Քրեական գործ չկա, բայց Արթուր Գևորգյանը ԱՄՆ-ում ձերբակալված է

ԱԺ նախկին պատգամավոր Արթուր Գևորգյանն ԱՄՆ-ում որևէ քրեական գործով չի կալանավորվել։ Այս մասին ԼՈՒՐԵՐ․com-ի հետ զրույցում ասաց Գևորգյանի պաշտպան Հրանտ Անանյանը։

Նկատենք, սակայն, որ սա չի ենթադրում, թե Արթուր Գևորգյանը որևէ հարցով ԱՄՆ-ում չի ձերբակալվել, քանի որ փաստաբանը ուշադրություն է հրավիրում «քրեական գործ» արտահատության վրա, քանի որ ինչպես ՀՀ դատախազությունից են փոխանցում՝ նրա ձերբակալությունը կապված է ԱՄՆ օրենսդրության պահանջների խախտման հետ։

Նշենք, որ երեկ ամերիկաբնակ, «Դոգ» մականունով հայտնի Վարդան Ղուկասյանի կողմից տեղեկություն էր տարածվել, թե Արթուր Գևորգյանն ԱՄՆ-ում կալանավորվել է։ Փաստաբանն ասաց, որ վերջինիս կողմից արված հայտարարությունն ապատեղեկատվություն  է և հասկանալու համար ճի՞շտ է լուրը, թե՞ ոչ, նախ պետք է իմանալ՝ ով է ասողը․ «Վարդան Ղուկասյանը նախկինում ոստիկանությունից վռնդված, շորթման և խարդախության համար դատապարտված մեկն է, որի մասին անգամ դատալեքսում  կա դատավճիռ։ Եթե մեր լսարանի համար կապ չունի՝ ով է ասում, կարևոր է թե ինչ է ասում»,- ասաց Անանյանը՝ հորդորելով տեղի չտալ ապատեղեկատվությանը։

Նրա խոսքով՝ վարույթն իրականացնող մարմինը նպատակ է դրել արհեստականորեն ձգձգել գործի քննությունը․ «ՀՔԾ-ն անհիմն հիմք չընդունելով հյուպատոսական վավերացմամբ ներկայացրած փաստաթղթերին և կասկածներ ունենալով դրանց վերաբերյալ, որոշել է ինքնուրույն դիմել ԱՄՆ իրավապահ մարմիններին՝ նույն տեղեկատվությունը ստանալու համար։ Փաստորեն, ամիսներ են անցել և դեռ սպասում ենք ԱՄՆ իրավապահ մարմինների պատասխանին»,- ասաց Անանյանը։

Մեզ հետ զրույցում ՀՀ դատախազությունից հաստատեցին, որ Արթուր Գևորգյանը ԱՄՆ-ում ձերբակալվել է, բայց ոչ թե այն քրեական գործով, որով նա ներգրավված է որպես մեղադրյալ, այլ ԱՄՆ օրենսդրության պահանջների խախտման հետ կապված հանգամանքներով պայմանավորված․ «Չնայած այդ հանգամանքին՝ ՀՀ գլխավոր դատախազությունը նախապատրաստում է անհրաժեշտ փաստաթղթերը՝ նրա հետախուզման շրջանակներում ՀՀ իրավասու մարմիններին փոխանցման հարցով ԱՄՆ համապատասխան մարմիններին դիմելու համար: Հարկ է, սակայն, նկատի ունենալ, որ քրեական գործերով անձանց հանձնման ոլորտում ՀՀ-ի և ԱՄՆ-ի միջև հանձնման մասին երկկողմ միջազգային պայմանագրի բացակայությունը որոշակի առանձնահատկություններ է թելադրում հանձնման գործընթացի առավել բարդության տեսանկյունից»,- փոխանցեցին դատախազությունից։

Անդրադառնալով դատախազության մեկնաբանությանը, Հրանտ Անանյանը շարունակեց պնդել՝ Գևորգյանը որևէ քրեական գործով չի կալանավորվել․ «Դատախազության ասածը չի հակասում իմ ասածին, բայց փորձում են համեմել և կապակցել այս գործի հետ, բայց հավատացնում եմ՝ որևէ քրեաիրավաական բնութագիր ունեցող հարցով անձը ձերբակալված կամ կալանավորված չէ։ Չեմ ասում, թե տվյալ դեպքում այս դեպքն է, բայց եթե օրինակ ԱՄՆ-ում ալկոհոլ օգտագործած մեքենա ես վարում, ճանապարհային ոստիկանությունը ձերբակալում է, բայց դա չի նշանակում, թե Արթուր Գևորգյանը քրեական գործի մեղադրանքով է ձերբակալված։ Չկա նման բան։ Իսկ թե ինչ խնդիրներ կան, ես դա չեմ ուզում մեկնաբանել»,- նշեց փաստաբանը։

Հիշեցնենք, որ Արթուր Գևորգյանը մեղադրյալ է ներգրավվել ապրիլի 9-ին ՀՔԾ-ում քննվող քրեական գործի ՀՀ ՔՕ-ի 314.3-րդ հոդվածի 2-րդ մասով (առանձնապես խոշոր չափերով գույքի կամ եկամտի չհայտարարագրումը) և 310.1-րդ հոդվածի 1-ին մասով (ապօրինի հարստանալը): Դատարանի որոշմամբ նրա նկատմամբ խափանման միջոց է ընտրվել կալանավորումը և հետախուզում հայտարարվել։

Նշենք, որ Արթուր Գևորգյանը նախկին ոստիկանապետ Վլադիմիր Գասպարյանի փեսան է։ 

Սոնա Հարությունյան

Այս թեմայով Վանաձորի թիվ 3-րդ պոլիկլինիկայի նախկին ավագ բուժքույրը նախկին տնօրենին և ավագ բուժքրոջը մեղադրում է «քովիդի» ժամանակ 10 մլն դրամ հափշտակելու մեջ Սիրելի'ս ի՞նչ նախկին-ներկա, իրենց սատանայական ցանցերը չեն գործում այլևս, մարդիկ պայքարում են (տեսանյութ) Ողջույններս նախկին թիկունքի պետ Գագիկ Մելքոնյանին. ինքը հասկացավ՝ ինչ եմ ասում. Բագրատ Սրբազան (տեսանյութ) Նորանոր մարդիկ են միանում շարժմանը, Թաթոյանը, նախկին ՊԵԿ նախագահ Անանյանը միացան. Գառնիկ Դանիելյան (տեսանյութ) Ռուսաստանում հետախուզում է հայտարարվել Ուկրաինայի ՆԳՆ նախկին ղեկավար Արսեն Ավակովի նկատմամբ Ես հավատում եմ Բագրատ Սրբազանին ու լինելու եմ նրա կողքին․ ԱԱԾ նախկին տնօրեն Քրիստոնեությունից չենք հրաժարվում, բայց որոշ հոգևորականների նկատմամբ դիրքորոշում ունենք․ ՔՊ-ական պատգամավոր (տեսանյութ) Դե Կիրանց տեղափոխեք Տավուշի մարզկենտրոնը, թող գյուղացիները տեսնեն՝ ինչքան անվտանգ է. պատգամավոր (տեսանյութ) Գտե՞լ եք էդ տղային ստորացնողին, իհարկե չեք գտել, սա սև խարան է այս իշխանության վրա. պատգամավոր (տեսանյութ) Դա լրագրող կոչվելու իրավունք չունի. պատգամավոր (տեսանյութ)