Աշոտ Հովսեփյանի կալանքի նիստը հետաձգվեց. նա կրկնակի կթեստավորվի․ պաշտպան

Ալկոհոլային  թունավորման գործով մեղադրյալ Աշոտ Հովսեփյանի կալանքի միջնորդության գործով նիստը հետաձգվել է, նրա նկատմամբ կորոնավիրուսի  կրկնակի թեստավարում է նշանակվել: Այս մասին ԼՈՒՐԵՐ.com-ին հայտնեց նրա պաշտպան Գոռ Գևորգյանը։

«Քննչականը չհիմնավորված ու չպատճառաբանված կասկածանք ունի, թե իբրև առաջին  թեստը եղել է ներգործության արդյունք, զուտ դրա համար, կարծեմ, ինչ-որ հարկադրանք են կիրառել և երկրորդ թեստավորումն են արել: Հիմա սպասում են երկրորդ թեստի պատասխանին, որ կարողանան  այս քննության ընթացքը լուծեն»,-ասաց փաստաբանը։

Նշենք, որ գործով մյուս երկու մեղադրյալները` արմավիրցի Արշակ Արշակյանն ու արարատցի Ավետիք Վարդանյանը, երկու ամսով կալանավորվել են:

Գոռ Գևորգյանի կարծիքով` չպատճառաբանված որոշումով են փորձում կալանավորել 50-ամյա Աշոտ Հովսեփյանին . «Որոշման մեջ չի երևում ո՛չ կալանքի պատճառը, ո՛չ էլ հիմքը: Կալանավորման համար որպես հիմք դրել են փախուստը կանխելը, քննությանը խոչընդոտելը, որը կարտահայտվի իրեր թաքցնելով, որոնք որ հետագայում կարող են դառնալ իրեղեն ապացույց քրեական գործով ու վկաների վրա ազդելով: Նախ փախուստի մասին  խոսք չի կարող լինել, որովհետև 2 օր է՝ ինքը ազատության մեջ է ու բացի իր հիվանդությունով զբավելուց չի էլ փորձել այլ բանով զբաղվել: Իրեղեն ապացույցներ թաքցնելը տրամաբանական չէ, քանի որ ինքն է ցուցմունք տվել և նկարագրել, թե որտեղ է պահում սպիրտը: Առավել անտրամաբանական է, որ կազդի վկաների վրա, քանի որ ինքն է տվել այն անձանց անունները, ում որ իրացրել է: Այսինքն՝ բացի հասարակական հնչեղությունը իրացնելու իրավունքից զուրկ,  մոտեցումը չի կարող արդարացնել Աշոտ Հովսեփյանի կալանավորումը: Միտումն այն է, որ ամեն ինչ անեն, միայն թե կալանավորեն»:

Գևորգյանը նշեց, որ իր պաշտպանյալը այս պահին ունի թոքաբորբ՝ կորոնավիրուսով պայմանավորված, ծանր դրսևորված շաքարային դիաբետ, օրը մի քանի անգամ ինսուլին են ներարկում, խնամքին էլ մեկ անչափահաս երեխա ունի:

Հիշեցնենք, որ օգոստոսի 31-ից սեպտեմբերի 5-ը ընկած ժամանակահատվածում ՀՀ-ում արձանագրվել է ալկոհոլային թունավորման 46 դեպք (մեթանոլ), որից 17-ը՝ մահվան ելքով, 16 պացիենտ բուժօգնությունը ստանալուց հետո դուրս է գրվել։ Դեպքերից 29-ը արձանագրվել է Արմավիրի մարզում՝ 9 մահվան ելքով, 15-ը՝ Երևանում՝, որից 7-ը՝ մահվան ելքով, 2-ը Կոտայքի մարզում՝ 1 մահվան ելքով:

Արփինե Հակոբյան

Այս թեմայով ՄԻՊ-ը կգնա ԱԱԾ մեկուսարան՝ Դավիթ Տոնոյանի հետ հանդիպելու «Պաշտպան հայրենյաց» ծրագրի մասնակիցները պատրաստվում են առաջիկա քննություններին Միզող ոստիկանների պատմությունը ծանր հանցանքից շուտով կդառնա անեկդոտ, այնուհետև կմոռացվի. փաստաբան Վաղը Սամվել Վարդանյանին հրավիրում են հարցաքննության․խոշտանգման գործով սայլը տեղից շարժվում է․ փաստաբան Սամվել Վարդանյանին առաջադրված մեղադրանքը լրացվել է. փաստաբան Սամվել Վարդանյանին առաջադրված մեղադրանքը լրացվել է. փաստաբան Ինչու դեռ հարցաքննված չեն զույգով միզող ոստիկանները, առգրավված չեն նրանց միզուղու մոտակայքի բոլոր տեսախցիկներն ու ձայնագրությունները, առգրավված-զննված չեն նրանց հեռախոսները, ավտոմեքենան եւ ինչու քրգործ հարուցված չէ. փաստաբան Երվանդ Վարոսյան Դիմակավորված անհայտ անձինք երեկ դաժանաբար ծեծի են ենթարկել Սամվել Վարդանյանին` մինչեւ խուց տանելը. փաստաբան Էս ազգն իր գլխին աղետ է բերել, երևի մի հրաշք պետք է լինի, որ էդ աղետից պրծնենք. Աշոտյանի փաստաբան Արա՜, դուք վայելեք, քանի դեռ ձեզ ընդամենը վիժվածք են անվանում. փաստաբան