Ազատություն ստացած որոշ կալանավորներ ու դատապարտյալներ չեն գնացել առաջնագիծ

Ինչպես արդեն տեղեկացրել ենք, պատերազմական իրավիճակի սկսելուն պես քերակատարողական հիմնարկներում պահվող ազատազրկված անձինք ցանկություն են հայտնել մեկնել առաջնագիծ՝ հայրենիքի պաշտպանությանը մասնակցելու։ Պարզելու համար, թե այս օրերին կալանավորների և դատապարտյալների քանիսի՞ դիմումին է ընթացք տրվել, ԼՈՒՐԵՐ․com-ը դիմեց ՀՀ գլխավոր դատախազություն։

«Նման ցանկություն հայտնած կալանավորված 12 անձի խափանման միջոց փոխվել է անազատության հետ չկապված այլ խափանման միջոցով նշված նպատակով: Եվ նման ցանկություն հայտնած 9 դատապարտյալ, որոնք համապատասխանել են օրենքով սահմանված չափանիշներին, պայմանական վաղաժամկետ ազատ են արձակվել՝ առաջնագիծ մեկնելու համար»,- մեզ հետ զրույցում հայտնեց ՀՀ գլխավոր դատախազի խորհրդական Գոռ Աբրահամյանը:

Նա նշեց, որ չափազանց զգույշ և անհատական մոտեցում է ցուցաբերվում դիմումների ընթացքը որոշելիս, յուրաքանչյուր դիմում քննարկման առարկա է դառնում անհատական կարգով՝ վստահ լինելու համար, որ նախ իրավիճակը չի ծառայեցվում ազատության մեջ հայտնվելու անձնական շահերի համար և որ ԶՈւ-ին միանալու դեպքում նվազագույնի հասցված կլինեն հանցավոր վարքագծի ռիսկերը․ «Նման մոտեցումը լիովին արդարացված է, քանի որ ունենք առանձին քիչ դեպքեր, երբ նշված նպատակով մարդկանց հնարավորություն է տրվել հայտնվելու ազատության մեջ, բայց նրանք դեռևս չեն ներկայացել իրավասու մարմնին՝ առաջնագիծ գնալու համար»,- նշեց Գլխավոր դատախազի խորհրդականը:

Ավելի վաղ տեղեկացրել էինք, որ ռազմաճակատ գնալու նկատառումով՝ հոկտեմբերի 28-ի դրությամբ 12 կալանավորի խափանման միջոց էր փոխվել, 4 դատապարտյալ էլ վաղաժամկետ պայմանականով էր ազատվել: 

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա-ադրբեջանական սահմանի ողջ երկայնքով։ Այս օրերին մեծ թվով ՀՀ քաղաքացիներ որպես կամավորներ գնում են կռվելու հակառակորդի դեմ։

Սոնա Հարությունյան

Այս թեմայով ՄԻՊ արագ արձագանքման խումբը մեկնել է Նոյեմբերյանում բերման ենթարկված անձանց տեսակցելու Երևանի և մարզերի որոշ հասցեներում լույս չի լինի «Ազատություն քաղբանտարկյալներին», «ընդդեմ երկակի ստանդարտների». ակցիա ԵՄ պատվիրակության գրասենյակի դիմաց Էլեկտրաէներգիայի պլանային անջատումներ` Երևանի և մարզերի որոշ հասցեներում Կփոխհատուցվեն 44-օրյա պատերազմում վիրավորում ստացած զինհաշմանդամի՝ Հունաստանում բուժման և կեցության ծախսերը Երևանի և մարզերի որոշ հասցեներում լույս չի լինի Երևանի և Կոտայքի մարզի որոշ հասցեներում լույս չի լինի Ալեն Սիմոնյանի գլխավորած պատվիրակությունը պաշտոնական այցով մեկնել է Լիտվա ՌԴ որոշ մարզերում գետերի մակարդակի բարձրացման հետևանքով բազմաթիվ բնակավայրեր են հեղեղվել. մտցվել է արտակարգ դրություն Պապիկյանը տեսակցել է ապրիլի 12-ին վթարի հետևանքով մարմնական վնասվածքներ ստացած զինծառայողներին