«Պետք է պատրաստ լինենք դեպքերի ավելացմանը. կարանտինը չի փոխում գործողությունների ընթացքը»

Ազգային Ժողովը ընդունել է օրենքների փոփոխությունների ծավալուն փաթեթ, որը, ըստ էության, գալիս է փոխարինելու արտակարգ դրությանը։

Համաճարակաբան Արման Բադալյանը ԼՈՒՐԵՐ.com-ի հետ զրույցում նշեց, որ համաճարակաբանության տեսանկյունից արտակարգ դրության փոխարինումը կարանտինով էականորեն չի փոխում գործողությունները. «Մենք հիվանդության ընթացքին համահունչ ենք շարժվում և ունենք հստակ սահմանված չափանիշներ, օրինակ` թեստավորումից հետո պատասխանը բավական արագ պիտի լինի, դրական պատասխանը ստանալուց հետո շատ արագ պետք է մեկուսացվի վարակի աղբյուրը կամ կոնտակտավորները շատ արագ հայտնաբերվեն. այս բոլոր գործողությունները, ընդհանուր առմաբ, չեն փոխվում»:

Համաճարակաբանը նշում է՝ անկախ փաթեթի կարգավիճակից` գործողությունների արագությունը և որակը պետք է չփոխվի:

«Մեր հասարակությանը կարանտին տերմինն է ահ ու սարսափ հասցնում, թե չէ մինչ այդ էլ կային այս գործողությունները: Արտակարգ դրության փոխարինումը կարանտին բառով չի նշանակում, որ հակահահամաճարակային միջոցառումները փոխվում են: Եթե նախկինում մարդը վարակի 14-րդ օրը դեռ վարակակիր էր համարվում, այսօր արդեն 10-րդ օրից կարող է վարակակիր չլինել. մինչ այս` դա չգիտեին: Այս գիտական մոտեցման նման այլ փոփոխություններ կարող են լինել, բայց միջոցառումների տեսանկյունից՝ ոչ: Թիմը, որը աշխատում էր, աշխատելու է այն չափորոշիչներով, որոնք մինչ այս էլ կային»,- ընդգծեց Բադալյանը:

Կարանտինը սաահմանափակումների միջոցառում է, կիրառվում է համաճարակի օջախից վարակիչ հիվանդությունների տարածումը կանխելու և օջախը վերացնելու նպատակով։ 

«Կարանտին պետք է կիրառվեր վարակի ընթացքին զուգահեռ: Վարակը շատ էր՝ քչացավ, շարժը էլի կշատանա, միգուցե դեպքերի թիվը նորից ավելանա: Բժշկասանիտարական տեսանկյունից մենք աշխատելու ենք նույն տեմպով: Մենք, կարելի է ասել, նոր փուլ ենք մտնում և չգիտենք՝ ինչ է սպասվում մեզ, սակայն պետք է պատրաստ լինենք դեպքերի շատացմանը, բայց մեր արագ արձագանքելու ներուժը պետք է բավարարի. վտանգները կարող են այս տեսանկյունից լինել»,- նկատեց համաճարակաբանը:

Բադալյանի խոսքով՝ պետք է թույլ չտանք, որ վարակը տարածվի, յուրաքանչյուր մեղմացումից հետո պետք է էլ ավելի զգոն լինել, որովհետև այն շատ արագ գլուխ է բարձրացնում:

«Դեպքերը գնալով նվազում են, բայց, իհարկե, դրանց բացթողում էլ կա. շատ են կլինիկորեն հաստատված դեպքերի քանակը, սակայն, ոչ լաբորատոր: Եթե երկուսի քանակն էլ ունենայինք՝ պատկերը ավելի իրական կլիներ»,- եզրափակեց համաճարակաբանը:

Արփինե Հակոբյան

Այս թեմայով Կորոնավիրուսի ժամանակ 829 կեղծ պատմագրի հիման վրա ԱՆ–ից հափշտակվել է 263 մլն 480 հազար դրամ Հունաստանում COVID-ի դեպքերի աճի պատճառով՝ խորհուրդ է տվել նորից դիմակներ կրել ՀՀ-ում կորոնավիրուսի շտամներ են շրջանառվում Աշխարհում ավելացել է COVID-19-ով հիվանդացության դեպքերի թիվը Սպիտակ տանը զգուշացրել են ԱՄՆ-ում կորոնավիրուսի նոր ալիքի հավանականության մասին. Washington Post ԱՄՆ-ն մայիսի 12-ից չեղարկում է օտարերկրացիների համար Covid-ի դեմ պարտադիր պատվաստումը Չինաստանը տեղեկություններ ունի, որոնք կարող են լույս սփռել COVID-19-ի ծագման վրա. ԱՀԿ Բայդենը հավանություն է տվել կորոնավիրուսի պատճառով սահմանված արտակարգ դրության չեղարկմանը Ընտանիքը 330 հազար դրամի դիմաց քովիդի դեմ պատվաստման կեղծ սերտիֆիկատ է ստացել․ բացահայտում ԱՀԿ ղեկավարը վստահություն է հայտնել` 2023 թվականին COVID-19 համաճարակը կավարտվի