Էս փոքր ու Աստծո տված երկրում որտեղի՞ց էսքան անհույս տականք հավաքվեց. Նաիրա Զոհրաբյան

Բլոգոսֆերա 23 Հոկտեմբեր, 2020 23:43

ԱԺ ԲՀԿ-ական պատգամավոր Նաիրա Զոհրաբյանը իր Ֆեյսբուքյան էջում գրել է.

«Ես հրաժարվում եմ հասկանալ ձեզ՝ հրեշներ

Լավ, էս փոքր ու Աստծո տված երկրում որտեղի՞ց էսքան անհույս տականք հավաքվեց:

Հրեշներ, ա՛յ հրեշներ, էդ որ գերի ընկած մեր զինվորների վիդեոները տարածում եք ու ամեն մեկդ ձեր տան թախտին վեր ընկած, ձեր սեմուշկան չրթելով, որոշում եք, թե ո՞նց իրենց պիտի պահեին գերի ընկած մեր տղաները, դուք գոնե հասկանու՞մ եք, որ վերջացած ստահակ եք:

Գոնե հասկանու՞մ եք այ տականքներ, որ էդ դաժան կադրերը գերեվարված մեր զինվորների մայրերն ու քույրերն էլ են նայում։

Լավ, ձեր նման տականքը հե՞չ ունակ չի հասկանալու ազերիների գերության մեջ հայտնված զինվորի մոր ցավը:

Դուք, որ ձեր ծամոնը ճպճպացնելով, որպես «դիվանային խոշոր ստրատեգներ», եզրակացնում եք, որ ճիշտ կանեին իրենք իրենց խփեին, գոնե հասկանու՞մ եք, հրեշներ, այ հրեշներ, որ 18-19 տարեկան գրեթե երեխաներ են, երեխաներ, տականքներ, ձեր ու մեր երեխաների տարիքի:

Ու մենք գիտենք, թե ինչի՞ է ընդունակ ադրբեջանական նախիրը:

Լավ, էս ի՞նչ կատարվեց էս լավ ժողովրդի մի հատվածի հետ, անկեղծ ուզում եմ հասկանալ ու չի ստացվում:

Ես հրաժարվում եմ հասկանալ ձեզ հրեշներ, «չմարդիկ»:

Ու էնքան եմ հասկանում իմ ընկեր Հռիփսիմե Առաքելյանին, ով ասում է` բայց ոնց կսատկացնեի ձեզ:

Զինվորներ ջան, հրաշք տղաներ ջան, որ գերի եք ընկել հայրենիքը պաշտպանելուց, դիմացեք, շատ դժվար է, բայց մի քիչ էլ դիմացեք, դիմացեք սիրելիներս։

Գերեվարված զիվորների մայրեր, ես ներողություն եմ խնդրում բոլոր էդ «չմարդների» փոխարեն: Բայց Հռիփսիմեի առաջարկը՝ էդ տեսակին սատկացնելու, մնում է ուժի մեջ»։