Արտառոց դեպք՝ Արմավիրի բանտում․ մայրը սեռական օրգանում թաքցրած 2 հեռախոս է փոխանցել որդուն

Սեպտեմբերի 7-ին արտառոց դեպք է տեղի ուցենել ՀՀ արդարադատության նախարարության «Արմավիր» քրեակատարողական հիմնարկում։ Այդ մասին հայտնում է shamshyan.com-ը:

Ըստ աղբյուրի՝ Արմավիրի բանտի ծառայողները հերթական անգամ բացահայտել են տարօրինակ մի դեպք։ «Արմավիր» քրեակատարողական հիմնարկում կալանավորված Կ․Մ․-ի մոտ կարճատև տեսակցության եկած մայրը բանտի աշխատակցի ձեռքի շարժական դետեկտորով, ըստ կարգի, անձնական զննության է ենթարկվել, որի ժամանակ դետեկտորը ազդանշան է արձակել։ Բանտի աշխատակիցները կալանավորված անձի մորը հայտնել են, որ դետեկտորն իր սեռական օրգանների հատվածում ազդանշաններ է արձակում, ինչի համար իրենք արդեն լուրջ կասկածներ ունեն, որ այնտեղ արգելված իր կամ իրեր են թաքցված։ Սակայն կինը 2 ոտքը դնում է մի կոշիկի մեջ և բանտի աշխատակիցներին համառորեն համոզում, որ շարժական դետեկտորը խաբում է։ Ստուգումը կատարում են դարձյալ մի քանի անգամ, ու անընդհատ դետեկտորը ազդանշան է արձակում։ Տեսնելով, որ կինը համառորեն պնդում է, որ իր մոտ ոչ մի բան չկա, աշխատակիցները նրան թույլատրում են, որպեսզի տեսակցության գնա իր որդուն։

Տեսակցությունից հետո, երբ մայրը դուրս է գալիս քրեակատարողական հիմնարկից, շարժական դետեկտորով մի քանի անգամ դարձյալ ենթարկվում է անձնական զննության։ Սակայն այս դեպքում դետեկտորն ազդանշան չի արձակում։ Բանտի աշխատակիցները, սակայն, տեսակցությունից հետո որդու մոտ արգելված իրեր չեն հայտնաբերում։

Ունենալով լուրջ կասկածներ՝ քրեակատարողական հիմնարկի ծառայողները անձնական զննության են ենթարկում տեսակցությունների համար նախատեսված նույն սենյակում նույն ժամանակահատվածում իրենց մերձավորերի հետ տեսակցող այլ կալանավորների։ Արդյունքում մեկի՝ Ս․ Ս․-ի մոտ, սպորտային կոշիկների միջից հայտնաբերվում է 2 բջջային հեռախոս։

Պարզվել է, որ Ս․Ս․-ին հեռախոսները փոխանցել է կալանավորված Կ․ Մ․-ն, ում տեսակցությունների սենյակում հեռախոսները տվել էր մայրը, ու իմանալով, որ տեսակցությունից հետո բանտի աշխատակիցները իրեն, իրենց լեզվով ասած, «շմոն» կանեն, հեռախոսները փոխանցել է Ս․ Ս․-ին, որպեսզի տեսակցության սենյակից նա դրանք դուրս բերի և հետո փոխանցի իրեն։

Դեպքի փաստով «Արմավիր» քրեակատարողական հիմնարկում նյութեր են նախապատրաստվում։

Այս թեմայով Մամիկոն Ասլանյանը բանտում է, որովհետև Վանաձորում հաղթել է Փաշինյանին. Մելիքյան (տեսանյութ) «Նահանջել չկա». Սուրեն Պետրոսյանը խնդրել է տավուշցիներին փոխանցել` իր ժամանակավոր մեկուսացումը չի կարող կասեցնել հայրենիքի համար մղվող պայքարը Գեղակերտի 62-ամյա բնակչի սպանության համար մեղադրանք է ներկայացվել վերջինիս որդուն Ռուբեն Վարդանյանը Բաքվի բանտում հացադուլ է սկսել Արտակարգ դեպք՝ Երևանում․ հաստաբուն ծառը կոտրվել և ընկել է ավտոմեքենաների վրա Ավետիք Չալաբյանը 1 մլն դրամ է փոխանցել Սամվել Վարդանյանի գրավի համար Բացահայտվել է ընդհանուր ավելի քան 13 կգ «Հերոին», «Մեթամֆետամին» և «Մարիխուանա» տեսակի թմրամիջոցների մաքսանենգության դեպք Անչափահաս աղջկա նկատմամբ սեռական բռնություն կատարած 74-ամյա և 66-ամյա տղամարդկանց հայտնաբերել են Զերծ մնացեք սեռական բռնության ենթարկված անձին, առավել ևս՝ երեխային վերաբերող տվյալներ հրապարակելուց. Աբրահամյան Արթուր Վանեցյանը 1 մլն դրամ է փոխանցել Սամվել Վարդանյանի գրավի համար