Մեկ մահճակալ, մեկ թթվածնային սարք զբաղեցնելն այս օրերին անթույլատրելի է. Արա Բաբլոյան

ԱԺ նախկին նախագահ, բժիշկ Արա Բաբլոյանը ռազմական ու բժշկական ճակատներն ամուր պահելու կոչ է արել։

«Սիրելի՛ հայրենակիցներ, մեր հայրենիքի համար վճռական այս օրերին, երբ մեր զինվորներն իրենց կյանքն են զոհաբերում՝ հանուն հայրենի հողի և մեր լինելիության, մենք պարզապես իրավունք չունենք թուլացնել մեր երկրորդ կարևոր ճակատը՝ առողջապահականը:

Խնդրում եմ, թո՛ւյլ տվեք ասել նաև՝ պահանջում եմ, խստորեն պահպանեք հակահամաճարակային կանոնները, գնահատե՛ք Ձեր պատասխանատվության աստիճանն այս հարցում՝ ընդունելով, որ վիրավորներով գերծանրաբեռնված բժշկական կենտրոններում մեկ մահճակալ, մեկ թթվածնային սարք զբաղեցնելն այս օրերին ոչ միայն անցանկալի, այլև պարզապես անթույլատրելի է: 

Թո՛ւյլ տվեք բժիշկներին կենտրոնանալ առավելապես մեր քաջարի զավակների կյանքերը փրկելու, նրանց առողջությունը վերականգնելու անգնահատելի գործին:

Կրկնում եմ, զգացեք յուրաքանչյուրիդ պատասխանատվությունը՝ կորոնավիրուսային չարաբաստիկ վարակի տարածումը կանխարգելելու գործում, պահե՛ք սոցիալական հեռավորություն, կրե՛ք դիմակ, հաճախակի ախտահանեք ձեռքերը և պահանջեք նույնը ձեր կողքիններից:

Այսօր մեր վարքագիծն առավել քան կարևոր է՝ չթուլացնելու, հաղթանակած պահելու համար մեր ռազմական ու բժշկական ճակատները»,-ասված է կոչում:

Այս թեմայով «Ես հույս ունեմ, որ կհայտարարեք համաներում՝ առանց նախապայմանների»․ Բաբլոյանի բաց նամակը Ալիևին Ինձ տանում եք քաղաքական դաշտ, ես ուզում եմ ասել՝ զբաղվում եմ առողջությամբ. Բաբլոյան Երևանում գողերը բացել են Արա Բաբլոյանի վիրաբույժ որդու տան պատշգամբի դուռն ու մտել տուն Ի՞նչ բնապահպան, ո՞նց կարող է էկոակտիվիստը ձեռքերում աղավնի խեղդամահ անել. Արա Բաբլոյան Ինչո՞ւ եք դիմակ կրում․ որքան գիտեմ՝ պատվաստված եք․ Արա Զոհրաբյանը՝ Ավանեսյանին «Զարթոնքը» ընտրական իրավունքի խախտման հիմքով դիմել է ՍԴ Մեկնարկել է Արա Այվազյանի և Մոհամմադ Ջավադ Զարիֆի առանձնազրույցը Երևանում կայացել է ՀՀ-ում ՌԴ արտակարգ և լիազոր դեսպան Սերգեյ Կոպիրկինի և Արա Աբրահամյանի հանդիպումը Արա Այվազյանը Դուշանբեում կմասնակցի ՀԱՊԿ ԱԳ նախարարների խորհրդի նիստին Լավրովի և Արա Այվազյանի համատեղ մամուլի ասուլիսը