«Փաստ». Ալիեւը հրաման է տվել՝ նահանջի դեպքում վիրավորներին թողնել մարտի դաշտում

«Փաստ» թերթը գրում է. ««Փաստ» թերթն արդեն անդրադարձել է այն փաստին, որ Արցախում ընթացող պատերազմում ընդգրկված վարձկան-ահաբեկիչներին Ադրբեջանն օգտագործում է պատերազմի ամենաթեժ հատվածներում, որտեղ ողջ մնալու հավանականությունը գրեթե զրոյական է։ Նշել էինք նաեւ, որ ադրբեջանական իշխանությունները մտադիր են ամեն ինչ անել, որպեսզի վարձկան-ահաբեկիչների հետքերը առավելագույնս վերանան՝ հետագայում ավելորդ գլխացավանքից խուսափելու համար։ Այս թեմայով ավելի ու ավելի նոր մանրամասներ են ի հայտ գալիս։

Մասնավորաբար, նախօրեին համացանցում հերթական աուդիոձայնագրությունը տարածվեց, որտեղ սիրիացի վարձկան-ահաբեկչի խոսքից ակնհայտ է դառնում, որ չնայած այն փաստին, որ ահաբեկիչներից բավական մեծ թվով ոչնչացվել է, ադրբեջանցիները «նրանց ստիպում են դարձյալ գնալ առաջ»։

Բացի դրանից, վարձկանը բողոքում է, որ «ադրբեջանցիներն իրենց ուտելիք չեն տալիս, անգամ վիրավորներին չեն ճանապարհում տուն՝ թողնում են մահանան, որ չվճարեն»։ Այն փաստը, որ Ադրբեջանը մտադիր է ահաբեկիչներին ամեն կերպ վերացնել, հաստատվում է վարձկանի խոսքերից, ըստ որի՝ նրանք, ովքեր չեն կարողանում նորմալ կռվել եւ փորձում են նահանջել՝ թիկունքից կրակում են դիպուկահարները։

Ընդ որում, խոսքը ոչ միայն վարձկանների, այլեւ հենց ադրբեջանցիների մասին է: Տարբեր Տելեգրամ ալիքներն ու սիրիական լրատվամիջոցները եւս անդրադառնում են մեծ քանակությամբ վարձկանների կոտորվելու, նրանց մեկ միասնական գերեզմանում թաղելու եւ հետքերը թաքցնելու փաստերի մասին: Մյուս կողմից՝ Ադրբեջանի իշխանություններին անգամ իրենց սպանված զինծառայողների մարմինները չեն հետաքրքրում, որոնք շուրջ երկու շաբաթ ընկած են առաջնագծում։

Ի դեպ, փորձագետներն արդեն խոսում են նաեւ այն մասին, որ Բաքվի բռնապետը ներքին հրաման է տվել՝ ոչ մի վիրավորի վրա ժամանակ եւ ռեսուրս չծախսել, նահանջի դեպքում նրանց թողնել ոչնչացվածների հետ մարտի դաշտում»։

Այս թեմայով Օկուպացված Արցախում մինչև 2026-ի վերջ մոտ 40 000 ադրբեջանցի կբնակեցվի «Զինվոր ծնվել ենք, զինվոր էլ կմեռնենք». լարված վիճակ Տավուշում, ցուցարարները չեն բացում ճանապարհը Երևանից կենտրոնում ադրբեջանցի դիվերսանտի ձերբակալելու լուրը չի համապատասխանում իրականությանը Ադրբեջանցի դիվերսանտ Երեւանի կենտրոնում (տեսանյութ) Օկուպացված Ակնայում ական է պայթել. ադրբեջանցի է վիրավորվել Զորավարժությունների ժամանակ ադրբեջանցի զինծառայող է մահացել ՌԴ-ում ադրբեջանցի երգչուհի է ձերբակալվել «Կրոկուս Սիթի Հոլ»-ի ադրբեջանցի սեփականատերն առաջին անգամ մեկնաբանել է ահաբեկչությունը Ադրբեջանցի գերուն «կարմիր գորգով» վերադարձնում են, հայ ընդդիմադիրներին՝ «փռում ասֆալտին». «Փաստ» «Կրոկուս Սիթի Հոլ»-ը պատկանում է ադրբեջանցի մեծահարուստ Աղալարովին․ նա որդու հետ դեպքի վայրում է