Գնդակոծվում են Ստեփանակերտը և ՀՀ տարածքը. Բունդեսթագի պատգամավորների հայտարարությունը

Գերմանիայի Բունդեսթագի Գերմանիա-Հարավային Կովկաս խորհրդարանական բարեկամության խմբի փոխնախագահներ Ալբերտ Վայլերը (Քրիստոնեա-դեմոկրատական միություն կուսակցություն) և Թիլ Մանսմանը (Ազատ դեմոկրատներ կուսակցության) համատեղ հայտարարություն են տարածել Լեռնային Ղարաբաղում իրավիճակի վերաբերյալ: Հայտարարությունը հրապարակվել է Ալբերտ Վայլերի պաշտոնական կայքում:

«Արմենպրես»-ը ներկայացնում է հայտարարության տեքստը:

«Որպես Բունդեսթագի Գերմանիա-Հարավային Կովկաս խորհրդարանական բարեկամության խմբի փոխնախագահներ՝ պահանջում ենք Հայաստանից և Ադրբեջանից դադարեցնել Լեռնային Ղարաբաղի շուրջ ռազմական գործողությունները: Բոլոր մասնակից կողմերը պետք է վերադառնան բանակցությունների սեղանի շուրջ և համատեղ կառուցողական աշխատանքներ տանեն ԵԱՀԿ Մինսկի խմբի համանախագահների հետ միասին: Ռազմական ճանապարհով հակամարտությունը կարգավորելու փորձերն ապակայունացնում են տարածաշրջանը և վտանգում տեղում մարդկանց անվտանգությունը:

Գնդակոծվում են նաև քաղաքացիական բնակավայրեր, այդ թվում՝ մայրաքաղաք Ստեփանակերտը, ինչպես նաև Հայաստանի Հանրապետության տարածքը: Բազմաթիվ քաղաքացիներ են զոհվել, կան մի շարք վիրավորներ: Մենք խստորեն դատապարտում ենք ագրեսիայի ցանկացած դրսևորում. բռնությունը չի կարող լուծում լինել: Բոլոր կողմերը պետք է հավատարիմ մնան միջազգային հումանիտար իրավունքին:

Դրանից բացի մենք մեծապես մտահոգված ենք այս պատերազմում Թուրքիայի ներգրավվածությամբ: Թուրքական ուժերի ներգրավումը լրացուցիչ վտանգավոր բացասական ազդեցություն կունենա առանց այդ էլ փխրուն կայունության վրա: Հենց այդ նպատակով մենք կոչ ենք անում նաև նրան դադարեցնել ռազմական հռետորաբանությունը:

Այս ծանր պահին մեր մտքերը երկու կողմերի զոհերի ընտանիքների և հարազատների հետ են»:

Այս թեմայով Հենց հիմա որ ստեղ կանգնած ենք, էս տարածքը անցնելու ա Ադրբեջանին, բայց կադաստրով մերն ա (տեսանյութ) «Ո՞վ կարող է Եկեղեցու դռները փակել մեր առջև` ոչ ոք», «Տարածքը փակ է, 1 ժամից կարող եք Եկեղեցի գնալ» (տեսանյութ) Սողանք Տաթև-Լծեն ավտոճանապարհին․ փրկարարները սահմանազատել են տարածքը Վայոց ձորում իրանական համարանիշերով բեռնատարը կողաշրջվել է Երևանի Կողբացի փողոցի 36/3 հասցեում կառուցված համալիրից 235,8 քմ մակերեսով տարածքը սեփականության իրավունքով կփոխանցվի Հայաստանի Հանրապետությանը Սամվել Վարդանյանի վրա հարձակումը նախապես պլանավորվել է․ «Հայաքվե»-ի հայտարարությունը Վաղը բոլոր ցանկացողները կարող են մասնակցել «Հայաստան» խմբակցության պատգամավորների հետ հանդիպմանը ՀՀ-ի տարածքը կազմում է 29.743 քկմ, բացե'ք աշխարհագրության դասագրքերը. Ռուբինյանը ընդդիմությանը Գիտեինք՝ ՀՀ տարածքը 29,8 հզ քկմ ա, հո՛պ, երեկ ԱԺ-ից իմացանք՝ 29․743 հզ քկմ ա, բան չեղավ, թիվ փոխվեց ՈՒՂԻՂ. Փաշինյանը և Կառավարության անդամները պատասխանում են պատգամավորների հարցերին