է տնկվել