Սպիրտը ձեռք է բերել որպես ախտահանիչ միջոց օգտագործելու նպատակով․ ալկոհոլային թունավորման գործով մեղադրյալը չի ընդունում մեղադրանքը

Ալկոհոլային խմիչքից զանգվածային թունավորման գործով մեղադրյալ Ավետիք Վարդանյանն առաջադրված մեղադրանքը չի ընդունում․ նա պնդում է, որ ինքն, առհասարակ, սպիրտի առքուվաճառքով չի զբաղվել, օղի պատրաստելու հետ երբևէ առնչություն չի ունեցել, իսկ սպիրտը ձեռք է բերած եղել որպես ախտահանիչ միջոց օգտագործելու նպատակով։ Այս մասին ԼՈՒՐԵՐ․com-ի հետ զրույցում ասաց նրա պաշտպան Վարդգես Գևորգյանը՝ ընդգծելով, որ իր պաշտպանյալը կեղծ օղի պատրաստելու օժանդակության դեպքի հետ որևիցե առնչություն չունի։ 

Փաստաբանի խոսքով՝ իր պաշտպանյալը սպիրտը ձեռք է բերել մի անձից և հանձնել մեկ այլ անձի՝ չիմանալով, թե ինչ սպիրտ է․ «Ինքը չի իմացել, որ մեթիլ սպիրտ է, այն, ինչը ձեռք է բերել, իմացել է՝ մաքուր է։ Ինքը, առհասարակ, սպիրտի առքուվաճառքով չի զբաղվել։ Ավետիք Վարդանյանը Արշակ Արշակյանին փոխանցած սպիրտը պարտքի դիմաց է տվել․ 1 տոննա սպիրտից մնացած 700 լիտրը և 340 լիտրի չափ էլ այլ տեղից է ձեռք բերած սպիրտը միասին հետ է վերադարձրել։ Իսկ Արշակ Արշակյանի փոխանցած սպիրտը Աշոտ Հովսեփյանին՝ համոզված ենք, որ այն սպիրտը չէ, որը իմ պաշտպանյալը փոխանցել է Արշակ Արշակյանին, քանի որ վերջինս տարբեր տեղերից էլ է սպիրտ ձեռք բերել», - ասաց փաստաբանը՝ նշելով, այս ամենը քննությամբ կպարզվի։ 

Նա նշեց, որ Ավետիք Վարդանյանի և Արշակ Արշակյանի միջև առերեսում է եղել և իր պաշտպանյալն առերես պնդել է խոսքերը։ Բացի այդ, լրացուցիչ հարցաքննության ժամանակ ցուցմունքով հայտնել է, թե ումից է ձեռք բերել այն սպիրտը, որն ինքը ընթացքում նաև օգտագործել է, այդ ուղղությամբ ևս քննություն է իրականացվում, վերջիններս ևս կհրավիրվեն հարցաքննության։

«Հուսով ենք նախաքննության ընթացքում կպարզվի, որ իմ պաշտպանյալը ընդհանրապես առաջադրված մեղադրանքի հետ կապ չունի և իր նկատմամբ խափանման միջոցը կփոխեն»,- ասաց Գևորգյանը։

Նշենք, որ օգոստոսի 31-ից սեպտեմբերի 12-ն ընկած ժամանակահատվածում Հայաստանում արձանագրվել է ալկոհոլային թունավորման 46 դեպք (մեթանոլ), որից 21-ը մահվան ելքով, իսկ 25-ը բուժում ստանալուց հետո դուրս է գրվել։ Քննչական կոմիտեից հայտնել էին, որ քրեական գործով մեղադրանք է առաջադրվել 3 անձի, մասնավորապես, Աշոտ Հովսեփյանին մեղադրանք է առաջադրվել՝ ՀՀ քրեական օրենսգրքի 207-րդ հոդվածի ((կեղծ գինի կամ կեղծ օղի կամ ալկոհոլային կեղծ այլ խմիչք իրացման նպատակով պատրաստելը կամ իրացնելը) 2-րդ մասով: Արշակ Արշակյանին և Ավետիք Վարդանյանին մեղադրանք է առաջադրվել՝ ՀՀ քրեական օրենսգրքի 38-207-րդ հոդվածի (կեղծ գինի կամ կեղծ օղի կամ ալկոհոլային կեղծ այլ խմիչք իրացման նպատակով պատրաստելուն կամ իրացնելուն օժանդակելը) 2-րդ մասով: Երեք մեղադրյալները կալանավորվել են։ Նրանք առաջադրված մեղադրանքները չեն ընդունում։

Սոնա Հարությունյան

Այս թեմայով Գավառի մանկատան այգու մեջ ի՞նչ գործ ուներ գարեջրատունը, համոզում էին՝ իբր մանկական սրճարան է (տեսանյութ) Պապիկյան, այ տականք, 15 զինվոր մի սենյակում ի՞նչ գործ ուներ, սկի թուրքը չի կարում էդքան հայ սպանել (տեսանյութ) Գործ ունենք ՀՀ արտաքին քաղաքական սխալ հաշվարկների հետ՝ Արցախի հարցը փակված չէ. Աշոտ Ղուլյան (տեսանյութ) Պահեստազորի գնդապետ Միհրան Մախսուդյանի որդուն մեղադրանք է առաջադրվել Սուրեն Պետրոսյանն այսօր դուրս կգա ՁՊՎ-ից. 60 ժամվա ընթացքում նրան մեղադրանք չի ներկայացվել Քրեական աստիճանակարգության բարձրագույն կարգավիճակ ունեցող անձին մեղադրանք է ներկայացվել՝ խուլիգանություն կատարելու համար Գեղակերտի 62-ամյա բնակչի սպանության համար մեղադրանք է ներկայացվել վերջինիս որդուն Գործ ունենք ոչ թե սահմանազատման, այլ միակողմանի զիջումների հետ. դեմ ենք դրան. «Բարձունք» կրթական շարժում «Ժողովուրդ». 46 մլն 236 հազար դրամ «գործ տալու» «Ազդարարի՛ր» հարթակի համար` արդյունքում 176 հաղորդում 12 ամսում Կա էդ 1 ու կես միլիոն նահատակների տվյալները` պատգամավորին հիշեցնում են «Գործ թիվ 1 500 000» գիրքը